మారిన జీవ‌న విధానం, ఆహార‌పు అల‌వాట్లు, వాతావ‌ర‌ణ కాలుష్యం కార‌ణంగా మ‌న‌లో చాలా మంది చ‌ర్మ సమస్యలతో బాధ‌ప‌డుతున్నారు. చ‌ర్మం పొడిబార‌డం, మొటిమ‌లు, మ‌చ్చ‌లు, క‌ళ్ల చుట్టూ న‌ల్ల‌టి వ‌ల‌యాలు ఇలా వివిధ ర‌కాల చ‌ర్మ సమస్యలతో బాధ‌ప‌డుతున్నారు. ఈ స‌మ‌స్య‌ల‌ను క‌నుక నిర్ల‌క్ష్యం చేస్తే ముఖం అంద‌విహీనంగా త‌యార‌వుతుంద‌ని చెప్ప‌డంలో ఎటువంటి సందేహం లేదు. చాలా మంది ఈ స‌మ‌స్య‌ల‌ను త‌గ్గించుకోవ‌డానికి ముఖాన్ని అందంగా మార్చుకోవ‌డానికి అనేక ర‌కాల చిట్కాల‌ను పాటిస్తూ ఉంటారు. ఇలా చిట్కాల‌ను పాటించ‌డంతో పాటు రోజూ రాత్రి ప‌డుకునే ముందు కొన్ని చ‌ర్మ సంర‌క్ష‌ణ చ‌ర్యలు చేప‌ట్ట‌డం వల్ల మ‌నం మన ముఖాన్ని అందంగా, కాంతివంతంగా, మృదువుగా మార్చుకోవ‌చ్చు.
అలాగే వీటిని పాటించ‌డం వల్ల చ‌ర్మ స‌మ‌స్య‌లు కూడా రాకుండా ఉంటాయి. చ‌ర్మం యొక్క అందం, ఆరోగ్యం కొర‌కు మ‌నం రాత్రి పూట చేప‌ట్టాల్సిన సంర‌క్ష‌ణ చ‌ర్య‌ల గురించి ఇప్పుడు తెలుసుకుందాం. రోజూ రాత్రి ప‌డుకునే ముందుగా ముఖాన్ని నీటితో క‌డుక్కోవ‌డం అల‌వాటుగా మార్చుకోవాలి. ఇలా చేయ‌డం వల్ల ముఖంపై ఉండే మురికి, దుమ్ము, ధూళి అంతా తొల‌గిపోతుంది. ఇలా చేయ‌డం వల్ల ముఖంపై మొటిముల రాకుండా ఉంటాయి. అలాగే ప‌డుకునే ముందు క‌ళ్ల చుట్టూ ఐక్రీమ్ ను రాసుకోవాలి. ఇలా చేయ‌డం వల్ల క‌ళ్ల చుట్టు న‌ల్ల‌టి మ‌చ్చ‌లు రాకుండా ఉంటాయి. అలాగే క‌ళ్ల‌ల్లో ఐడ్రాప్స్ వేసుకోవాలి. ఇక రాత్రి ప‌డుకునే ముందు కూడా చ‌ర్మానికి మాయిశ్చ‌రైజ‌ర్ రాసుకోవాలి. ఇలాచేయ‌డం వల్ల చ‌ర్మం పొడిబార‌కుండా తేమ‌గా ఉంటుంది. అంతేకాకుండా చ‌ర్మం అందంగా, కాంతివంతంగా, య‌వ్వ‌నంగా క‌నబడుతుంది.
అలాగే రాత్రి ప‌డుకునే ముందుగా వారానికి రెండు నుండి మూడు సార్లు ముఖానికి హెర్బ‌ల్ ఫేస్ మాస్క్ వేసుకోవాలి. ఇలా చేయ‌డం వల్ల కూడా మంచి ఫ‌లితం ఉంటుంది. అలాగే చ‌ర్మంతో పాటు జుట్టును సంర‌క్షించుకోవ‌డం కూడా అల‌వాటు చేసుకోవాలి. ప‌డుకునే ముందు 5 నిమిషాల పాటు త‌ల‌కు మ‌ర్ద‌నా చేసుకోవాలి. ఇలా చేయ‌డం వల్ల జుట్టు కుదుళ్ల‌కు ర‌క్త‌ప్ర‌స‌ర‌ణ మెరుగుప‌డుతుంది. జుట్టు కుదుళ్లు బ‌లంగా త‌యార‌వుతాయి. అల‌స‌ట త‌గ్గి చ‌క్క‌గా నిద్ర ప‌డుతుంది. ఈ విధంగా ఈ చ‌ర్య‌ల‌ను తీసుకోవ‌డం వల్ల చ‌ర్మం మ‌రియు జుట్టు ఆరోగ్యం మెరుగుప‌డ‌డంతో పాటు వాటికి సంబంధించిన స‌మ‌స్య‌లు కూడా రాకుండా ఉంటాయని నిపుణులు చెబుతున్నారు.
