Turmeric Face Pack : మ‌న‌లో చాలా మంది వ‌య‌సుతో సంబంధం లేకుండా మొటిముల, మ‌చ్చ‌లు, ముఖంపై జిడ్డు వంటి వివిధ ర‌కాల చ‌ర్మ స‌మ‌స్య‌ల‌తో బాధ‌ప‌డుతూ ఉంటారు. మారిన మ‌న జీవ‌న విధానం, ఆహార‌పు అల‌వాట్లే ఈ స‌మ‌స్య‌లు తలెత్త‌డానికి ముఖ్య కార‌ణాల‌ని చెప్ప‌వ‌చ్చు. మొటిమలు, మ‌చ్చ‌ల కార‌ణంగా ముఖం జీవం కోల్పోయిన‌ట్టు క‌నిపిస్తుంది. చాలా మంది వీటి కార‌ణంగా ఆత్మ‌నూన్య‌త భావ‌న‌కు కూడా గురి అవుతూ ఉంటారు. ఈ స‌మస్య‌ల నుండి బ‌య‌ట పడడానికి ఎంతో ఖ‌ర్చు చేస్తూ ఉంటారు. బ్యూటీ పార్ల‌ర్ కు వెళ్తూ ఉంటారు.
మార్కెట్ లో ల‌భించే అన్ని ర‌కాల బ్యూటీ ప్రొడ‌క్ట్స్ ను వాడుతూ ఉంటారు. అయిన‌ప్ప‌టికి కొంద‌రిలో ఎటువంటి మార్పు క‌నిపించ‌దు. అలాంటి వారు ఇప్పుడు చెప్పే చక్క‌టి చిట్కాను వాడ‌డం వ‌ల్ల మంచి ఫ‌లితం ఉంటుంది. ఈ చిట్కాను త‌యారు చేసుకోవ‌డం చాలా సుల‌భం. ఎటువంటి ఖ‌ర్చు లేకుండా కేవ‌లం మ‌న ఇంట్లో ఉండే ప‌దార్థాల‌తో ఈ చిట్కాను త‌యారు చేసుకుని వాడుకోవ‌చ్చు. ఈ చిట్కాను వాడ‌డం వ‌ల్ల ముఖం అందంగా కాంతివంతంగా త‌యార‌వుతుంది. ముఖాన్ని అందంగా మార్చే ఈ చిట్కాను ఎలా త‌యారు చేసుకోవాలి… ఎలా వాడాలి.. అన్న వివ‌రాల‌ను ఇప్పుడు తెలుసుకుందాం.
దీనిని త‌యారు చేసుకోవ‌డానికి గానూ మ‌నం ముందుగా ఒక గిన్నెలో అర చెక్క ట‌మాట ర‌సాన్ని తీసుకోవాలి. త‌రువాత ఇందులో ఒక టీ స్పూన్ తేనె, పావు టీ స్పూన్ క‌స్తూరి పసుపు వేసి బాగా క‌ల‌పాలి. త‌రువాత ఈ మిశ్ర‌మాన్ని ముఖానికి రాసుకుని ఆరే వ‌ర‌కు అలాగే ఉంచాలి. త‌రువాత చ‌ల్ల‌టి నీటితో ముఖాన్ని శుభ్రం చేసుకోవాలి. ఇలా వారానికి రెండు సార్లు చేయ‌డం వ‌ల్ల మొటిమలు, మ‌చ్చ‌లు వంటి స‌మ‌స్య‌లు క్ర‌మంగా త‌గ్గుతాయి. ముఖంపై ఉండే జిడ్డు తొల‌గిపోతుంది. ముఖం కాంతివంతంగా త‌యార‌వుతుంది. ముఖంపై మొటిముల, మ‌చ్చ‌లు, జిడ్డు వంటి స‌మ‌స్య‌ల‌తో బాధ‌ప‌డే వారు ఈ చిట్కాను వాడ‌డం వ‌ల్ల మంచి ఫ‌లితం ఉంటుంది.
