Heat In Body : అధిక వేడి.. ఈ స‌మ‌స్య‌తో మ‌న‌లో చాలా మంది బాధ‌ప‌డుతున్నారు. ఈ స‌మ‌స్య ఎక్కువ‌గా ఎండాకాలంలో వ‌స్తుంది. కానీ కొంద‌రిలో కాలంతో సంబంధం లేకుండా ఈ స‌మ‌స్య ఇబ్బంది పెడుతుంది. అధిక వేడి స‌మ‌స్య త‌లెత్త‌డానికి అనేక కార‌ణాలు ఉన్నాయి. వేడి క‌లిగించే ప‌దార్థాల‌ను ఎక్కువ‌గా తిన‌డం, నీటిని తాగ‌క‌పోవ‌డం, అధికంగా ప‌ని చేయ‌డం, ఎండ‌లో ఎక్కువ‌గా తిర‌గ‌డం, మాంసాహారాన్ని ఎక్క‌వుగా తీసుకోవ‌డం వంటి వివిధ కార‌ణాల చేత ఈ స‌మ‌స్య త‌లెత్తుతుంది. అధిక వేడి వల్ల త‌ల‌తిరిగిన‌ట్టుగా ఉండ‌డం, కంటి చూపు స‌రిగ్గా క‌న‌బ‌డ‌క‌పోవ‌డం, త‌ల‌నొప్పి, మూత‌విస‌ర్జ‌న స‌మ‌యంలో ఇబ్బందులు త‌లెత్త‌డం వంటి స‌మ‌స్య‌లు ఎదురవుతాయి. అధిక వేడి కార‌ణంగా శ‌రీరంలో అవ‌య‌వాలు దెబ్బ‌తినే అవ‌కాశం కూడా ఎక్కువ‌గా ఉంటుంది. క‌నుక మ‌న శ‌రీరంలో ఉష్ణోగ్ర‌త‌ల‌ను ఎల్ల‌ప్పుడూ సాధార‌ణ స్థాయిలో ఉంచుకోవ‌డం చాలా అవ‌స‌రం.
మ‌న ఇంట్లో ఉండే ప‌దార్థాల‌తో కొన్ని ర‌కాల చిట్కాల‌ను త‌యారు చేసుకుని వాడ‌డం వల్ల మ‌నం చాలా సుల‌భంగా శ‌రీరాన్ని చ‌ల్ల‌బ‌రుచుకోవ‌చ్చు. అధిక వేడిని త‌గ్గించే చిట్కాల గురించి ఇప్పుడు తెలుసుకుందాం. అధిక వేడి స‌మ‌స్య‌తో బాధ‌ప‌డే వారు ఒక గ్లాస్ నీటిలో ఒక టీ స్పూన్ జీల‌క‌ర్ర, కండ చ‌క్కెర క‌లిపి రెండు గంట‌ల పాటు నాన‌బెట్టాలి. త‌రువాత ఈ నీటిని తాగాలి. ఇలా రోజుకు రెండు సార్లు తాగ‌డం వల్ల శ‌రీరంలో వేడి త‌గ్గి శ‌రీరానికి చ‌లువ చేస్తుంది. నాన‌బెట్టేంత స‌మ‌యం లేని వారు ఈ రెండింటిని స‌మానంగా తీసుకుని పొడిగా చేసి నిల్వ చేసుకోవాలి. ఈ పొడిని ఒక టీ స్పూన్ మోతాదులో ఒక గ్లాస్ నీళ్ల‌ల్లో క‌లిపి తాగాలి. ఇలా చేయ‌డం వల్ల కూడా మంచి ఫ‌లితం ఉంటుంది. అలాగే ఒక గ్లాస్ మ‌జ్జిగ‌లో అర చెక్క నిమ్మ‌ర‌సాన్ని క‌లిపి తాగాలి. ఇలా చేయ‌డం వల్ల కూడా శ‌రీరంలో వేడి త‌గ్గుతుంది.
అదే విధంగా మూడు నుండి నాలుగు టీ స్పూన్ల స‌బ్జా గింజ‌ల‌ను నీటిలో వేసి నాన‌బెట్టాలి. ఇలా నాన‌బెట్టిన స‌బ్జా గింజ‌ల‌ను ఒక గ్లాస్ నీటిలో వేసి క‌ల‌పాలి. ఇందులోనే అర చెక్క నిమ్మ‌ర‌సాన్ని క‌లిపి తాగాలి. ఇలా చేయ‌డం వల్ల వేడి త‌గ్గి చ‌లువ చేస్తుంది. అలాగే ఒక గ్లాస్ నీటిలో తేనెను క‌లిపి రాత్రంతా అలాగే ఉంచాలి. ఉద‌యాన్నే ఈ నీటిని ప‌ర‌గ‌డుపున తాగాలి. ఇలా చేయ‌డం వల్ల కూడా మంచి ఫ‌లితం ఉంటుంది. వీటితో పాటు శ‌రీరానికి త‌గిన‌న్ని నీటిని తాగాలి. ఫ్రిజ్ లో నీటిని తాగ‌డానికి బ‌దులుగా సాధార‌ణ నీటిని తాగ‌డానికే ఎక్కువ ప్రాధాన్య‌త ఇవ్వాలి. అలాగే కొబ్బ‌రి నీటిని కూడా ఎక్కువ‌గా తాగాలి. అలాగే మ‌సాలా దినుసుల‌ను, మాంసాహారాన్ని త‌క్కువ‌గా తీసుకోవాలి. ఈ చిట్కాల‌ను పాటించ‌డం వల్ల మ‌నం చాలా సుల‌భంగా శ‌రీరంలో వేడిని త‌గ్గించుకోవ‌చ్చు.
