పాదాల వాపులు సాధార‌ణంగా చాలా మందికి వ‌స్తుంటాయి. గ‌ర్భిణీల‌కు ఈ స‌మ‌స్య స‌హ‌జంగానే వ‌స్తుంటుంది. కొంద‌రికి శరీరంలో అధికంగా ద్ర‌వాలు పేరుకుపోవ‌డం వ‌ల్ల ఈ స‌మ‌స్య వ‌స్తుంటుంది. దీన్నే ఎడిమా అంటారు. అయితే ప‌లు సహజసిద్ధమైన చిట్కాల‌ను పాటించ‌డం వ‌ల్ల ఈ స‌మ‌స్య నుంచి బయట పడవచ్చు. అవేమిటంటే..
1. ఒక బకెట్ గోరు వెచ్చ‌ని నీటిలో కొద్దిగా సైంధ‌వ ల‌వ‌ణం క‌లిపి ఆ నీటిలో కాళ్ల‌ను ఉంచాలి. త‌రువాత 15-20 నిమిషాలు ఆగి కాళ్ల‌ను తీసేయాలి. రోజుకు ఇలా రెండు సార్లు చేయాలి. దీంతో పాదాల వాపుల నుంచి బయట పడవచ్చు.
2. వాపుల‌ను త‌గ్గించ‌డంలో గ్రేప్ ఫ్రూట్ ఎసెన్షియ‌ల్ ఆయిల్ బాగా ప‌నిచేస్తుంది. ఒక బకెట్ గోరు వెచ్చ‌ని నీటిలో కొన్ని చుక్క‌ల గ్రేప్ ఫ్రూట్ ఎసెన్షియ‌ల్ ఆయిల్‌ను వేసి ఆ నీటిలో పాదాల‌ను ఉంచాలి. కొంత సేపు ఉంచాక పాదాల‌ను తీసేయాలి. గ్రేప్ ఫ్రూట్‌లో యాంటీ ఆక్సిడేటివ్ ల‌క్ష‌ణాలు ఉంటాయి. ఇవి నొప్పులు, వాపుల‌ను త‌గ్గిస్తాయి. ఎడిమా స‌మ‌స్య నుంచి బయట పడవచ్చు.
3. శరీరంలో ఉన్న ల‌వ‌ణాల‌ను ప‌లుచ‌న చేసేందుకు నీటిని ఎక్కుగా తాగాలి. ద్ర‌వాహారం ఎక్కువ‌గా తీసుకోవాలి. దీంతో వ్యర్థాలు బ‌య‌ట‌కు వెళ్లిపోతాయి. ఒక గ్లాస్ నీటిలో కొద్దిగా నిమ్మ‌ర‌సం క‌లిపి తాగాలి. కీర దోస జ్యూస్‌ను కూడా తాగ‌వ‌చ్చు. దీని వ‌ల్ల పాదాల వాపులు కూడా త‌గ్గుతాయి. పాదాల్లో అధికంగా ఉండే ద్ర‌వాలు బ‌య‌ట‌కు పోతాయి.
4. పుచ్చ‌కాయ‌ల్లో అనేక ఔష‌ధ గుణాలు దాగి ఉంటాయి. వీటిని తిన‌డం వ‌ల్ల అనేక ప్ర‌యోజ‌నాలు క‌లుగుతాయి. పుచ్చ‌కాయ‌ల్లో 92 శాతం నీరు ఉంటుంది. అందువ‌ల్ల మూత్రం బాగా వ‌స్తుంది. దీంతో శరీరంలో ఉండే అధిక ద్ర‌వాలతోపాటు వ్యర్థాలు బ‌య‌ట‌కు పోతాయి. పాదాల వాపులు త‌గ్గుతాయి.
5. ధ‌నియాల్లో యాంటీ ఇన్‌ఫ్లామేట‌రీ ల‌క్ష‌ణాలు ఉంటాయి. అందువ‌ల్ల వీటిని తీసుకుంటే పాదాల వాపుల‌ను త‌గ్గించుకోవ‌చ్చు. 2 లేదా 3 టీస్పూన్ల ధ‌నియాల విత్త‌నాల‌ను ఒక క‌ప్పు నీటిలో వేసి బాగా మ‌రిగించాలి. నీరు స‌గం క‌ప్పు అయ్యే వ‌ర‌కు మ‌రిగించాక ఆ నీటిని వ‌డ‌క‌ట్టి గోరు వెచ్చ‌గా ఉండ‌గానే తాగేయాలి. ఇలా రోజుకు 2 సార్లు చేస్తే ఎడిమా స‌మ‌స్య నుంచి బయట పడవచ్చు.
నువ్వుల నూనెతో రోజూ పాదాల‌ను 5-10 నిమిషాల పాటు మ‌ర్ద‌నా చేయాలి. త‌రువాత గోరు వెచ్చ‌ని నీటితో కాప‌డం పెట్టాలి. ఇలా రోజూ చేస్తే పాదాల‌లో ర‌క్త స‌ర‌ఫ‌రా పెరుగుతుంది. వాపులు త‌గ్గుతాయి. అలాగే నిద్రించేట‌ప్పుడు పాదాల‌ను ఎత్తులో పెట్టుకుని నిద్రించాలి. అందుకు గాను దిండును ఉప‌యోగించాలి. పాదాలు గుండె క‌న్నా ఎత్తులో ఉండేలా చూసుకోవాలి. ఇక ఆహారంలోనూ ప‌లు మార్పులు చేసుకోవాలి. ఉప్పును త‌గ్గించాలి. ఎక్కువ సేపు కూర్చుని ఉండ‌రాదు. మ‌ధ్య మ‌ధ్య‌లో విరామం తీసుకుని కాస్తంత దూరం న‌డ‌వాలి. ర‌క్త స‌ర‌ఫ‌రా మెరుగు ప‌డేందుకు పాదాల‌కు వ్యాయామం చేయాలి. దీంతో వాపులు, నొప్పులు త‌గ్గుతాయి.
ఎప్ప‌టిక‌ప్పుడు అప్‌డేట్స్ కోసం టెలిగ్రామ్‌లో మ‌మ్మ‌ల్ని ఫాలో అవ్వండి: Ayurvedam365
