ప్రపంచవ్యాప్తంగా అత్యధిక మందికి అందుబాటులో ఉండే ఆహారం.. బియ్యం. రకరకాల బియ్యం వెరైటీలు అందుబాటులో ఉన్నాయి. వాటితో అన్నం వండుకుని తింటుంటారు. అన్నాన్ని చాలా తేలిగ్గా జీర్ణమయ్యే, సులభంగా లభ్యమయ్యే ఆహారం అని చెప్పవచ్చు. ఇది శక్తిని అందిస్తుంది. అందుకనే కొందరు ఉదయం, మధ్యాహ్నం, రాత్రి మూడు పూటలా అన్నమే తింటుంటారు.
అయితే అన్నం తిన్న వెంటనే సహజంగానే కొందరికి నిద్ర వస్తుంది. మబ్బుగా అనిపిస్తుంది. అలా ఎందుకు జరుగుతుందంటే..?
అన్నమే కాదు కార్బొహైడ్రేట్లు ఎక్కువగా ఉండే ఆహారాలు వేటిని తిన్నా సరే మనకు నిద్ర వస్తుంది. మబ్బుగా అనిపిస్తుంది. మనం తినే ఆహారంలో ఉండే కార్బొహైడ్రేట్లు మన శరీరంలో గ్లూకోజ్‌గా మారుతాయి. గ్లూకోజ్‌ మన శరీరానికి అందాలంటే ఇన్సులిన్ అవసరం అవుతుంది. ఇన్సులిన్ స్థాయిలు పెరగ్గానే మన శరీరంలో ట్రిప్టోఫాన్‌ అనే ఎసెన్షియల్‌ ఫ్యాటీ యాసిడ్‌ ప్రభావితం అయి మెలటోనిన్‌ను, సెరటోనిన్‌ను ఉత్పత్తి అయ్యేలా చేస్తుంది. ఈ రెండు హార్మోన్లు మానసిక ప్రశాంతతను అందించేవి. కనుక వెంటనే మనకు సౌకర్యవంతంగా అనిపిస్తుంది. హాయిగా ఉంటుంది. దీంతో నిద్ర వచ్చినట్లు అనిపిస్తుంది. మబ్బుగా ఉంటారు.
కేవలం పిండి పదార్థాలు మాత్రమే కాదు ప్రోటీన్లు, కొవ్వులు ఉండే ఆహారాలను తిన్నా ఇలాగే జరుగుతుంది. మబ్బుగా ఉంటారు. ఇది సహజమే. మనం తిన్న ఆహారాన్ని జీర్ణం చేసేందుకు శరీరం ఎక్కువగా ప్రయత్నిస్తుంది. కనుక ఇలా జరుగుతుంది.
అయితే భోజనం చేశాక సహజంగానే నిద్ర వస్తుంది కనుక అతిగా భోజనం చేయరాదు. దీంతో నిద్ర ఎక్కువగా వస్తుంది. తక్కువ మొత్తంలో ఆహారాలను ఎక్కువ సార్లు తీసుకునే ప్రయత్నం చేయాలి. రాత్రి తగినన్ని గంటల పాటు నిద్రించాలి. దీని వల్ల భోజనం చేసిన వెంటనే నిద్ర రాకుండా చూసుకోవచ్చు.
