Aloo Bread Pakora : మ‌న‌కు సాయంత్రం సమయంలో హోట‌ల్స్, బ‌యట బండ్ల మీద ల‌భించే చిరుతిళ్ల‌ల్లో బ్రెడ్ ప‌కోడా కూడా ఒక‌టి. బంగాళాదుంప‌లు, బ్రెడ్ తో చేసే ఈ ప‌కోడాలు చాలా రుచిగా ఉంటాయి. స్నాక్స్ గా తిన‌డానికి ఇవి చాలా చక్క‌గా ఉంటాయి. వీటిని ఇష్టంగా తినే వారు కూడా చాలా మంది ఉంటారు. మ‌నం ఈ బ్రెడ్ ప‌కోడాల‌ను స్ట్రీట్ స్టైల్ లో ఇంట్లో కూడా త‌యారు చేసుకోవ‌చ్చు. వీటిని త‌యారు చేయ‌డం చాలా సుల‌భం. అంద‌రికి న‌చ్చేలా ఇంట్లోనే ఈ బ్రెడ్ ప‌కోడాల‌ను స్ట్రీట్ స్లైల్ లో ఎలా త‌యారు చేసుకోవాలో ఇప్పుడు తెలుసుకుందాం.
ఆలూ బ్రెడ్ ప‌కోడా త‌యారీకి కావ‌ల్సిన ప‌దార్థాలు..
బ్రెడ్ స్లైసెస్ – 6, శ‌న‌గ‌పిండి – ఒక క‌ప్పు, ఉడికించిన బంగాళాదుంప‌లు – 3, చిన్న‌గా త‌రిగిన ఉల్లిపాయ – 1, చిన్న‌గా త‌రిగిన ప‌చ్చిమిర్చి – 4, అల్లం వెల్లుల్లి పేస్ట్ – అర టీ స్పూన్, త‌రిగిన క‌రివేపాకు -ఒక రెమ్మ, వంట‌సోడా – పావు టీ స్పూన్, కారం – ఒక టీ స్పూన్, ఉప్పు -త‌గినంత, జీల‌క‌ర్ర – అర టీ స్పూన్, వాము – అర టీ స్పూన్, ధ‌నియాల పొడి – ఒక టీ స్పూన్, ప‌సుపు – కొద్దిగా, నూనె – డీప్ ఫ్రైకు స‌రిప‌డా.
ఆలూ బ్రెడ్ ప‌కోడా త‌యారీ విధానం..
ముందుగా ఒక గిన్నెలో శ‌న‌గ‌పిండిని తీసుకోవాలి. త‌రువాత ఇందులో చిటికెడు ప‌సుపు, అర టీ స్పూన్ కారం, వంట‌సోడా, ఉప్పు, వాము వేసి కలపాలి. త‌రువాత త‌గిన‌న్ని నీళ్లు పోసుకుంటూ పిండిని ఉండ‌లు లేకుండా ప‌లుచ‌గా క‌లుపుకోవాలి. త‌రువాత మ‌రో గిన్నెలో ఉడికించిన బంగాళాదుంప‌ల‌ను తీసుకుని ఉండ‌లు లేకుండా మెత్త‌గా చేసుకోవాలి. త‌రువాత క‌ళాయిలో 2 టేబుల్ స్పూన్ల నూనె వేసి వేడి చేయాలి. త‌రువాత జీల‌క‌ర్ర, ప‌చ్చిమిర్చి ముక్క‌లు, ఉల్లిపాయ ముక్క‌ల, అల్లం వెల్లుల్లి పేస్ట్ వేసి వేయించాలి.
త‌రువాత క‌రివేపాకు వేసి కలపాలి. ఉల్లిపాయ ముక్క‌లు మెత్త‌బ‌డే వ‌ర‌కు వేయించిన త‌రువాత ప‌సుపు వేసి కలపాలి. త‌రువాత బంగాళాదుంప మిశ్ర‌మాన్ని వేసి కలపాలి. త‌రువాత ధ‌నియాల పొడి, ఉప్పు, కారం వేసి కలపాలి. చివ‌ర‌గా కొత్తిమీర తురుమును వేసి క‌లిపి స్ట‌వ్ ఆఫ్ చేసుకోవాలి. ఇప్పుడు బ్రెడ్ స్లైస్ ను తీసుకుని దానిపై బంగాళాదుంప మిశ్ర‌మాన్ని ఉంచి స‌మానంగా చేసుకోవాలి. త‌రువాత దీనిపై మ‌రో బ్రెడ్ స్లైస్ ను ఉంచి క్రాస్ గా మ‌ధ్య‌లోకి క‌ట్ చేసుకుని ప్లేట్ లోకి తీసుకోవాలి. ఇలా అన్నింటిని త‌యారు చేసుకున్న త‌రువాత క‌ళాయిలో నూనె పోసి వేడి చేయాలి.
నూనె వేడ‌య్యాక క‌ట్ చేసుకున్న బ్రెడ్ ముక్క‌ల‌ను శ‌న‌గ‌పిండి మిశ్ర‌మంలో ముంచి నూనెలో వేసుకోవాలి. ఈ బ్రెడ్ ను రెండు వైపులా ఎర్ర‌గా అయ్యే వ‌ర‌కు వేయించుకుని ప్లేట్ లోకి తీసుకోవాలి. ఇలా చేయ‌డం వ‌ల్ల ఎంతో రుచిగా ఉండే ఆలూ బ్రెడ్ ప‌కోడా త‌యార‌వుతుంది. దీనిని ట‌మాట కిచ‌ప్, గ్రీన్ చ‌ట్నీతో తింటే చాలా రుచిగా ఉంటాయి. సాయంత్రం స‌మ‌యాల్లో వేడి వేడిగా రుచిగా ఇలా ఆలూ బ్రెడ్ ప‌కోడాల‌ను త‌యారు చేసుకుని తిన‌వ‌చ్చు.
