Chicken Curry : మ‌నం చికెన్ తో ర‌క‌ర‌కాల వంట‌కాలు త‌యారు చేసుకుని తింటూ ఉంటాం. చికెన్ తో చేసే వంట‌కాల‌ను తిన‌డం వ‌ల్ల రుచితో పాటు ఆరోగ్యాన్ని కూడా పొంద‌వ‌చ్చు. చికెన్ తో చేసే క‌ర్రీ చాలా రుచిగా ఉంటుంది. చికెన్ క‌ర్రీని ఒక్కొక్క‌రు ఒక్కోలా త‌యారు చేస్తూ ఉంటారు. ఈ చికెన్ క‌ర్రీని త‌ర‌చూ చేసే విధంగా కాకుండా స్పైసీగా, తిన్నా కొద్ది తినాల‌నిపించేంత రుచిగా ఎలా త‌యారు చేసుకోవాలి… త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
చికెన్ క‌ర్రీ త‌యారీకి కావ‌ల్సిన ప‌దార్థాలు..
ప‌చ్చిమిర్చి – 3, అల్లం – ఒక ఇంచు ముక్క, వెల్లుల్లి రెబ్బ‌లు – 8, నూనె – 3 టేబుల్ స్పూన్స్, నీళ్లు – త‌గిన‌న్ని, త‌రిగిన కొత్తిమీర – కొద్దిగా, త‌రిగిన పుదీనా – కొద్దిగా.
చికెన్ మ్యారినేష‌న్ కు కావ‌ల్సిన ప‌దార్థాలు..
చికెన్ – కిలో, ప‌సుపు – అర టీ స్పూన్, ఉప్పు – త‌గినంత, కారం – 2 టీ స్పూన్స్, ధ‌నియాల పొడి – ఒక టీ స్పూన్, గ‌రం మ‌సాలా – అర టీ స్పూన్, అల్లం వెల్లుల్లి పేస్ట్ – ఒక టీ స్పూన్, ఫ్రైడ్ ఆనియ‌న్స్ – ఒక క‌ప్పు, పెరుగు – 3 టీ స్పూన్స్.
చికెన్ క‌ర్రీ త‌యారీ విధానం..
ముందుగా చికెన్ ను శుభ్రంగా క‌డిగి నీళ్లు లేకుండా ఒక గిన్నెలోకి తీసుకోవాలి. త‌రువాత అందులో చికెన్ మ్యారినేష‌న్ కు కావ‌ల్సిన ప‌దార్థాల‌న్నీ వేసి బాగా కలపాలి. త‌రువాత దీనిపై మూత పెట్టి గంట పాటు మ్యారినేట్ చేసుకోవాలి. త‌రువాత జార్ లో ప‌చ్చిమిర్చి, అల్లం, వెల్లుల్లి రెబ్బ‌లు వేసి మిక్సీ ప‌ట్టుకోవాలి. ఇప్పుడు క‌ళాయిలో నూనె వేసి వేడి చేయాలి. నూనె వేడ‌య్యాక మిక్సీ ప‌ట్టుకున్న ప‌చ్చిమిర్చి మిశ్ర‌మం వేసి వేయించాలి. త‌రువాత మ్యారినేట్ చేసుకున్న చికెన్ ను వేసి కలపాలి. దీనిపై మూత పెట్టి మ‌ధ్య మ‌ధ్య‌లో క‌లుపుతూ మ‌ధ్య‌స్థ మంట‌పై చికెన్ ను ఉడికించుకోవాలి. చికెన్ స‌గం పైగా ఉడికిన త‌రువాత అందులో నీళ్లు పోసి కలపాలి. ఇప్పుడు చికెన్ మెత్త‌గా అయ్యి ద‌గ్గ‌ర ప‌డే వ‌ర‌కు బాగా ఉడికించుకోవాలి.
చికెన్ మెత్త‌గా ఉడికిన త‌రువాత కొత్తిమీర, పుదీనా వేసి కలపాలి. దీనిని మ‌రో నిమిషం పాటు ఉడికించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే చికెన్ క‌ర్రీ త‌యార‌వుతుంది. దీనిని అన్నం, చ‌పాతీ, పూరీ వంటి వాటితో క‌లిపి తింటే చాలా రుచిగా ఉంటుంది. త‌ర‌చూ చేసే చికెన్ క‌ర్రీ కంటే ఈ విధంగా చేసిన చికెన్ క‌ర్రీ మ‌రింత రుచిగా ఉంటుంది. దీనిని ఒక్క ముక్క కూడా విడిచిపెట్ట‌కుండా అంద‌రూ ఎంతో ఇష్టంగా తింటారు.
