Crispy Gobi 65 : క్రిస్పీ గోబి 65.. క్యాలీప్ల‌వ‌ర్ తో చేసే ఈ వంట‌కం చాలా రుచిగా ఉంటుంది. దీనిని ఎక్కువ‌గా క్యాట‌రింగ్ వాళ్లు, కర్రీ పాయింట్ వాళ్లు స‌ర్వ్ చేస్తూ ఉంటారు. గోబి 65 ని చాలా మంది ఇష్టంగా తింటారు.సైడ్ డిష్ గా తిన‌డానికి ఇది చాలా చ‌క్క‌గా ఉంటుంది. ఈ గోబి 65 ని బ‌య‌ట కంటే కూడా చాలా రుచిగా మ‌నం ఇంట్లోనే త‌యారు చేసుకోవ‌చ్చు. కింద చెప్పిన విధంగా త‌యారు చేసే ఈ గోబి 65 చాలా రుచిగా ఉంటుంది. దీనిని త‌యారు చేసుకోవ‌డం కూడా చాలా సుల‌భం. బ‌య‌ట కంటే మ‌రింత రుచిగా ఇంట్లోనే గోబి 65 ని ఎలా త‌యారు చేసుకోవాలో… ఇప్పుడు తెలుసుకుందాం.
క్రిస్పీ గోబి 65 త‌యారీకి కావ‌ల్సిన ప‌దార్థాలు..
క్యాలీప్ల‌వ‌ర్ – 1 ( మ‌ధ్య‌స్థంగా ఉన్న‌ది), మైదాపిండి – అర క‌ప్పు, కార్న్ ఫ్లోర్ – 3 టేబుల్ స్పూన్స్, నూనె – ఒక టీ స్పూన్, అల్లం వెల్లుల్లి పేస్ట్ – ఒక టీ స్పూన్, కారం – ఒక టీ స్పూన్, ధ‌నియాల పొడి – ఒక టీ స్పూన్, మిరియాల పొడి – పావు టీ స్పూన్, గ‌రం మ‌సాలా – ముప్పావు టీ స్పూన్, ఉప్పు – త‌గినంత, వంట‌సోడా – చిటికెడు, త‌రిగిన క‌రివేపాకు – ఒక రెమ్మ, రెడ్ ఫుడ్ క‌ల‌ర్ – చిటికెడు.
క్రిస్పీ గోబి 65 త‌యారీ విధానం..
ముందుగా క్యాలీప్ల‌వ‌ర్ ను మ‌రీ చిన్న‌గా కాకుండా మ‌ధ్య‌స్థంగా ఉండే ముక్క‌లుగా క‌ట్ చేసుకోవాలి. త‌రువాత గిన్నెలో నీళ్లు, ఉప్పు, ప‌సుపు వేసి నీటిని వేడి చేయాలి. నీళ్లు వేడ‌య్యాక క్యాలీప్ల‌వ‌ర్ ముక్క‌లు వేసి 3 నిమిషాల పాటు ఉడికించాలి. త‌రువాత ముక్క‌ల‌ను వ‌డ‌క‌ట్టి ప‌క్క‌కు ఉంచాలి. త‌రువాత గిన్నెలో మైదాపిండి, కార్న్ ఫ్లోర్, నూనె వేసి బాగా క‌ల‌పాలి. త‌రువాత మిగిలిన ప‌దార్థాలు వేసి క‌ల‌పాలి. త‌రువాత కొద్ది కొద్దిగా నీళ్లు పోస్తూ పిండిని గ‌ట్టిగా క‌లుపుకోవాలి. త‌రువాత క్యాలీప్ల‌వ‌ర్ ముక్క‌లు వేసి క‌ల‌పాలి. పిండి అంతా ముక్క‌ల‌కు ప‌ట్టేలా బాగా క‌లుపుకున్న త‌రువాత క‌ళాయిలో నూనె పోసి వేడి చేయాలి. నూనె బాగా వేడ‌య్యాక క్యాలీప్ల‌వ‌ర్ ముక్క‌ల‌ను వేసి వేయించాలి. వీటిని మ‌ధ్య‌స్థ మంట‌పై ఎర్ర‌గా, క్రిస్పీగా అయ్యే వ‌ర‌కు వేయించి ప్లేట్ లోకి తీసుకోవాలి. ఇలా చేయ‌డం వ‌ల్ల ఎంతో రుచిగా ఉండే గోబి 65 త‌యార‌వుతుంది. దీనిని స్నాక్స్ గా మరియు సైడ్ డిష్ గా కూడా తీసుకోవ‌చ్చు. ఈ విధంగా త‌యారు చేసిన గోబి65 ని అంద‌రూ ఎంతో ఇష్టంగా తింటారు.
