Dondakaya Karam : మ‌నం దొండ‌కాయ‌ల‌తో ర‌క‌ర‌కాల వంట‌కాల‌ను త‌యారు చేస్తూ ఉంటాము. దొండ‌కాయ‌ల‌తో చేసే వంట‌కాలు చాలా రుచిగా ఉంటాయి. దొండ‌కాయ‌ల‌తో మ‌నం ఎక్కువ‌గా ఫ్రైను త‌యారు చేస్తూ ఉంటాము. దొండ‌కాయ‌ల‌తో చేసే ఫ్రై చాలా రుచిగా ఉంటుంది. అలాగే దీనిని ఒక్కొక్క‌రు ఒక్కో విధంగా త‌యారు చేస్తూ ఉంటారు. కింద చెప్పిన విధంగా చేసే దొండ‌కాయ కారం కూడా చాలా రుచిగా ఉంటుంది. అన్నంతో లేదా సైడ్ డిష్ గా తిన‌డానికి ఇది చాలా చ‌క్క‌గా ఉంటుంది. దీనిని త‌యారు చేయ‌డం కూడా చాలా సుల‌భం. త‌రుచూ చేసే దొండ‌కాయ వేపుడు కంటే ఈ విధంగా త‌యారు చేసే దొండ‌కాయ కారం చాలా రుచిగా ఉంటుంది. ఎంతో రుచిగా ఉండే ఈ దొండ‌కాయ కారాన్ని ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
దొండ‌కాయ కారం త‌యారీకి కావ‌ల్సిన ప‌దార్థాలు..
శ‌న‌గ‌ప‌ప్పు – 2 టేబుల్ స్పూన్స్, మిన‌ప‌ప్పు – 2 టేబుల్ స్పూన్స్, ధ‌నియాలు -ఒక టేబుల్ స్పూన్, జీల‌క‌ర్ర – ఒక టీ స్పూన్, నువ్వులు – ఒక టేబుల్ స్పూన్, ఎండు కొబ్బ‌రి ముక్క‌లు – ఒక టేబుల్ స్పూన్, ఉప్పు – త‌గినంత, కారం – ఒక‌టిన్న‌ర టేబుల్ స్పూన్, వెల్లుల్లి రెబ్బ‌లు – 10 నుండి 12, నూనె – 2 టేబుల్ స్పూన్స్, ప‌ల్లీలు – 2 టేబుల్ స్పూన్స్, క‌రివేపాకు – 2 రెమ్మ‌లు, తాళింపు దినుసులు – ఒక టీ స్పూన్, పొడుగ్గా తరిగిన ఉల్లిపాయ – 1, పొడ‌వుగా తరిగిన దొండ‌కాయ‌లు – అర‌కిలో, ప‌సుపు – పావు టీ స్పూన్.
దొండ‌కాయ కారం త‌యారీ విధానం..
ముందుగా క‌ళాయిలో శ‌న‌గ‌ప‌ప్పు, మిన‌ప‌ప్పు వేసి వేయించాలి. ఇవి కొద్దిగా వేగిన త‌రువాత ధ‌నియాలు వేసి వేయించాలి. త‌రువాత జీల‌క‌ర్ర వేసి వేయించాలి. ఇవి వేగిన త‌రువాత ఎండుకొబ్బ‌రి ముక్క‌లు, నువ్వులు వేసి వేయించాలి. త‌రువాత వీటిని జార్ లోకి తీసుకోవాలి. ఇందులోనే ఉప్పు, కారం, వెల్లుల్లిరెబ్బ‌లు వేసి బ‌ర‌క‌గా మిక్సీ ప‌ట్టుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక ప‌ల్లీలు వేసి వేయించాలి. ప‌ల్లీలు ఎర్ర‌గా వేగిన త‌రువాత వీటిని ప్లేట్ లోకి తీసుకోవాలి. త‌రువాత ఇందులోనే క‌రివేపాకును కూడా వేసి వేయించి ప్లేట్ లోకి తీసుకోవాలి. త‌రువాత అదే నూనెలో తాళింపు దినుసులు వేసి వేయించాలి.
త‌రువాత ఉల్లిపాయ ముక్క‌లు వేసి ప‌చ్చి వాస‌న పోయే వ‌ర‌కు వేయించాలి. త‌రువాత దొండ‌కాయ ముక్క‌లు, కొద్దిగా ఉప్పు, ప‌సుపు వేసి క‌ల‌పాలి. త‌రువాత వీటిపై మూత పెట్టి మ‌ధ్య మ‌ధ్య‌లో క‌లుపుతూ ముక్క‌ల‌ను మ‌గ్గించాలి. దొండ‌కాయ ముక్క‌లు మెత్త‌గా ఉడికిన త‌రువాత మూత తీసి మ‌రో రెండు నిమిషాల పాటు వేయించాలి. త‌రువాత మిక్సీ ప‌ట్టుకున్న పొడి వేసి క‌ల‌పాలి. త‌రువాత ప‌ల్లీలు, క‌రివేపాకు వేసి క‌ల‌పాలి. దీనిని మ‌రో రెండు నిమిషాల పాటు వేయించి స్ట‌వ్ ఆఫ్ చేసుకోవాలి. ఇలా చేయ‌డం వల్ల ఎంతో రుచిగా ఉండే దొండ‌కాయ కారం త‌యార‌వుతుంది. దీనిని అన్నంతో తింటే చాలారుచిగా ఉంటుంది. దొండ‌కాయ‌ల‌ను తిన‌ని వారు కూడా ఈ కారాన్ని ఇష్టంగా తింటార‌ని చెప్ప‌వ‌చ్చు.
