Easy Lunch Recipe : మ‌నం మ‌ధ్యాహ్నం లంచ్ బాక్స్ లోకి ర‌క‌ర‌కాల వంట‌కాల‌ను తయారు చేస్తూ ఉంటాము. లంచ్ బాక్స్ లో వంట‌కాలు చూస్తేనే తినాలనిపించేటట్టుగా ఉండాల‌ని చాలా మంది కోరుకుంటూ ఉంటారు. కింద చెప్పిన విధంగా తయారు చేసే ఈ లంచ్ బాక్స్ రెసిపీ కూడా చాలా రుచిగా ఉంటుంది. అలాగే చూస్తేనే తినాలనిపించేటట్టుగా ఉంటుంది. ఈ వంటకాన్ని తయారు చేయ‌డం చాలా సుల‌భం. చాలా తక్కువ స‌మ‌యంలో ఎవ‌రైనా తయారు చేసుకోవ‌చ్చు. ఎంతో రుచిగా ఉండే ఈ వెరైటీ లంచ్ బాక్స్ వంటకాన్ని ఎలా తయారు చేసుకోవాలో ఇప్పుడు తెలుసుకుందాం.
లంచ్ బాక్స్ రెసిపీ త‌యారీకి కావ‌ల్సిన ప‌దార్థాలు..
బియ్యం – ఒక గ్లాస్, పెస‌ర‌ప‌ప్పు – పావు గ్లాస్, శ‌న‌గ‌ప‌ప్పు – 2 టేబుల్ స్పూన్స్, నీళ్లు – 2 గ్లాసులు, ల‌వంగాలు – 3, యాల‌కులు – 2, మిరియాలు – 10, దాల్చిన చెక్క – ఒక ఇంచు ముక్క, బిర్యానీ ఆకు – 1, ఉప్పు – త‌గినంత, ప‌సుపు – పావు టీస్పూన్, నూనె – 2 టీ స్పూన్స్.
తాళింపుకు కావ‌ల్సిన ప‌దార్థాలు..
నెయ్యి – ఒక టేబుల్ స్పూన్, నూనె – 2 టీ స్పూన్స్, ఆవాలు – అర టీ స్పూన్, జీలకర్ర – అర టీ స్పూన్, త‌రిగిన ఉల్లిపాయ ముక్క‌లు – అర క‌ప్పు, ప‌చ్చిమిర్చి- 2, అల్లం వెల్లుల్లి పేస్ట్ – ఒక టీ స్పూన్, క్యారెట్ ముక్క‌లు – అర క‌ప్పు, త‌రిగిన ట‌మాట ముక్క‌లు – ఒక క‌ప్పు, ఉప్పు – కొద్దిగా, కారం- ఒక టేబుల్ స్పూన్, ధ‌నియాల పొడి – ఒక టీ స్పూన్, గ‌రం మ‌సాలా – అర టీ స్పూన్స్, త‌రిగిన కొత్తిమీర – కొద్దిగా, త‌రిగిన పుదీనా – కొద్దిగా.
లంచ్ బాక్స్ రెసిపీ త‌యారీ విధానం..
ముందుగా కుక్క‌ర్ లో బియ్యం, పెస‌ర‌ప‌ప్పు, శ‌న‌గ‌ప‌ప్పు వేసి బాగా క‌డ‌గాలి. త‌రువాత నీళ్లు, మ‌సాలా దినుసులు, ఉప్పు, ప‌సుపు, నూనె వేసి మూత పెట్టాలి. దీనిని 3 విజిల్స్ వ‌చ్చే వ‌ర‌కు ఉడికించి స్ట‌వ్ ఆఫ్ చేసుకోవాలి. త‌రువాత మూత తీసి అన్నాన్ని అంతా క‌లిసేలా క‌లుపుకుని ప‌క్క‌కు ఉంచాలి. త‌రువాత క‌ళాయిలో నూనె, నెయ్యి వేసి వేడి చేయాలి. త‌రువాత ఆవాలు, జీలకర్ర వేసి వేయించాలి. త‌రువాత ఉల్లిపాయ ముక్క‌లు, ప‌చ్చిమిర్చి వేసి వేయించాలి. ఇవి వేగిన త‌రువాత అల్లం వెల్లుల్లి పేస్ట్ వేసి వేయించాలి.
త‌రువాత క్యారెట్, ట‌మాట ముక్క‌లు వేసి క‌లిపి మూత పెట్టాలి. ఈ ముక్క‌ల‌ను మెత్త‌గా అయ్యే వ‌ర‌కు మ‌గ్గించిన త‌రువాత కారం, ఉప్పు, ధ‌నియాల పొడి, గ‌రం మ‌సాలా వేసి క‌ల‌పాలి. వీటిని ఒక నిమిషం పాటు వేయించిన త‌రువాత ఉడికించిన కిచిడీ, కొత్తిమీర, పుదీనా వేసి క‌ల‌పాలి. దీనిని అంతా క‌లిసేలా క‌లుపుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే లంచ్ బాక్స్ రెసిపీ త‌యార‌వుతుంది. దీనిని రైతాతో తింటే చాలా రుచిగా ఉంటుంది. ఈ విధంగా తయారు చేసిన ఈ కిచిడీని అంద‌రూ ఎంతో ఇష్టంగా తింటారు.
