Kerala Style Chicken Curry : చికెన్ తో ఎక్కువ‌గా చేసే వంట‌కాల్లో చికెన్ క‌ర్రీ కూడా ఒక‌టి. చికెన్ క‌ర్రీ చాలా రుచిగా ఉంటుంది. చాలా మంది దీనిని ఇష్టంగా తింటారు. దేఇన‌తో తిన‌డానికైనా ఈ క‌ర్రీ చాలా చ‌క్క‌గా ఉంటుంది. చికెన్ కర్రీని ఒక్కొక్క‌రు ఒక్కో ప‌ద్ద‌తిలో త‌యారు చేస్తూ ఉంటారు. కింద చెప్పిన విధంగా చేసే చికెన్ క‌ర్రీ కూడా చాలా రుచిగా ఉంటుంది. కేర‌ళ స్టైల్ లో చేసే ఈ చికెన్ క‌ర్రీ కూడా చాలా రుచిగా ఉంటుంది. వెరైటీ రుచులు రుచి చూడాల‌ని కోరుకునే వారు ఈ కేర‌ళ స్టైల్ చికెన్ కర్రీని రుచి చూడాల్సిందే. ఈ చికెన్ కర్రీని త‌యారు చేయ‌డం చాలా తేలిక. ఎవ‌రైనా చాలా సుల‌భంగా ఈ చికెన్ కర్రీని త‌యారు చేసుకోవ‌చ్చు. మ‌రింత రుచిగా కేర‌ళ స్టైల్ లో చికెన్ కర్రీని ఎలా త‌యారు చేసుకోవాలి.. అన్న వివ‌రాలను ఇప్పుడు తెలుసుకుందాం.
కేర‌ళ స్టైల్ చికెన్ క‌ర్రీ త‌యారీకి కావ‌ల్సిన ప‌దార్థాలు..
నూనె – 3 టేబుల్ స్పూన్స్, దంచిన అల్లం – ఒక టీ స్పూన్, దంచిన వెల్లుల్లి – ఒక టీ స్పూన్, క‌రివేపాకు – 2 రెమ్మ‌లు, త‌రిగిన ప‌చ్చిమిర్చి – 2, చిన్న‌గా త‌రిగిన ఉల్లిపాయలు – 3, చిన్న‌గా త‌రిగిన ట‌మాట – 1, ప‌సుపు- అర టీ స్పూన్, కారం – ఒక టీ స్పూన్, మిరియాల పొడి – ఒక టీ స్పూన్, దంచిన సోంపు – అర టీ స్పూన్, జీల‌క‌ర్ర పొడి – అర టీ స్పూన్, ధ‌నియాల పొడి – ఒక టీ స్పూన్, చికెన్ – అర‌కిలో, ఉప్పు – తగినంత, నీళ్లు – ఒక గ్లాస్, గ‌రం మ‌సాలా – అర టీ స్పూన్.
కేర‌ళ స్టైల్ చికెన్ క‌ర్రీ త‌యారీ విధానం..
ముందుగా క‌ళాయిలో నూనె వేసి వేడి చేయాలి. త‌రువాత అల్లం, వెల్లుల్లి, క‌రివేపాకు వేసి వేయించాలి. త‌రువాత ప‌చ్చిమిర్చి, ఉల్లిపాయ ముక్క‌లు వేసి ఎర్ర‌గా అయ్యే వ‌ర‌కు వేయించాలి. త‌రువాత ట‌మాట ముక్క‌లు వేసి మెత్త‌గా అయ్యే వ‌ర‌కు వేయించాలి. ఇలా వేయించిన త‌రువాత ప‌సుపు, కారం, మిరియాల పొడి, దంచిన సోంపు, జీల‌క‌ర్ర పొడి, ధ‌నియాల పొడి వేసి వేయించాలి. త‌రువాత చికెన్, ఉప్పు వేసి క‌ల‌పాలి. దీనిని 5 నిమిషాల పాటు వేయించిన త‌రువాత నీళ్లు పోసి క‌ల‌పాలి. త‌రువాత మూత పెట్టి చికెన్ మెత్త‌గా అయ్యే వ‌ర‌కు ఉడికించాలి. చికెన్ పూర్తిగా ఉడికి నూనె పైకి తేలిన త‌రువాత గ‌రం మ‌సాలా వేసి క‌ల‌పాలి. దీనిని మ‌రో నిమిషం పాటు ఉడికించి కొత్తిమీర చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే చికెన్ క‌ర్రీ త‌యార‌వుతుంది. దీనిని అన్నం, చ‌పాతీ, రోటీ వంటి వాటితో తింటే చాలా రుచిగా ఉంటుంది. ఈ విధంగా త‌యారు చేసిన చికెన్ కర్రీని అంద‌రూ ఎంతో ఇష్టంగా తింటారు.
