Konaseema Kodi Pulao : మ‌నం చికెన్ తో ర‌క‌ర‌కాల వంట‌కాల‌ను త‌యారు చేస్తూ ఉంటాము. చికెన్ తో చేసే వంట‌కాలు రుచిగా ఉండ‌డంతో పాటు వీటిని తీసుకోవ‌డం వ‌ల్ల ఆరోగ్యానికి కూడా మేలు క‌లుగుతుంది. చికెన్ తో చేసే వంట‌కాల్లో పులావ్ కూడా ఒక‌టి. చికెన్ పులావ్ ను ఇష్ట‌ప‌డ‌ని వారు ఉండ‌ర‌నే చెప్ప‌వ‌చ్చు. పులావ్ ను సుల‌భంగా కూడా త‌యారు చేసుకోవ‌చ్చు. అలాగే మ‌నం వివిధ రుచుల్లో ఈ పులావ్ ను త‌యారు చేస్తూ ఉంటాము. అందులో భాగంగా ఎంతో రుచిగా ఉండే కోన‌సీమ కోడి పులావ్ ను ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి..అన్న వివ‌రాల‌ను ఇప్పుడు తెలుసుకుందాం.
కోన‌సీమ కోడి పులావ్ త‌యారీకి కావ‌ల్సిన ప‌దార్థాలు..
నూనె – అర క‌ప్పు, దాల్చిన చెక‌క్క ముక్క‌లు – 2, మ‌రాఠీ మొగ్గ – 2, బిర్యానీ ఆకు – 1, అనాస పువ్వు – 1, క‌రివేపాకు – ఒక రెమ్మ, స‌న్న‌గా పొడుగ్గా త‌రిగిన పెద్ద ఉల్లిపాయ – 1, త‌రిగిన ప‌చ్చిమిర్చి – 6, జీడిప‌ప్పు – గుప్పెడు, అల్లం వెల్లుల్లి పేస్ట్ – రెండు టీ స్పూన్స్, ఉప్పు- త‌గినంత, ప‌సుపు – అర టీ స్పూన్, కారం – 3 టీ స్పూన్స్, చికెన్ – ముప్పావు కిలో, త‌రిగిన కొత్తిమీర – రెండు టేబుల్ స్పూన్స్, త‌రిగిన పుదీనా – రెండు టేబుల్ స్పూన్స్, కొబ్బ‌రి పాలు – ఒక క‌ప్పు, అర గంట పాటు నాన‌బెట్టిన బాస్మ‌తీ బియ్యం – 2 క‌ప్పులు, నీళ్లు – 3 క‌ప్పులు, నిమ్మ‌ర‌సం – అర చెక్క.
బిర్యానీ మ‌సాలా త‌యారీకి కావ‌ల్సిన ప‌దార్థాలు..
బిర్యానీ ఆకు – 1, మిరియాలు -ఒక టీ స్పూన్, దాల్చిన చెక్క -ఒక ఇంచు ముక్క, అనాస పువ్వు – 1, జాప‌త్రి – 1, జాజికాయ – చిన్న ముక్క, ల‌వంగాలు – 8, యాల‌కులు – 8, సోంపు – ఒక టీ స్పూన్, జీల‌క‌ర్ర – ఒక టీ స్పూన్, ధ‌నియాలు – రెండు టీ స్పూన్స్, గ‌స‌గ‌సాలు – 3 టీ స్పూన్స్.
కోన‌సీమ కోడి పులావ్ త‌యారీ విధానం..
ముందుగా క‌ళాయిలో మ‌సాలా పొడికి కావ‌ల్సిన ప‌దార్థాల‌న్నీ వేసి దోర‌గా వేయించాలి. త‌రువాత వీటిని జార్ లో వేసి మెత్త‌గా మిక్సీ ప‌ట్టుకోవాలి. త‌రువాత అడుగు మందంగా ఉండే గిన్నెలో నూనె వేసి వేయించాలి. త‌రువాత మ‌సాలా దినుసులు, క‌రివేపాకు వేసి వేయించాలి. త‌రువాత ఉల్లిపాయ ముక్క‌లు, ప‌చ్చిమిర్చి, జీడిప‌ప్పు వేసి వేయించాలి. ఉల్లిపాయ ముక్క‌లు ఎర్ర‌గా వేగిన త‌రువాత అల్లం వెల్లుల్లి పేస్ట్ వేసి క‌ల‌పాలి. దీనిని ప‌చ్చి వాస‌న పోయే వ‌ర‌కు వేయించిన త‌రువాత ఉప్పు, ప‌సుపు, కారం వేసి క‌ల‌పాలి. త‌రువాత చికెన్ వేసి క‌ల‌పాలి. ఈ చికెన్ ను 10 నిమిషాల పాటు పెద్ద మంట‌పై వేయించిన త‌రువాత మంట‌ను మ‌ధ్య‌స్థంగా చేసుకోవాలి. త‌రువాత కొత్తిమీర, పుదీనా, మిక్సీ ప‌ట్టుకున్న మ‌సాలా పొడి వేసి క‌ల‌పాలి.
దీనిని రెండు నిమిషాల పాటు వేయించిన త‌రువాత కొబ్బ‌రి పాలు పోసి క‌ల‌పాలి. త‌రువాత మూత పెట్టి 5 నిమిషాల పాటు ఉడికించాలి. త‌రువాత నీళ్లు పోసి క‌ల‌పాలి. త‌రువాత నాన‌బెట్టుకున్న బియ్యం వేసి క‌ల‌పాలి. త‌రువాత నిమ్మ‌ర‌సం వేసి క‌ల‌పాలి. ఇప్పుడు దీనిపై మూత పెట్టి 5 నిమిషాల పాటు మ‌ధ్య‌స్థ మంట‌పై ఉడికించాలి. త‌రువాత మూత తీసి రెండు టీ స్పూన్ల నెయ్యి వేసి క‌ల‌పాలి. త‌రువాత మ‌ర‌లా మూత పెట్టి మంట‌ను చిన్న‌గా చేసి పూర్తిగా ఉడికించి స్ట‌వ్ ఆఫ్ చేసుకోవాలి. దీనిని మ‌రో 10 నిమిషాల పాటు అలాగే ఉంచి ఆ త‌రువాత అంతా క‌లుపుకుని స‌ర్వ్ చేసుకోవాలి. ఈ విధంగా చేసిన చికెన్ పులావ్ ను అంద‌రూ ఎంతో ఇష్టంగా తింటారు. వీకెండ్స్ లో, స్పెష‌ల్ డేస్ లో ఇలా రుచిగా పులావ్ ను త‌యారు చేసుకుని తిన‌వ‌చ్చు.
