Srivalli Song : అల్లు అర్జున్, ర‌ష్మిక మంద‌న్న హీరో హీరోయిన్లుగా వ‌చ్చిన చిత్రం.. పుష్ప బాక్సాఫీస్ రికార్డుల‌ను తిర‌గ‌రాసింది. హిందీలో ఈ మూవీ అత్య‌ధిక స్థాయిలో క‌లెక్ష‌న్ల‌ను వ‌సూలు చేయ‌డం అంద‌రినీ షాక్ కు గురిచేసింది. ఈ క్ర‌మంలోనే ఈ మూవీలో ర‌ష్మిక మంద‌న్న సామి స్టెప్‌తోపాటు అల్లు అర్జున్ వేసిన.. శ్రీ‌వ‌ల్లి స్టెప్ వైర‌ల్‌గా మారాయి. చాలా మంది అల్లు అర్జున్ ఐకానిక్ స్టెప్‌ను వేసి ఎంజాయ్ చేస్తున్నారు. సెల‌బ్రిటీలు, క్రికెట‌ర్లు సైతం శ్రీ‌వ‌ల్లి స్టెప్‌కు ఫిదా అయిపోయారు.
ఇక తాజాగా ఓ వ్య‌క్తి శ్రీ‌వ‌ల్లి పాట‌ను ఒకేసారి 5 భాష‌ల్లో పాడి అల‌రించాడు. అత‌ను అలా పాడిన పాట‌కు చెందిన వీడియో సోష‌ల్ మీడియాలో వైర‌ల్‌గా మారింది. ఐపీఎస్ అధికారి దీపాన్షు కుబ్రా ఆ వ్య‌క్తి వీడియోను షేర్ చేయ‌గా.. అత‌ను పాడిన శ్రీ‌వ‌ల్లి పాట అంద‌రినీ ఆక‌ట్టుకుంటోంది. తెలుగు, త‌మిళం, హిందీ, మ‌ళ‌యాళం మళ్లీ హిందీలో అత‌ను ఈ పాట పాడాడు. ఈ పాట వాస్త‌వానికి ఒక సెన్సేష‌న్ క్రియేట్ చేసింద‌నే చెప్ప‌వ‌చ్చు. ఇప్ప‌టికే చాలా మంది శ్రీ‌వ‌ల్లి పాట‌ను ఆల‌పించ‌డంతోపాటు శ్రీ‌వ‌ల్లి స్టెప్ వేసి అల‌రించారు.
కాగా పుష్ప రెండో పార్ట్ చిత్రీక‌ర‌ణ త్వ‌ర‌లోనే ప్రారంభం కానుంది. అందులో అల్లు అర్జున్, ర‌ష్మిక మంద‌న్న త్వ‌ర‌లో పాల్గొన‌నున్నారు. ఈ క్ర‌మంలోనే ఈ మూవీకి సంబంధించి ద‌ర్శ‌కుడు సుకుమార్ ప్ర‌స్తుతం క్లైమాక్స్‌ను ర‌చించే ప‌నిలో ఉన్న‌ట్లు తెలిసింది. దీంతో త్వ‌ర‌లోనే షూటింగ్ ప్రారంభం కానుంది.
