Masala Chekkalu : మ‌నం బియ్యం పిండితో ర‌క‌ర‌కాల పిండి వంట‌కాల‌ను తయారు చేస్తూ ఉంటాం. బియ్యం పిండితో చేసే పిండి వంట‌కాల్లో చెక్క‌లు కూడా ఒక‌టి. చెక్క‌లు చాలా రుచిగా ఉంటాయి. చాలా వీటిని ఇష్టంగా తింటారు. పండుగ‌ల‌కు అలాగే స్నాక్స్ గా తిన‌డానికి వీటిని తయారు చేస్తూ ఉంటాం. ఈ చెక్క‌ల‌ల్లో మ‌నం మ‌సాలాలు వేసి వీటిని మ‌రింత రుచిగా తయారు చేసుకోవ‌చ్చు. సాధార‌ణ చెక్క‌ల కంటే ఈ విధంగా చేసే మ‌సాలా చెక్క‌లు మ‌రింత రుచిగా ఉంటాయి. మ‌సాలా చెక్క‌లు కూడా చాలా రుచిగా ఉంటాయి. గుల్ల‌గుల్ల‌గా రుచిగా ఉండేలా ఈ మ‌సాలా చెక్క‌ల‌ను ఎలా తయారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
మ‌సాలా చెక్క‌ల త‌యారీకి కావ‌ల్సిన ప‌దార్థాలు..
బియ్యం పిండి – ఒక క‌ప్పు, క‌చ్చా ప‌చ్చాగా దంచిన అల్లం వెల్లుల్లి – ఒక టేబుల్ స్పూన్, 10 నిమిషాల పాటు నాన‌బెట్టిన పెస‌ర‌ప‌ప్పు – ఒక టేబుల్ స్పూన్, నువ్వులు – ఒక టేబుల్ స్పూన్, గ‌రం మ‌సాలా – ఒక టీ స్పూన్, బ‌ట‌ర్ – ఒక టేబుల్ స్పూన్, ఉప్పు – త‌గినంత, నూనె – డీప్ ఫ్రైకు స‌రిప‌డా, కారం – ఒక టేబుల్ స్పూన్, త‌రిగిన కొత్తిమీర – కొద్దిగా, త‌రిగిన పుదీనా – కొద్దిగా.
మ‌సాలా చెక్క‌ల త‌యారీ విధానం..
ముందుగా ఒక గిన్నెలో బియ్యం పిండిని తీసుకోవాలి. త‌రువాత ఇందులో నూనె త‌ప్ప మిగిలిన ప‌దార్థాల‌న్నీ వేసి బాగా క‌ల‌పాలి. త‌రువాత త‌గిన‌న్ని నీళ్లు పోస్తూ పిండిని మెత్త‌గా పాతీ పిండిలా క‌లుపుకోవాలి. పిండి మ‌రీ మెత్త‌గా ఉండ‌కుండా చూసుకోవాలి. త‌రువాత కొద్ది కొద్దిగా పిండిని తీసుకుంటూ ఉండ‌లుగా చేసుకోవాలి. త‌రువాత పూరీ ప్రెస్ మీద క‌వ‌ర్ ను ఉంచి దానికి నూనెను రాయాలి. త‌రువాత ఒక్కో ఉండ‌ను తీసుకుని పూరీ ప్రెస్ స‌హాయంతో చెక్క‌లా వ‌త్తుకుని కాట‌న్ వ‌స్త్రం మీద వేసుకోవాలి. ఇలా తయారు చేసుకున్న త‌రువాత క‌ళాయిలో నూనె పోసి వేడి చేయాలి. నూనె వేడ‌య్యాక త‌గిన‌న్ని చెక్క‌ల‌ను వేసి వేయించాలి.
వీటిని మ‌ధ్య‌స్థ మంట‌పై నురుగు అంతా పోయి చెక్క‌లు రెండు వైపులా ఎర్ర‌గా అయ్యే వ‌ర‌కు కాల్చుకుని ప్లేట్ లోకి తీసుకోవాలి. ఇలా చేయ‌డం వ‌ల్ల ఎంతో రుచిగా ఉండే మ‌సాలా చెక్క‌లు త‌యారవుతాయి. వీటిని గాలి త‌గ‌ల‌కుండా నిల్వ చేసుకోవ‌డం వ‌ల్ల చాలా కాలం పాటు తాజాగా ఉంటాయి. ఈ విధంగా మ‌సాలా చెక్క‌ల‌ను తయారు చేసుకుని స్నాక్స్ గా తిన‌వ‌చ్చు. వీటిని అంద‌రూ ఇష్టంగా తింటారు.
