Restaurant Style Chicken 65 : మ‌న‌కు రెస్టారెంట్ ల‌లో ల‌భించే చికెన్ వెరైటీల‌ల్లో చికెన్ 65 కూడా ఒక‌టి. చికెన్ 65 చాలా రుచిగా ఉంటుంది. స్టాట‌ర్ గా తిన‌డానికి ఇది చాలా చ‌క్క‌గా ఉంటుంది. చాలా మంది దీనిని ఇష్టంగా తింటారు. రెస్టారెంట్ స్టైల్ ఈ చికెన్ 65 ని మ‌నం ఇంట్లో కూడా చాలా సుల‌భంగా త‌యారు చేసుకోవ‌చ్చు. దీనిని త‌యారు చేయ‌డం చాలా తేలిక. వీకెండ్స్ లో, స్పెషల్ డేస్ లో ఇలా చికెన్ తో వెరైటీగా చికెన్ 65 ని త‌యారు చేసుకుని తిన‌వ‌చ్చు. రెస్టారెంట్ స్టైల్ చికెన్ 65 ని ఇంట్లోనే ఎలా త‌యారు చేసుకోవాలో ఇప్పుడు తెలుసుకుందాం.
చికెన్ 65 త‌యారీకి కావ‌ల్సిన ప‌దార్థాలు..
కార్న్ ఫ్లోర్ – 2 టేబుల్ స్పూన్స్, బియ్యంపిండి – ఒక టేబుల్ స్పూన్, నూనె – డీప్ ప్రైకు స‌రిప‌డా, త‌రిగిన వెల్లుల్లి రెబ్బ‌లు -10, త‌రిగిన ప‌చ్చిమిర్చి – 2, క‌రివేపాకు – ఒక రెమ్మ, మిరియాల పొడి – ఒక టీ స్పూన్.
మ్యారినేష‌న్ కు కావ‌ల్సిన ప‌దార్థాలు..
బోన్ లెస్ చికెన్ – అర‌కిలో, ఉప్పు – త‌గినంత, కాశ్మీరి చిల్లీ కారం – 2 టేబుల్ స్పూన్స్, పసుపు – అర టీ స్పూన్, గ‌రం మ‌సాలా – ఒక టీ స్పూన్, అల్లం వెల్లుల్లి పేస్ట్ – 2 టీ స్పూన్స్, మిరియాల పొడి – అర టీ స్పూన్, పెరుగు – 2 టేబుల్ స్పూన్స్.
చికెన్ 65 త‌యారీ విధానం..
ముందుగా గిన్నెలో చికెన్ ను తీసుకోవాలి. త‌రువాత ఇందులో మ్యారినేష‌న్ కు కావ‌ల్సిన ప‌దార్థాల‌న్నీ వేసి బాగా క‌ల‌పాలి. త‌రువాత దీనిపై మూత పెట్టి ఒక గంట పాటు మ్యారినేట్ చేసుకోవాలి. త‌రువాత ఈ చికెన్ లో కార్న్ ఫ్లోర్, బియ్యంపిండి వేసి క‌ల‌పాలి. ఇప్పుడు క‌ళాయిలో నూనె పోసి వేడి చేయాలి. నూనె వేడ‌య్యాక చికెన్ ముక్క‌ల‌ను వేసి వేయించాలి. వీటిని మ‌ధ్య‌స్థ మంట‌పై వేయించాలి. చికెన్ ముక్క‌లు ఎర్ర‌గా, క్రిస్పీగా అయ్యే వ‌ర‌కు వేయించి ప్లేట్ లోకి తీసుకోవాలి. త‌రువాత టాసింగ్ కు క‌ళాయిలో ఒక టేబుల్ స్పూన్ నూనె వేసి వేడి చేయాలి. త‌రువాత వెల్లుల్లి త‌రుగు వేసి వేయించాలి. త‌రువాత ప‌చ్చిమిర్చి, క‌రివేపాకు వేసి వేయించాలి. ఇవ‌న్నీ వేగిన త‌రువాత చికెన్ వేసి క‌ల‌పాలి. త‌రువాత మిరియాల పొడి వేసి క‌ల‌పాలి. దీనిని మ‌రో రెండు నిమిషాల పాటు క‌లుపుతూ వేయించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే చికెన్ 65 త‌యార‌వుతుంది. దీనిని ఒక్క ముక్క కూడా విడిచిపెట్ట‌కుండా అంద‌రూ ఎంతో ఇష్టంగా తింటారు.
