ఇటీవ‌ల హ‌నీట్రాప్ ఉదంతాలు ఏ రేంజ్‌లో చోటు చేసుకుంటున్నాయో మ‌నం చూస్తూనే ఉన్నాం.ప్రేమ అంటూ మంచిగా మాట్లాడుతూ ముగ్గులోకి దించుతున్నారు. ఒకసారి వారికి చిక్కితే ఇక అంతే సంగతి. ఫొటోలు చూపించి బ్లాక్ మెయిల్ చేయడం ప్రారంభిస్తారు. అడిగినంత ఇవ్వకపోతే వాటిని సామాజిక మాధ్యమాలలో పోస్ట్ చేస్తాం అంటూ బెదిరింపులకు పాల్పడతారు. తాజాగా ఇలాంటి ఘటనే ఉత్తరప్రదేశ్‌లోని బరేలీ జిల్లాలో చోటు చేసుకుంది. ఈ ఘ‌ట‌న‌లో 22 ఏళ్ల హిమాని అనే బాలికను పోలీసులు అరెస్ట్ చేసి జైలుకు తరలించారు. ఇక బాధితుడు అయిన ప్రైవేట్ వైద్యుడు షాక్‌తో మ‌ర‌ణించాడు.
వివ‌రాలోకి వెళితే సుభాష్‌నగర్ పోలీస్ స్టేషన్ పరిధిలోని కాలనీలో ఒక వైద్యుడు తన క్లినిక్‌ను నడుపుతున్నాడు. డాక్టర్ కి కాల్ చేసిన మ‌హిళ తాను బీఎస్‌సీ న‌ర్సింగ్ పూర్తి చేసాన‌ని, ఆర్దిక ప‌రిస్థితి స‌రిగా లేద‌ని, ఉద్యోగం కావాల‌ని కోరింది. కాని అత‌ను మాట్లాడ‌డానికి టైం లేదంటూ కాల్ క‌ట్ చేసాడు. అత‌ను నిందితురాలు ఆ సాయంత్రం తన స్నేహితుడి (మకాన్ మాలిక్)తో కలిసి డాక్టర్ క్లినిక్‌కి చేరుకుంది. ఆ అమ్మాయి తన స్నేహితుడితో కలిసి బాధ‌ల‌ని చెబుతూ ఎక్కడైన ఉద్యోగం కావాలి అని చెప్పింది. మ‌ళ్లీ పది రోజుల త‌ర్వాత హ‌మానీ డాక్ట‌ర్‌కి కాల్ చేసి తన తల్లి ఆరోగ్య ప‌రిస్థితి విష‌మించింద‌ని, ద‌య చేసి త్వ‌ర‌గా ఇంటికి వెళ్ల‌మ‌ని కోరింది. అయితే డాక్టర్ క్లినిక్‌కి తీసుకు రావాలని అన్నాడు. ఆ స‌మ‌యంలో ఆమె తన తల్లి ప్రాణాలను రక్షించమని వేడుకుంది.
దాంతో వ‌స్తాన‌ని అంటాడు. ఆ త‌ర్వాత బరేలీలోని హార్ట్‌మన్ వంతెన వద్దకు డాక్టర్ చేరుకోగా, అక్కడ హిమాని కనిపించడంతో ఇంటికి తీసుకెళ్తానని చెప్పి తనతో పాటు ఇంటికి తీసుకెళ్లింది. అక్క‌డికి హిమానీ స‌హ‌చ‌రుడు, మ‌రో స్త్రీ,ఇద్దరు పురుషులు వ‌చ్చారు. బ‌ల‌వంతంగా డాక్ట‌ర్‌తో ఫోటోలు, వీడియోలు తీయించారు. అనంత‌రం ఆయ‌న‌ని బ్లాక్ మెయిల్ చేయడం స్టార్ట్ చేశారు. అంతేకాదు డాక్టర్ ఏటీఏం నుండి మూడు సార్లు 50 వేలు డ్రా చేసుకున్నారు. అయితే వైద్యుడికి సంబంధించిన వీడియోలు , ఫొటోలు వైర‌ల్ చేస్తానని బెదిరించ‌డంతో డాక్టర్ షాక్‌తో చ‌నిపోయాడు. గ‌తంలో ఆమె ఆర్మీ సిబ్బంది, ఆర్టీఓ ఉద్యోగులు సహా ఎనిమిది మంది నుంచి 6 లక్షల రూపాయలు స్వాధీనం చేసుకున్నారు. డబ్బులు ఇవ్వకుంటే ఆ వీడియో నెట్‌లో పెడతానని బెదిరించేదని తెలిసింది.
