Supritha : క్యారెక్ట‌ర్ ఆర్టిస్టుగా ఎన్నో సినిమాల్లో న‌టించి న‌టిగా మంచి పేరు తెచ్చుకున్న సురేఖా వాణి గురించి ప్ర‌త్యేకంగా చెప్పాల్సిన ప‌నిలేదు. ఈమె త‌న కుమార్తె సుప్రీత‌తో క‌లిసి సోష‌ల్ మీడియాలో ఎంతో యాక్టివ్‌గా ఉంటుంది. ఎన్నో పాట‌ల‌కు డ్యాన్సులు చేస్తూ ఇప్ప‌టికే వీరు అనేక వీడియోల‌ను పోస్ట్ చేశారు. అవి సోష‌ల్ మీడియాలో వైర‌ల్ అవుతూనే ఉంటాయి. అయితే తాజాగా సుప్రీత త‌మ జీవితంలో జ‌రిగిన కొన్ని విషాద‌క‌రమైన సంఘ‌టన‌ల గురించి చెబుతూ చాలా ఎమోష‌న‌ల్ అయింది. త‌న తండ్రి చ‌నిపోయిన‌ప్పుడు ఎలాంటి ప‌రిస్థితుల‌ను అనుభ‌వించారో చెప్పుకొచ్చింది.
త‌న తండ్రి చ‌నిపోయిన‌ప్పుడు ఆయ‌న సొంత అన్న‌నే ఆయ‌న‌కు త‌ల‌కొరివి పెట్టేందుకు, పాడె మోసేందుకు రాలేద‌ని.. తాము ఎంతో బ‌తిమాలామ‌ని.. సుప్రీత తెలియ‌జేసింది. త‌మ బంధువులు కూడా త‌న తండ్రి శ‌వం వ‌ద్ద‌కు రాలేద‌ని.. పాడె మోసేందుకు వెనుకాడార‌ని.. మోస్తే.. మ‌ళ్లీ అంటు వ‌స్తుందేమోన‌న్న భ‌యంతో వారు రాలేద‌ని చెప్పింది. ఆ విష‌యంలో తాను చాలా బాధ‌ప‌డ్డాన‌ని.. అందుక‌నే తానే త‌న తండ్రికి త‌ల‌కొరివి పెట్టాన‌ని తెలిపింది.
త‌మ డ‌బ్బులు అంద‌రికీ కావాల‌ని.. కానీ ముఖ్య‌మైన స‌మయంలోనే త‌మ బంధువులు రాకుండా మొహం చాటేశార‌ని సుప్రీత చెప్పింది. అందుక‌నే తానే అన్ని కార్య‌క్ర‌మాల‌ను త‌న తండ్రి చ‌నిపోయిన‌ప్పుడు ద‌గ్గ‌రుండి చేశాన‌ని చెప్పింది. ఇక జీవితంలో త‌న ప్ర‌తి విష‌యంలోనూ త‌న త‌ల్లి తోడుగా ఉంటుంద‌ని.. త‌న‌ను భుజం త‌ట్టి ప్రోత్స‌హిస్తుంద‌ని.. సుప్రీత ఎమోష‌న‌ల్‌గా చెప్పింది.
