Tomato Capsicum Masala Curry : క్యాప్సికాన్ని వివిధ ర‌కాల వంట‌ల‌ల్లో వాడ‌డంతో పాటు వీటితో మ‌నం కూర‌ల‌ను కూడా త‌యారు చేస్తూ ఉంటాము. క్యాప్సికంతో చేసుకోద‌గిన రుచిక‌ర‌మైన వంట‌కాల్లో క్యాప్సికం ట‌మాట మ‌సాలా కూర కూడా ఒక‌టి. ఈ కూర చాలా రుచిగా ఉంటుంది. దీనిని త‌యారు చేయ‌డం కూడా చాలా సుల‌భం. చాలా త‌క్కువ స‌మ‌యంలో, చాలా సుల‌భంగా ఈ కూర‌ను త‌యారు చేసుకోవ‌చ్చు. ఎంతో క‌మ్మ‌గా ఉండే ఈ క్యాప్సికం ట‌మాట మ‌సాలా క‌ర్రీని ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
క్యాప్సికం ట‌మాట మ‌సాలా కర్రీ త‌యారీకి కావ‌ల్సిన ప‌దార్థాలు..
నూనె – పావు క‌ప్పు, ఎండుమిర్చి – 2, జీల‌క‌ర్ర – ఒక టీ స్పూన్, చిన్న‌గా త‌రిగిన పెద్ద ఉల్లిపాయ – 1, అల్లం వెల్లుల్లి పేస్ట్ -ఒక టీ స్పూన్, ప‌సుపు – పావు టీ స్పూన్, గ‌రం మ‌సాలా -అర టీ స్పూన్, ధ‌నియాల పొడి – అర టీ స్పూన్, జీల‌క‌ర్ర పొడి – అర టీ స్పూన్, ట‌మాట ఫ్యూరీ – పావుకిలో, త‌రిగిన క్యాప్సికం – 200 గ్రా., క‌రివేపాకు – రెండు రెమ్మ‌లు, నీళ్లు – పావు లీట‌ర్, కారం – ఒక టేబుల్ స్పూన్, ఉప్పు- త‌గినంత, త‌రిగిన కొత్తిమీర – కొద్దిగా.
క్యాప్సికం ట‌మాట మ‌సాలా కర్రీ త‌యారీ విధానం..
ముందుగా క‌ళాయిలో నూనె వేసి వేడి చేయాలి. త‌రువాత జీల‌క‌ర్ర, ఎండుమిర్చి వేసి వేయించాలి. త‌రువాత ఉల్లిపాయ వేసి గోల్డెన్ బ్రౌన్ క‌ల‌ర్ వ‌చ్చే వ‌ర‌కు వేయించాలి. త‌రువాత అల్లం వెల్లుల్లి పేస్ట్ వేసి పచ్చి వాస‌న పోయే వ‌ర‌కు వేయించాలి. త‌రువాత ప‌సుపు, గ‌రం మ‌సాలా, ధ‌నియాల పొడి, జీల‌క‌ర్ర పొడి వేసి వేయించాలి. త‌రువాత ట‌మాట ఫ్యూరీ వేసి నూనె పైకి తేలే వ‌ర‌కు వేయించాలి. త‌రువాత క్యాప్సికం ముక్క‌లు, క‌రివేపాకు, ఉప్పు వేసి క‌ల‌పాలి. క్యాప్సికం ముక్క‌లు బాగా వేగిన త‌రువాత కారం వేసి క‌ల‌పాలి. త‌రువాత నీళ్లు పోసి క‌ల‌పాలి. దీనిపై మూత పెట్టి నూనె పైకి తేలే వ‌ర‌కు ఉడికించాలి. చివ‌ర‌గా కొత్తిమీర‌ను చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే క్యాప్సికం ట‌మాట కర్రీ త‌యార‌వుతుంది. దీనిని చ‌పాతీ, రోటీ వంటి వాటితో తింటే చాలా రుచిగా ఉంటుంది.
