Tomato Methi Pappu : మ‌నం మెంతికూర‌ను కూడా ఆహారంగా తీసుకుంటూ ఉంటాం. మెంతికూర‌లో ఎన్నో పోష‌కాల‌తో పాటు ఆరోగ్య ప్ర‌యోజ‌నాలు కూడా దాగి ఉన్నాయి. మెంతికూర‌ను తీసుకోవ‌డం వ‌ల్ల మ‌నం చ‌క్క‌టి ఆరోగ్యాన్ని పొందవచ్చు. మెంతికూర‌తో మ‌నం వివిధ ర‌కాల వంట‌కాల‌ను తయారు చేస్తూ ఉంటాము. మెంతికూర‌తో చేసుకోద‌గిన రుచిక‌ర‌మైన వంట‌కాల్లో ట‌మాట మెంతికూర పప్పు కూడా ఒక‌టి. ఈ పప్పు చాలా రుచిగా ఉంటుంది. దీనిని తయారు చేయ‌డం కూడా చాలా సుల‌భం. ఈ పప్పును ఎవ‌రైనా చాలా తేలిక‌గా తయారు చేసుకోవ‌చ్చు. క‌మ్మ‌టి వాస‌న‌తో చ‌క్క‌టి రుచితో ఉండే ట‌మాట మెంతికూర పప్పును ఎలా తయారు చేసుకోవాలో ఇప్పుడు తెలుసుకుందాం.
ట‌మాట మెంతికూర పప్పు త‌యారీకి కావ‌ల్సిన పదార్థాలు..
అర‌గంట పాటు నాన‌బెట్టిన కందిప‌ప్పు – ఒక క‌ప్పు, నీళ్లు – ఒక‌టింపావు క‌ప్పు, త‌రిగిన ట‌మాటాలు – 2, నూనె – 2 టీ స్పూన్స్, ప‌సుపు – పావు టీ స్పూన్, ఆవాలు – అర టీ స్పూన్, జీల‌క‌ర్ర – అర టీ స్పూన్, ఎండుమిర్చి – 2, ఇంగువ – పావు టీ స్పూన్, దంచిన వెల్లుల్లి రెబ్బ‌లు – 7, త‌రిగి ఉల్లిపాయ – 1, త‌రిగిన ప‌చ్చిమిర్చి – 2. క‌రివేపాకు – ఒక రెమ్మ, కారం – ఒక‌టిన్న‌ర టీ స్పూన్, ఉప్పు – త‌గినంత, త‌రిగిన మెంతికూర – ఒక క‌ప్పు.
ట‌మాట మెంతికూర పప్పు త‌యారీ విధానం..
ముందుగా కుక్క‌ర్ లో నాన‌బెట్టిన కందిప‌ప్పును తీసుకోవాలి. త‌రువాత ఇందులో ట‌మాట ముక్కలు, ప‌సుపు, నూనె, నీళ్లు పోసి క‌ల‌పాలి. త‌రువాత మూత పెట్టి 3 విజిల్స్ వ‌చ్చే వ‌ర‌కు ఉడికించి స్ట‌వ్ ఆఫ్ చేసుకోవాలి. త‌రువాత మూత తీసి పప్పును మెత్త‌గా చేసుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక ఆవాలు, జీల‌క‌ర్ర, ఎండుమిర్చి వేసి వేయించాలి. త‌రువాత ఇంగువ, వెల్లుల్లి రెబ్బ‌లు, ప‌చ్చిమిర్చి, క‌రివేపాకు వేసి వేయించాలి. త‌రువాత ఉల్లిపాయ ముక్కలు వేసి వేయించాలి.
ఉల్లిపాయ ముక్కలు వేగిన త‌రువాత ఉప్పు, కారం, ప‌సుపు వేసి క‌ల‌పాలి. త‌రువాత మెంతికూర వేసి క‌ల‌పాలి. దీనిపై మూత పెట్టి మెంతికూర పూర్తిగా మ‌గ్గే వ‌ర‌కు వేయించాలి. మెంతికూర మ‌గ్గిన త‌రువాత ఉడికించిన పప్పును వేసి క‌ల‌పాలి. దీనిపై మూత పెట్టి మ‌రో 5 నిమిషాల పాటు ఉడికించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే మెంతికూర పప్పు త‌యార‌వుతుంది. దీనిని అన్నం, చ‌పాతీ, రోటీ వంటి వాటితో తింటే చాలా రుచిగా ఉంటుంది. ఈ విధంగా ట‌మాట మెంతికూర పప్పును తిన‌డం వ‌ల్ల మ‌నం రుచితో పాటు చ‌క్క‌టి ఆరోగ్యాన్ని కూడా పొందవచ్చు.
