Unta Pulusu : మ‌నం శ‌న‌గ‌ప‌ప్పుతో ర‌క‌ర‌కాల వంట‌కాల‌ను త‌యారు చేస్తూ ఉంటాము. శ‌న‌గ‌ప‌ప్పుతో చేసే ఈ వంట‌కాలు రుచిగా ఉండ‌డంతో పాటు వీటిని తిన‌డం వ‌ల్ల మ‌న ఆరోగ్యానికి కూడా మేలు క‌లుగుతుంది. ఈ శ‌న‌గ‌ప‌ప్పుతో మ‌నం చేసుకోద‌గిన వంట‌కాల్లో ఉంట పులుసు కూడా ఒక‌టి. శ‌న‌గ‌ప‌ప్పుతో చేసే ఈ పాత‌కాల‌పు వంట‌కం చాలా రుచిగా ఉంటుంది. ఇంట్లో కూర‌గాయ‌లు లేన‌ప్పుడు ఇలా శ‌న‌గ‌ప‌ప్పుతో ఉంట పులుసు త‌యారు చేసుకుని తిన‌వ‌చ్చు. దీనిని త‌యారు చేయ‌డం చాలా సుల‌భం. శ‌న‌గ‌ప‌ప్పుతో ఎంతో రుచిగా ఉండే ఈ ఉంట పులుసును ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివరాల‌ను ఇప్పుడు తెలుసుకుందాం.
ఉంట పులుసు త‌యారీకి కావ‌ల్సిన ప‌దార్థాలు..
నూనె – 4 టీ స్పూన్స్, మెంతులు – 4 గింజ‌లు, ఆవాలు -అర టీ స్పూన్, జీల‌క‌ర్ర – అర టీ స్పూన్, ఎండుమిర్చి – 1, క‌రివేపాకు – ఒక రెమ్మ, త‌రిగిన ఉల్లిపాయ‌లు – 3, ఉప్పు – త‌గినంత, అల్లం వెల్లుల్లి పేస్ట్ – ఒక టీ స్పూన్, త‌రిగిన ట‌మాటాలు – 2, ప‌సుపు – పావు టీ స్పూన్, జీల‌క‌ర్ర పొడి – పావు టీ స్పూన్, కారం – 2 టీ స్పూన్స్, ధ‌నియాల పొడి – ఒక టీ స్పూన్, త‌రిగిన ప‌చ్చిమిర్చి – 3, నాన‌బెట్టిన చింత‌పండు – చిన్న నిమ్మ‌కాయంత, 4 గంట‌ల పాటు నాన‌బెట్టిన శనగపప్పు – ఒక క‌ప్పు, ప‌చ్చి కొబ్బ‌రి తురుము – పావు క‌ప్పు.
ఉంట పులుసు త‌యారీ విధానం..
ముందుగా శ‌న‌గ‌ప‌ప్పును నీరు లేకుండా పూర్తిగా వ‌డ‌క‌ట్టాలి. త‌రువాత ఈ శ‌న‌గ‌ప‌ప్పును జార్ లోకి తీసుకోవాలి. త‌రువాత ఇందులోనే ప‌చ్చి కొబ్బ‌రి తురుము, ఒక ప‌చ్చిమిర్చి, ఒక టీ స్పూన్ అల్లం వెల్లుల్లి పేస్ట్ వేసి మెత్త‌గా మిక్సీ ప‌ట్టుకోవాలి.త‌రువాత ఈ మిశ్ర‌మాన్ని చిన్న చిన్న ఉండ‌లుగా చేసుకుని ఆవిరిమీద 4 నుండి 5 నిమిషాల పాటు ఉడికించి స్ట‌వ్ ఆఫ్ చేసుకోవాలి. ఇప్పుడు క‌ళాయిలో నూనె వేసి వేడి చేయాలి. త‌రువాత మెంతులు, ఆవాలు, జీల‌క‌ర్ర, ఎండుమిర్చి, క‌రివేపాకు వేసి వేయించాలి. త‌రువాత ఉల్లిపాయ ముక్క‌లు, ఉప్పు వేసి ఎర్ర‌గా అయ్యే వ‌ర‌కు వేయించాలి. త‌రువాత ట‌మాట ముక్క‌లు, అల్లం వెల్లుల్లి పేస్ట్ వేసి కలపాలి. వీటిపై మూత పెట్టి ముక్క‌లు మెత్త‌గా అయ్యే వ‌ర‌కు మ‌గ్గించాలి.
త‌రువాత కారం, ప‌సుపు, జీల‌క‌ర్ర పొడి, ధ‌నియాల పొడి వేసి ఒక నిమిషం పాటు వేయించాలి. త‌రువాత కొద్దిగా నీళ్లు పోసి మూత పెట్టి 5 నిమిషాల పాటు మ‌గ్గించాలి. త‌రువాత ప‌చ్చిమిర్చి,చింత‌పండు పులుసు, త‌గినన్నినీళ్లు పోసి కలపాలి. ఈ పులుసు మ‌రిగిన త‌రువాత ఉడికించిన శనగపప్పు ఉండ‌ల‌ను వేసి కలపాలి. త‌రువాత వీటిపై మూత పెట్టి పులుసు ద‌గ్గర ప‌డి నూనె పైకి తేలే వ‌ర‌కు ఉడికించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే ఉంట పులుసు త‌యార‌వుతుంది. దీనిని అన్నంతో తింటే చాలా రుచిగా ఉంటుంది. శ‌న‌గ‌ప‌ప్పుతో త‌రుచూ చేసే వంట‌కాల‌తో పాటు ఇలా కూడా అప్పుడ‌ప్పుడూ త‌యారు చేసుకుని తిన‌వ‌చ్చు.
