Ponnaganti Kura : ప్రస్తుతం మనం తినే ఆహారాలు, తాగే ద్రవాలు, పీల్చే గాలిలో కాలుష్య కారకాలు, రసాయనాలు అధికంగా ఉంటున్నాయి. దీంతో అవి మన రక్తంలోనూ కలిసిపోతున్నాయి. ఈ క్రమంలో మనం ఎన్నో అనారోగ్యాల బారిన పడుతున్నాం. అయితే ఇలాంటి అనారోగ్యాల నుంచి మనల్ని రక్షించేందుకు పొన్నగంటి కూర ఎంతగానో ఉపయోగపడుతుంది. దీన్ని తరచూ ఆహారంలో చేర్చుకోవడం వల్ల ఎలాంటి ప్రయోజనాలు కలుగుతాయో ఇప్పుడు తెలుసుకుందాం.
1. పొన్నగంటి కూరలో అనేక పోషకాలు ఉంటాయి. అందువల్ల ఇది మన రక్తాన్ని శుద్ధి చేస్తుంది. రక్తం బాగా తయారయ్యేలా చేస్తుంది. రక్తహీనత సమస్య ఉన్నవారు రోజూ ఈ ఆకుకూరను తీసుకోవాలి. దీంతో ఆ సమస్య నుంచి బయట పడవచ్చు.
2. అధిక బరువు తగ్గాలనుకునేవారు పొన్నగంటి కూరను రోజూ తీసుకోవడం వల్ల బరువు తగ్గుతారు. శరీరంలోని కొవ్వు కరుగుతుంది.
3. పొన్నగంటి కూరలో విటమిన్‌ ఎ అధికంగా ఉంటుంది. ఇది కంటి చూపును పెంచుతుంది. కంటి సమస్యలను తగ్గిస్తుంది. రోజూ కంప్యూటర్ల ఎదుట కూర్చుని పనిచేసేవారు ఈ కూరను తినడం వల్ల ఎంతగానో ప్రయోజనం కలుగుతుంది. కళ్లను సంరక్షించుకోవచ్చు. కంటి చూపు రెట్టింపవుతుంది. స్పష్టంగా కనిపిస్తుంది.
4. పొన్నగంటి కూరలో ప్రోటీన్లు సమృద్ధిగా ఉంటాయి. అందువల్ల మాంసాహారం తినలేని వారికి ఇదొక బెస్ట్‌ ఆప్షన్‌ అని చెప్పవచ్చు.
5. అధిక బరువు తగ్గాలనుకునేవారికి, కొలెస్ట్రాల్‌ లెవల్స్‌ ఎక్కువగా ఉన్నవారికి పొన్నగంటి కూర ఎంతో మేలు చేస్తుంది. దీంతో కొలెస్ట్రాల్‌ లెవల్స్‌ ను తగ్గించుకోవచ్చు. దీని వల్ల హార్ట్‌ ఎటాక్‌లు రాకుండా ఉంటాయి.
6. పొన్నగంటి కూరను తినడం వల్ల పలు రకాల క్యాన్సర్లు రాకుండా చూసుకోవచ్చు. చర్మం, ఎముకలు తదితర క్యాన్సర్లు రాకుండా ఉంటాయి.
7. వీర్యం ఎంత ఎక్కువగా ఉత్పత్తి అయినా అందులో లోపం ఉంటే పురుషులకు సంతానం కలిగే అవకాశాలు తగ్గిపోతాయి. అయితే పొన్నగంటి కూరను రోజూ తింటుంటే.. వీర్య కణాల్లో ఉండే లోపం తగ్గుతుంది. వీర్య కణాల నాణ్యత పెరుగుతుంది. దీంతోపాటు వీర్యం ఎక్కువగా తయారవుతుంది. దీని వల్ల పురుషులకు సంతానం కలిగే అవకాశాలు మెరుగు పడతాయి. కనుక పురుషులు రోజూ పొన్నగంటి కూరను తినాలి.
8. డయాబెటిస్‌ సమస్య ఉన్నవారు ఈ కూరను తినడం వల్ల షుగర్‌ లెవల్స్‌ ను తగ్గించుకోవచ్చు. జీర్ణ సమస్యలు ఉన్నవారు తింటే ఆ సమస్యలు తగ్గుతాయి. ముఖ్యంగా మలబద్దకం నుంచి ఉపశమనం లభిస్తుంది.
