Radhe Shyam : యంగ్ రెబ‌ల్ స్టార్ ప్రభాస్.. బుట్ట‌బొమ్మ పూజా హెగ్డెలు హీరో హీరోయిన్లుగా న‌టించిన చిత్రం.. రాధే శ్యామ్. ఈ సినిమా శుక్ర‌వారం ప్ర‌పంచ వ్యాప్తంగా థియేట‌ర్ల‌లో ప్రేక్ష‌కుల ముందుకు రానుంది. ఈ క్ర‌మంలోనే ఈ సినిమా కోసం ప్రేక్ష‌కులు ఎంతో ఆసక్తిగా ఎదురు చూస్తున్నారు. ఇక హైద‌రాబాద్‌లోనే ఈ సినిమాకు అడ్వాన్స్ బుకింగ్ ల ద్వారా రూ.4 కోట్ల‌కు పైగా వ‌సూళ్లు వచ్చాయి. దీన్ని బ‌ట్టి ఈ సినిమాపై ప్రేక్ష‌కులు ఏ రేంజ్‌లో అంచ‌నాల‌ను పెట్టుకున్నారో అర్థం చేసుకోవ‌చ్చు. ఇక ఈ మూవీ విడుదల సంద‌ర్భంగా ద‌ర్శ‌కుడు రాజ‌మౌళి.. ప్ర‌భాస్‌ను ఇంట‌ర్వ్యూ చేశారు. ఈ క్ర‌మంలో ఒక‌రికొక‌రు కొన్ని ప్ర‌శ్న‌లు వేసుకుని వాటిని ఆస‌క్తిక‌ర‌మైన స‌మాధానాలు చెప్పారు.
ఈ సంద‌ర్భంగా ప్రభాస్ మాట్లాడుతూ.. ఆర్ఆర్ఆర్ సినిమాలో ఎన్‌టీఆర్‌, చ‌ర‌ణ్‌ల ప‌క్క‌న న‌న్ను ఎందుకు పెట్ట‌లేదు.. చిన్న గెస్ట్ రోల్ అయినా ఎందుకు ఇవ్వలేదు ? అని అడిగాడు. అందుకు రాజ‌మౌళి బ‌దులిస్తూ.. సినిమాకు నువ్వు స‌రిపోతావు అనుకుంటేనే నిన్ను పెడ‌తాను.. లేకపోతే లేదు.. నువ్వు ఆర్ఆర్ఆర్‌లో సెట్ కావు.. అందుక‌నే రోల్ ఇవ్వలేదు.. అని స‌ర‌దాగా అన్నారు. దీంతో ఇద్ద‌రూ న‌వ్వేశారు.
ఇక రాజ‌మౌళి ఏ సినిమా చేస్తుంటే ఆ సినిమాలోని హీరోల గురించే ఆలోచిస్తార‌ని ప్రభాస్ అన్నాడు. కాగా ఆర్ఆర్ఆర్ మూవీ కూడా ఇదే నెల‌లో రిలీజ్ అవుతోంది. మార్చి 25వ తేదీన ప్ర‌పంచ వ్యాప్తంగా ఈ మూవీ విడుదల కానుంది. ఈ నెల 14వ తేదీ నుంచి ఈ సినిమా ప్ర‌మోష‌న్స్‌ను మ‌ళ్లీ మొద‌లు పెట్ట‌నున్నారు. ఇక రాధేశ్యామ్ సినిమాలో ప్రభాస్ హ‌స్త సాముద్రిక నిపుణుడిగా క‌నిపించ‌నున్నారు. ఈ సినిమాను థ్రిల్ల‌ర్ ల‌వ్ స్టోరీ క‌థాంశంతో తెర‌కెక్కించారు.
