దానిమ్మ పండ్లలో అనేక పోషకాలు ఉంటాయి. విటమిన్లు కె, సి, బి, ఐరన్‌, పొటాషియం, జింక్‌, ఒమెగా 6 ఫ్యాటీ యాసిడ్లు, ఫైబర్‌ తదితర అనేక పోషకాలు ఈ పండ్లలో ఉంటాయి. అందువల్ల దానిమ్మ పండ్లను తింటే మనకు ఎన్నో ప్రయోజనాలు కలుగుతాయి.
దానిమ్మ పండ్లను నేరుగా తినలేని వారు జ్యూస్‌ చేసి అందులో ఏమీ కలపకుండా నేరుగా ఒక గ్లాస్‌ జ్యూస్‌ను రోజూ తాగాలి. ఉదయం బ్రేక్‌ఫాస్ట్‌ చేశాక ఒక గంట విరామం ఇచ్చి ఈ జ్యూస్‌ను తాగాలి. దీంతో అనేక రకాల ప్రయోజనాలు కలుగుతాయి.
రోజూ దానిమ్మ పండ్ల జ్యూస్‌ను తాగడం వల్ల శరీరంలో రక్త సరఫరా మెరుగు పడుతుంది. హైబీపీ తగ్గుతుంది. రక్తం బాగా తయారవుతుంది. రక్తహీనత నుంచి బయట పడవచ్చు. గుండె ఆరోగ్యంగా ఉంటుంది.
దానిమ్మ పండ్లలో యాంటీ ఆక్సిడెంట్లు సమృద్ధిగా ఉంటాయి. అందువల్ల ఫ్రీ ర్యాడికల్స్‌ నశిస్తాయి. క్యాన్సర్లు రాకుండా చూస్తాయి. రోగ నిరోధక శక్తిని పెంచుతాయి.
దానిమ్మ పండ్లలో యాంటీ ఇన్‌ఫ్లామేటరీ, యాంటీ వైరల్‌ గుణాలు ఉంటాయి. అందువల్ల వైరస్‌ల బారి నుంచి వచ్చే వ్యాధుల నుంచి సురక్షితంగా ఉండవచ్చు.
దానిమ్మ పండ్లలో ఉండే యాంటీ ఆక్సిడెంట్లు ఒత్తిడిని తగ్గిస్తాయి. దీంతో పురుషుల్లో శృంగార సామర్థ్యం పెరుగుతుంది. వీర్యం ఎక్కువగా ఉత్పత్తి అవుతుంది. మహిళల్లో అయితే రుతుక్రమం సరిగ్గా ఉంటుంది. హార్మోన్ల సమస్యలు తొలగిపోతాయి. దీంతో సంతానం కలిగే అవకాశాలు పెరుగుతాయి. సంతానం లేక సమస్యలను ఎదుర్కొంటున్న దంపతులు దానిమ్మ పండ్ల జ్యూస్‌ను రోజూ తాగితే ఫలితం ఉంటుంది.
ఈ జ్యూస్‌ను తాగడం వల్ల జీర్ణ సంబంధ సమస్యలు తగ్గుతాయి. అజీర్ణం, గ్యాస్‌, అసిడిటీ, మలబద్దకం నుంచి బయట పడవచ్చు. కనుక దానిమ్మ పండ్ల జ్యూస్‌ను రోజూ తాగితే ఎన్నో ప్రయోజనాలను పొందవచ్చు.
