Ginger And Lemon Water : వేసవికాలంలో ప్ర‌జ‌లు శ‌రీరాన్ని చ‌ల్ల‌గా ఉంచుకోవ‌డానికి, హైడ్రేటెడ్ గా ఉండ‌డానికి నీటిని ఎక్కువ‌గా తాగుతూ ఉంటారు. కొంద‌రు నీటికి బ‌దులుగా నిమ్మ‌కాయ నీటిని తాగ‌డానికి ఇష్ట‌ప‌డ‌తారు. నిమ్మ‌కాయ నీటిని తీసుకోవ‌డం వ‌ల్ల శ‌రీరం హైడ్రేటెడ్ గా ఉండ‌డంతో పాటు ఆరోగ్యానికి కూడా మేలు క‌లుగుతుంది. అయితే సాధార‌ణ నిమ్మ‌కాయ నీటికి బ‌దులుగా ఇందులో అల్లం వేసుకుని తీసుకోవ‌డం వ‌ల్ల మ‌నం మ‌రిన్ని ప్రయోజ‌నాల‌ను పొంద‌వ‌చ్చ‌ని నిపుణులు చెబుతున్నారు. ముఖ్యంగా ఈ నీటిని ప‌ర‌గ‌డుపున తీసుకోవ‌డం వ‌ల్ల వేస‌విలో మ‌న‌కు మ‌రింత మేలు క‌లుగుతుంద‌ని వారు చెబుతున్నారు. అల్లం మ‌రియు నిమ్మ‌కాయ ఇవి రెండూ కూడా మ‌న ఆరోగ్యానికి మేలు చేసేవే. వీటిలో ఎన్నో పోష‌కాలు, ఆరోగ్య ప్ర‌యోజ‌నాలు దాగి ఉన్నాయి.
అల్లం మ‌రియు నిమ్మ‌కాయ నీటిని క‌లిపి తీసుకోవ‌డం వ‌ల్ల మ‌న‌కు క‌లిగే ప్ర‌యోజ‌నాల గురించి ఇప్పుడు తెలుసుకుందాం. అల్లం మ‌రియు నిమ్మ‌కాయ నీటిని క‌లిపి తీసుకోవ‌డం వ‌ల్ల శ‌రీరంలో విష ప‌దార్థాలు తొల‌గిపోతాయి. శ‌రీరంలో మ‌లినాలు తొల‌గిపోయి శ‌రీరం శుభ్ర‌ప‌డుతుంది. అనారోగ్య స‌మ‌స్య‌లు రాకుండా ఉంటాయి. అంతేకాకుండా అల్లం, నిమ్మ‌ర‌సం క‌లిపి తీసుకోవ‌డం వ‌ల్ల శ‌రీరంలో రోగ‌నిరోధ‌క శ‌క్తి పెరుగుతుంది. వాతావ‌ర‌ణ మార్పుల కార‌ణంగా వ‌చ్చే అనారోగ్య స‌మ‌స్య‌లు రాకుండా ఉంటాయి. నిమ్మ‌ర‌సం మ‌రియు అల్లం క‌లిపి తీసుకోవ‌డం వ‌ల్ల జీర్ణ‌శ‌క్తి మెరుగుప‌డుతుంది. అజీర్తి, గ్యాస్ వంటి స‌మ‌స్య‌లు త‌గ్గుతాయి. వేస‌వి కాలంలో వ‌చ్చే జీర్ణ‌స‌మ‌స్య‌లు రాకుండా ఉంటాయి. అలాగే అల్లం మ‌రియు నిమ్మరసాన్ని క‌లిపి తీసుకోవ‌డం వ‌ల్ల శ‌రీర బ‌రువు అదుపులో ఉంటుంది. జీవ‌క్రియ పెరుగుతుంది. క్యాల‌రీల‌ను క‌రిగించ‌డంలో ఇవి రెండు కూడా అద్భుతంగా ప‌ని చేస్తాయి.
బ‌రువు త‌గ్గాల‌నుకునే వారు వీటిని క‌లిపి తీసుకోవ‌డం వ‌ల్ల మంచి ఫ‌లితం ఉంటుంది. అల్లం మ‌రియు నిమ్మరసాన్ని క‌లిపి తీసుకోవ‌డం వ‌ల్ల చ‌ర్మ ఆరోగ్యం మెరుగుప‌డుతుంది. వేస‌విలో సూర్య‌రశ్మి కార‌ణంగా చ‌ర్మం దెబ్బ‌తింటుంది. ఎండ‌లో ఎక్కువ‌గా తిరిగే వారు ఇలా అల్లాన్ని మ‌రియు నిమ్మరసాన్ని క‌లిపి తీసుకోవ‌డం వ‌ల్ల ఎండ వ‌ల్ల చ‌ర్మం దెబ్బ‌తిన‌కుండా ఉంటుంది. ఈ విధంగా ఉద‌యం ప‌ర‌గ‌డుపున అల్లం మ‌రియు నిమ్మ‌కాయ నీటిని క‌లిపి తీసుకోవ‌డం వ‌ల్ల మ‌న ఆరోగ్యానికి ఎంతో మేలు క‌లుగుతుంద‌ని ప్ర‌తి ఒక్క‌రూ ఈ నీటిని తీసుకునే ప్ర‌య‌త్నం చేయాలని నిపుణులు చెబుతున్నారు.
