ప్రపంచంలో అత్యంత అవినీతికరమైన ఆహారం ఏది?

నా దృష్టిలో ప్రపంచంలోనే అత్యంత అవినీతి కరమైన ఆహారం ఎయిర్పోర్ట్ లో అమ్మే బర్గర్, టీ మరియు కాఫీ . నేను పోయిన వారం ఢిల్లీ వెళ్ళినపుడు పక్కన ఉన్న వారి మాటలు విని , మొహమాటం కొద్దీ ఫస్ట్ టైం ఢిల్లీ ఎయిర్పోర్ట్ లో ఉన్న Subway స్టాల్ లో మొదటి సారి బర్గర్ తినవలసిన దుస్థితి వచ్చింది . ఇందులో నీకు రుచి నచ్చకపోతే నచ్చలేదు అని చెప్పు కానీ అవినీతి ఆహరం అని ఎలా అంటావు అని అడిగే వారికి సమాధానం ఏంటంటే

నాకు ఏం ఆర్డర్ చెయ్యాలో తెలియక , నాతో ఉన్న వాళ్ళు చెప్పిన చికెన్ తెరియాకి అనే బర్గర్ ని ఆర్డర్ చేశా , ఇక ఆ బర్గెర్ని చూస్తేనే అర్ధం అయింది రెండు బన్ను ముక్కలు , కొంచెం కూడా కట్ చెయ్యని రెండు క్యాబేజి ఆకులు , ఏదో ఒకటి పుల్లని , పచ్చి వాసనా వస్తున్న తెల్లటి క్రీం , వీటికి మధ్యలో ఒక సగం ఉడికిన చికెన్ ముక్క , ఇవన్నీ కలిపితే ఒక 40 రూపాయలు కూడా ఉండవు కానీ GST తో కలిపి 320 రూపాయల బిల్ వేశారు . ఎంత అవినీతి ఉంది ఈ ఆహరం లో .

కడుపుమండి , కాలే కడుపుకి మండే బూడిద అన్నట్లు , పక్కన ఉన్న టీ స్టాల్ కి వెళ్లి మెనూ చూస్తే , ఒక టీ 200 రూపాయలు , ఒక కాఫీ 250 రూపాయలు , ఇక్కడ బర్గర్ ఆహరం కన్నా ఎక్కువ అవినీతి ఉంది కదా .. సరదాకి రాసాను , కానీ ఆ ధరలు చూస్తే నిజంగానే ఎంత అన్యాయం , ఎంత అవినీతి అని మనసులో అనుకున్నా . అదే ఇక్కడ రాస్తున్నా.