మనకు బాగా సంతోషం కలిగినప్పుడు, లేదా బాగా ఇష్టమైన వారిని చాలా రోజుల తర్వాత కలిసినప్పుడు వారిని కౌగిలించుకుంటాం. అలా చేయడం వల్ల ఎంతో సంతోషం కలుగుతుంది. ఆత్మీయులు ఆప్యాయంగా హత్తుకుంటే మనసులో ఉండే బాధలు, ఒత్తిళ్లన్నీ పటాపంచలైపోతాయి అంటున్నారు పరిశోధకులు. బాధతో కుంచించుకుపోయినా, ఆనందంతో ఉప్పొంగిపోతున్నా, ఒత్తిడితో సతమతమవుతున్నా.. ఇలా ఎటువంటి ఫీలింగ్ అయినా ఒకరితో పంచుకోవడానికి కౌగిలి వారధిగా పనిచేస్తుందని శాస్త్రవేత్తలు వెల్లడిస్తున్నారు. ఇక కౌగిలించుకోవడం ఆరోగ్యపరంగా కూడా చాలా మంచిదని పరిశోధకులు చెబుతున్నారు. ఇష్టమైన వారిని కౌగిలించుకోవడం వల్ల స్ట్రెస్ హార్మోన్ కార్టిసాల్ ఉత్పత్తి తగ్గుతుంది. అంటే కౌగిలితో ఒత్తిడి తగ్గుతుందని.. అంతేకాక హగ్ తో ఆక్సిటోసిన్ విడుదల అవుతుందని అంటున్నారు. ఇంకా హగ్ తో ఎలాంటి ప్రయోజనాలు ఉన్నాయో ఇప్పుడు తెలుసుకుందాం..
సెరొటోనిన్ అనే హార్మోన్ మన ఒత్తిడి స్థాయిలను నియంత్రిస్తుంది. సంతోషంగా ఉన్నప్పుడు శరీరంలో సెరటోనిన్, ఆక్సిటోసిన్ హార్మోన్లు విడుదలవుతాయి. ఇలా విడుదలైనప్పుడు మన రోగనిరోధక వ్యవస్థ మెరుగు ప‌డుతుంది. డోపమైన్.. ఇది మెదడును ప్రేరేపించే హార్మోన్. ఇది శరీరంలో విడుదలైన తర్వాత సంతోషం కలుగుతుంది. ఇది మానసిక స్థితిని మెరుగుపరుస్తుంది. నిరాశ, ఆందోళన వంటి సమస్యలు ఉండవు.
ఆక్సిటోసిన్.. ఈ ఆక్సి టోసిన్ హార్మోన్ ఉత్పత్తిని మెరుగుపరుస్తుంది. దీనిని లవ్ హార్మోన్ అని కూడా పిలుస్తారు. ఇది భాగస్వాముల మధ్య దూరాన్ని తగ్గించి ప్రేమను పెంచుతుంది. ఇలా ఒకరినొకరు కౌగిలించుకోవడం వల్ల భయాన్ని కూడా తగ్గించుకోవచ్చని.. ఒత్తిడిని తగ్గించడానికి కౌగిలి దోహదపడుతుందని నిపుణులు పేర్కొంటున్నారు. సంక్రమ‌త, హైపోతెర్మీయా మొదలైన ఇతర వ్యాధులను తగ్గించడానికి కూడా సహాయపడుతుంది. ఇక పిల్లలకు తల్లిదండ్రుల కౌగిలి కూడా చాలా అవసరం. తల్లిదండ్రుల స్పర్శతోనే బిడ్డ ఎలాంటి భయాలు లేకుండా ఉండగలుగుతాడు. ఆలింగనం అనేది మానవ సంబంధాలను ఎన్నో రెట్లు పెరిగేట్లు చేస్తుంది.
