వయసు పెరిగే కొద్ది జీవప్రక్రియ వేగం తగ్గుతుంది. అయితే పీచు పదార్ధాల‌ను ఆహారంలో అధికంగా చేర్చి తింటే ఈ అసమతుల్యత సరి చేసుకుంటుంది. అందుకుగాను తేలికగా ఆచరించే కొన్ని మార్గాలు చూడండి. మొక్కజొన్న కండె, మామిడి పండు వంటి వాటిలో పీచు అధికం. మామిడిపండు టెంక వరకు పూర్తిగా తినేయండి. మొక్కజొన్న కండెలు పొత్తులు వలిచి తేలికగా నమిలేయండి.
ప్రొటీన్, ఫైబర్ అధికంగా వుండే బఠాణీలు, మొక్కజొన్న గింజలతో చిరుతిండి పదార్ధాలు తయారు చేయండి. వాటిని బాగా దంచి సూప్ తయారు చేసి తాగితే రుచికరంగా వుంటుంది. ఆరెంజ్ లలో పీచు బాగా వుంటుంది. వీటి తొనలపై వుండే పీచు తీయకుండా తొక్క వరకు తీసి తినండి.
మైదా బ్రెడ్ కు బదులుగా గోధుమ, బ్రౌన్ బ్రెడ్, బిస్కట్లు, మాల్ట్ వంటివి తినండి. గింజలను పౌడర్ గా పట్టించి రొట్టెలుగా కూడా తయారు చేయవచ్చు. మాంసం తినటం తగ్గించండి. తాజా కూరగాయలు, పండ్లు, కాయలు తినేయండి. పండ్ల రసాలు, సలాడ్లు అధికంగా ఆహారంలో చేరిస్తే, స్లిమ్ గా ఆరోగ్యంగా వుంటారనేది గుర్తించండి. ఏ రోజుకారోజు ఆహార ప్రణాళిక మెగురుపరుస్తూ అదనపు శారీరక బరువు తగ్గించుకోండి.
