ఒకప్పుడు కోటి విద్యలు కూటి కొరకే అనే సామెత ఎక్కువ ప్రాచుర్యంలో ఉండేది.. కానీ ప్రస్తుత కాలంలో ఇదంతా మారింది. కోటి విద్యలు డబ్బు కోసమే అన్నట్టుగా మానవుడు అన్ని వదిలి డబ్బు కోసమే పరిగెడుతూ ఉన్నాడు. డబ్బే మనిషిని ఏ విధమైన పనినైనా చేయిస్తుంది. కానీ కొంతమంది డబ్బు సంపాదించాలంటే ఎన్నో సమస్యల పాలవుతున్నారు. ఎంత సంపాదించినా అది మిగలడం లేదని బాధ పడుతున్నారు. అలాంటి వారు ఈ పరిహారం చేస్తే ధనవంతులు అవుతారు..
అధిక అప్పులతో సతమతమవుతున్న వారు నూట ఒక్క రూపాయి బిళ్ళలను తీసుకొని లక్ష్మీదేవి ముందు కూర్చొని ఓం శ్రీ లక్ష్మీ దేవి నమః అని జపిస్తూ ఎర్రటి వస్త్రాన్ని తీసుకొని అందులో వేయండి. ఆ తర్వాత ఆ వస్త్రాన్ని మూటకట్టి మీరు డబ్బులు దాచి పెట్టే స్థలంలో అంటే బీరువాలో కానీ ఇతరాత్రా వాటిల్లో కానీ ఉంచండి. ఈ విధంగా చేస్తే మీకు అప్పుల నుంచి విముక్తి కలుగుతుంది. ఇవి మంగళవారం నాడు కానీ శుక్రవారం నాడు కానీ చేస్తే బాగుంటుందని నిపుణులు అంటున్నారు. కొన్నిసార్లు మనం ఎంత సంపాదించినా నిలవదు. ఏవో కారణాలతో వచ్చిన డబ్బు వచ్చినట్టు వెళ్ళిపోతుంది. అటువంటప్పుడు ఏవైనా దోషాలు ఉంటే వాటి పరిహారం తెలుసుకొని చేయడం ఉత్తమం.
అదేవిధంగా కొన్ని కార్యాలు చేయడం వల్ల ఆర్థిక పరిస్థితులు తొలగిపోతాయని ఆధ్యాత్మిక నిపుణులు తెలియజేస్తున్నారు. నిత్యం ఇంట్లో దీపారాధన, సాంబ్రాణి, అగర వత్తులు వెలిగించడం చేయాలి. అలాగే తులసి దగ్గర దీపారాధన చేయడం వంటివి చేయాలి. అలాగే దగ్గర్లో ఏదైనా గుడిని శుభ్రం చేసి ముగ్గులు వేయాలి. ఆలయ పరిసరాల్లో పూలమొక్కలు, అరటి మొక్కలు వంటివి నాటాలి. అలాగే గోసేవ, చాతనైనంత వరకు పేదలకు దానం చేయాలి. ఎదుటి వారి అభ్యున్నతి చూసి ఈర్ష్య పడవద్దు. అందరూ బాగుండాలని ఆలోచన కలిగి ఉంటే మీరు కూడా బాగుంటారని ఆధ్యాత్మిక నిపుణులు అంటున్నారు.
