Actors : 1987లో కె.మురళీ మోహనరావు దర్శకత్వంలో విక్టరీ వెంకటేష్, యాక్షన్ కింగ్ అర్జున్, నటకిరీటి రాజేంద్రప్రసాద్ హీరోలుగా నటించిన చిత్రం త్రిమూర్తులు. ఈ చిత్రంలో ముగ్గురు హీరోలకు జోడీలుగా శోభన, ఖుష్బు, అశ్వినీ హీరోయిన్స్ గా నటించారు. ఈ చిత్రానికి టి.సుబ్బిరామిరెడ్డి నిర్మాణ సారథ్యం వహించారు. బప్పీలహరి ఈ చిత్రానికి సంగీత సారథ్యం వహించారు. 1981లో విడుదలైన హిందీ చిత్రం నసీబ్ కి రీమేక్ గా జూన్ 24,1987 లో త్రిమూర్తులు చిత్రాన్ని విడుదల చేశారు. అప్పట్లో ఈ చిత్రం బాక్సాఫీస్ వద్ద యావరేజ్ టాక్ ని అందుకుంది.
నసీబ్ సినిమాలోని ఒక పాటలో బాలీవుడ్ కు చెందిన టాప్ హీరోస్ అందరూ గెస్ట్ అప్పియరెన్స్ లో కనిపించి బాలీవుడ్ లో అలరించారు. సేమ్ టు సేమ్ ఇక్క‌డ కూడా అలాగే టాప్ హీరోస్ ఒక పాటలో క‌నిపించాల‌ని నిర్మాత సుబ్బిరామిరెడ్డి భావించి 7 మంది హీరోల‌ను, 4 మంది హీరోయిన్స్ తో మాట్లాడి ఒప్పించారట. త్రిమూర్తులు చిత్రంలో ఒకే పాటలో ప్రముఖ స్టార్స్ అందరూ కనిపించిన ఆ పాటే.. ఒకే మాట, ఒకే బాట.. మతం లేదు.. కులం లేదు.. అనే పాట. ఈ పాటలో వెంకటేష్ తోపాటు శోభ‌న్‌బాబు, విజ‌య‌శాంతి, కృష్ణ, విజ‌య‌నిర్మ‌ల, చిరంజీవి, రాధిక, కృష్ణం రాజు, రాధ, మురళీ మోహ‌న్, శార‌ద, బాల‌కృష్ణ, భానుప్రియ, నాగార్జున, సుమలత, చంద్ర‌మోహ‌న్‌, జ‌య‌మాలిని లు క‌నిపిస్తారు.
మొద‌ట‌గా ఈ చిత్రంలో గెస్ట్ అప్పియరెన్స్ కోసం ఎన్టీఆర్, ఏఎన్ఆర్ ల‌ను సంప్రదించగా వారు కొన్ని కార‌ణాల రీత్యా రాలేమని చెప్పారట. వారి స్థానాల్లో బాల‌కృష్ణ, నాగార్జున‌లు వ‌చ్చి ఈ పాటలో కనిపించి అందరినీ ఆకట్టుకున్నారు. అప్పట్లో కేవ‌లం ఈ పాట‌ను చూడ‌డానికే ప్రేక్షకులు థియేటర్లకు క్యూ కట్టేవారట.
