Hands Exercises : జిమ్ చేసి చ‌క్క‌ని శ‌రీరాకృతి పొందాల‌ని చాలా మందికి ఉంటుంది. కానీ కొంద‌రు ఆ దేహాన్ని సాధించ‌లేక‌పోతుంటారు. ఇక కొంద‌రు శ‌రీరం అంతా బాగానే ఉంటుంది కానీ.. చేతుల‌ను చ‌క్క‌ని ఆకృతిలో క‌నిపించేలా మార్చుకోలేక‌పోతుంటారు. అలాంటి వారు కింద తెలిపిన వ్యాయామాల‌ను రోజూ చేస్తే కేవ‌లం 4 వారాల్లోనే చేతుల‌ను కండ‌లు వ‌చ్చేలా చ‌క్క‌ని ఆకృతిలోకి మార్చుకోవ‌చ్చు. మ‌రి అందుకు చేయాల్సిన వ్యాయామాలు ఏమిటంటే..
నేల‌పై బోర్లా ప‌డుకుని అర చేతుల‌ను నేల‌కు ఆనించాలి. త‌రువాత శ‌రీరం పై భాగాన్ని పైకి, కింద‌కు క‌దిలిస్తూ పుష‌ప్స్ చేయాలి. ఇలా త‌డ‌వ‌కు 10 పుష‌ప్స్ చేయాలి. దీన్ని ఒక సెట్ అంటారు. ఇలా 4 సెట్స్ చేయాలి. దీంతో భుజ కండ‌రాలు బ‌లంగా మారుతాయి. అవి చ‌క్క‌ని ఆకృతిలోకి మారుతాయి.
చిత్రంలో చూపిన‌ట్లుగా ఏదైనా బెంచికి వీపును ఆనించి కూర్చోవాలి. అనంత‌రం చేతుల‌ను వెన‌క్కి పెట్టి బెంచిని ప‌ట్టుకుని శ‌రీరం పై భాగ‌న్ని పైకి కింద‌కు క‌దిలించాలి. ఈ వ్యాయామాన్ని కూడా 10 సార్లు చేయాలి. ఒక సెట్‌కు 10 సార్ల చొప్పున మొత్తం 4 సెట్లు.. అంటే 40 సార్లు చేయాలి.
చిత్రంలో చూపించినట్లు ఏదైనా బ‌రువును లేదా డంబెల్‌ను మెడ వెనుక‌గా పెట్టి రెండు చేతుల‌తో ప‌ట్టుకుని దాన్ని పైకి, కింద‌కు అంటూ వ్యాయామం చేయాలి. దీన్ని కూడా ఒక సెట్‌కు 10 సార్ల చొప్పున మొత్తం 4 సెట్లు చేయాలి. అంటే 40 సార్లు చేయాల్సి ఉంటుంది.
ఏదైనా ఒక చేత్తో మాత్ర‌మే డంబెల్‌ను ప‌ట్టుకుని కేవ‌లం ముంజేయితో మాత్ర‌మే ఆ డంబెల్‌ను పైకి, కింద‌కు అంటుండాలి. దీంతో ముంజేయి భాగంలో కండ‌రాలు దృఢంగా మారుతాయి. దీన్ని కూడా 4 సెట్లు చేయాలి. ఒక సెట్‌కు 10 సార్లు చేయాలి.
ఇలా పైన తెలిపిన వ్యాయామాల‌ను చేయ‌డం వ‌ల్ల చేతులు 4 వారాల్లోనే చ‌క్క‌ని ఆకృతిని పొందుతాయి. కండ‌లు తేలిన చేతులు కావాల‌ని అనుకునే వారు ఈ వ్యాయామాల‌ను ఎంచ‌క్కా ఇంట్లోనే చేయ‌వ‌చ్చు.
