Chicken Handi : మ‌న‌కు రెస్టారెంట్ ల‌లో ల‌భించే చికెన్ వెరైటీల‌ల్లో చికెన్ హండి కూడా ఒక‌టి. చికెన్ హండి చాలా రుచిగా ఉంటుంది. చాలా మంది దీనిని ఇష్టంగా తింటారు. త‌రుచూ చేసే చికెన్ క‌ర్రీల కంటే కింద చెప్పిన విధంగా చేసే చికెన్ హండి చాలా రుచిగా ఉంటుంది. దీనిని ఒక‌సారి రుచి చూస్తే మ‌ళ్లీ మ‌ళ్లీ ఇదే చికెన్ క‌ర్రీ కావాలంటారు. ఈ చికెన్ హండిని త‌యారు చేయ‌డం చాలా సుల‌భం. బ్యాచిల‌ర్స్, వంట‌రాని వారు, మొద‌టిసారి చేసే వారు కూడా దీనిని సుల‌భంగా త‌యారు చేసుకోవ‌చ్చు. ఎంతో రుచిగా, క‌మ్మ‌గా ఉండే ఈ చికెన్ హండిని ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
చికెన్ హండి త‌యారీకి కావ‌ల్సిన ప‌దార్థాలు..
చికెన్ – అర‌కిలో, నూనె – 3 టేబుల్ స్పూన్స్, నెయ్యి – 2 టేబుల్ స్పూన్స్, చిన్న‌గా త‌రిగిన వెల్లుల్లి రెబ్బ‌లు – ఒక టీ స్పూన్, న్న‌గా పొడ‌వుగా త‌రిగిన ఉల్లిపాయ ముక్క‌లు – ఒక క‌ప్పు, బిర్యానీ ఆకులు – 2, యాల‌కులు – 2, దాల్చిన చెక్క – ఒక ఇంచు ముక్క, ల‌వంగాలు – 5, అల్లం వెల్లుల్లి పేస్ట్ – ఒక టేబుల్ స్పూన్, చిన్న‌గా త‌రిగిన ట‌మాట ముక్క‌లు – ఒక క‌ప్పు, ప‌సుపు -పావు టీ స్పూన్, ఉప్పు – త‌గినంత, కారం – 2 టీ స్పూన్స్, చికెన్ మ‌సాలా – ఒక టేబుల్ స్పూన్, ధనియాల పొడి – ఒక టీ స్పూన్, చిన్న‌గా త‌రిగిన ప‌చ్చిమిర్చి – 5, చిలికిన పెరుగు – పావు క‌ప్పు, క‌సూరిమెంతి – ఒక టీ స్పూన్, ప్రెష్ క్రీమ్ – 2 టేబుల్ స్పూన్స్, నీళ్లు – ఒక క‌ప్పు, త‌రిగిన కొత్తిమీర – కొద్దిగా.
చికెన్ హండి త‌యారీ విధానం..
ముందుగా క‌ళాయిలో నూనె, నెయ్యి వేసి వేడి చేయాలి. తరువాత వెల్లుల్లి త‌రుగు, ఉల్లిపాయ ముక్క‌లు వేసి వేయించాలి. ఉల్లిపాయ ముక్క‌లు బ్రౌన్ క‌ల‌ర్ వ‌చ్చే వ‌ర‌కు వేయించిన తరువాత మ‌సాలా దినుసులు, అల్లం వెల్లుల్లి పేస్ట్ వేసి వేయించాలి. తరువాత ట‌మాట ముక్క‌లు వేసి వేయించాలి. ట‌మాట ముక్క‌లు మెత్త‌బ‌డిన తరువాత చికెన్ వేసి క‌ల‌పాలి. ఈ చికెన్ ను పెద్ద మంట‌పై 3 నిమిషాల పాటు వేయించిన తరువాత ఉప్పు, కారం, ప‌సుపు, చికెన్ మ‌సాలా, ధనియాల పొడి వేసి క‌ల‌పాలి. తరువాత ప‌చ్చిమిర్చి, పెరుగు వేసి క‌ల‌పాలి.
దీనిపై మూత పెట్టి మ‌ధ్య మ‌ద్య‌లో క‌లుపుతూ 10 నిమిషాల పాటు మ‌ధ్య‌స్థ మంట‌పై వేయించాలి. తరువాత క‌సూరిమెంతి, ప్రెష్ క్రీమ్ వేసి క‌ల‌పాలి. తరువాత నీళ్లు పోసి క‌ల‌పాలి. దీనిపై మూత పెట్టి చికెన్ మెత్త‌గా అయ్యే వ‌ర‌కు ఉడికించాలి. చికెన్ చ‌క్క‌గా ఉడికిన తరువాత కొత్తిమీర వేసి క‌లిపి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతోరుచిగా ఉండే చికెన్ హండి త‌యార‌వుతుంది. దీనిని అన్నం, చ‌పాతీ, రోటీ వంటి వాటితో తింటే చాలా రుచిగా ఉంటుంది.
