ప్రతి రోజూ మనం ఎన్నో రకాల ఆహార పదార్థాలను తీసుకుంటాం. అయితే మనం తీసుకునే ఆహార పదార్థాలు మెదడు పని తీరును మెరుగు పరిచే విధంగా ఉండటం ఎంతో అవసరం. ఈ విధమైనటువంటి ఆహారాన్ని తీసుకోవడం వల్ల మంచి జ్ఞాపకశక్తిని, అద్భుతమైన అభిజ్ఞ పనితీరును, ఆరోగ్యకరమైన జీవితాన్ని ఆస్వాదించడానికి దోహదపడుతుంది. మెదడు మెరుగ్గా పనిచేయాలంటే మన శరీరంలో 20 శాతం క్యాలరీలను మెదడు ఉపయోగించాల్సి ఉంటుంది.
మెదడు మన శరీరం నియంత్రణ కేంద్రంగా ఉంటూ, గుండె కొట్టుకోవడం, శ్వాసక్రియకు, కదలడానికి, ఆలోచింప చేయడానికి, అనుభూతి పొందటానికి మెదడు నియంత్రణ కేంద్రంగా పనిచేస్తుంది. కనుక మన మెదడును ఎప్పుడూ గరిష్ట పని స్థితిలో ఉంచడం ఎంతో ఉత్తమం. కనుక మనం తీసుకునే ఆహార పదార్థాలు ఎల్లప్పుడూ మన మెదడును ఆరోగ్యంగా ఉంచడంతోపాటు, జ్ఞాపకశక్తి, ఏకాగ్రతను మెరుగుపరిచే విధంగా ఉండాలి. అయితే మెదడు పనితీరును మెరుగుపరిచే ఆహారపదార్థాలు ఏమిటో ఇప్పుడు తెలుసుకుందాం.
ద్రాక్ష, నారింజ, నిమ్మ వంటి సిట్రస్ జాతి పండ్లలో ఎక్కువ శాతం విటమిన్ సి లభిస్తుంది. ఇది ఒత్తిడి, నిరాశ, ఆందోళన నుంచి కాపాడటంతోపాటు మెదడు చురుగ్గా పనిచేయడానికి దోహదపడుతుంది. అదేవిధంగా సిట్రస్ జాతి పండ్లలో విటమిన్ సి పుష్కలంగా లభించడం వల్ల ఆల్జీమర్స్ వ్యాధి నుంచి కూడా విముక్తి పొందవచ్చు.
మన మెదడు ఎంతో చురుగ్గా పని చేస్తూ, ఏకాగ్రతను కలిగి ఉండాలంటే ఎక్కువగా ఒమెగా 3 ఫ్యాటీ యాసిడ్స్ వంటి ఆమ్లాలు తీసుకోవాల్సి ఉంటుంది. దీంతో మెదడు ఉత్తేజంగా మారుతుంది. ఒమెగా 3 ఫ్యాటీ యాసిడ్స్ ఎక్కువగా మనకు సాల్మన్, ట్రౌట్ వంటి చేపలలో పుష్కలంగా లభిస్తాయి. ఎక్కువ భాగం ఒమెగా 3 ఫ్యాటీ యాసిడ్స్ తీసుకోవటం వల్ల జ్ఞాపక శక్తిని పెంపొందించుకోవచ్చు.
కాఫీలో ఎక్కువభాగం కెఫిన్, యాంటీ ఆక్సిడెంట్లు అధికంగా ఉండటం వల్ల మెదడు పనితీరును మెరుగుపరుస్తాయి. అదేవిధంగా ఆల్జీమర్స్, పార్కిన్సన్స్ వంటి నాడీ వ్యాధులను కూడా దూరం చేస్తాయి.
వాల్‌ నట్స్‌ మెదడుకు మంచి ఆహారంగా చెప్పవచ్చు. వాల్‌ నట్స్‌ లో ఎక్కువ భాగం ఆల్ఫా-లినోలీనిక్ ఆమ్లం, పాలిఫినోలిక్ సమ్మేళనాలు పుష్కలంగా లభించడం వల్ల అభిజ్ఞా పనితీరును మెరుగుపరుస్తాయి.
డార్క్ చాక్లెట్ లలో కోకో పౌడర్, ఫ్లేవనాయిడ్లు, కెఫీన్, యాంటీ ఆక్సిడెంట్లు వంటివి ఉంటాయి. ఇవి మెదడు పని తీరును పెంచడానికి, రక్షించడానికి దోహదపడతాయి. డార్క్ చాక్లెట్లు తినడం వల్ల జ్ఞాపకశక్తి, మానసిక స్థితి పెరుగుతుందని పలు అధ్యయనాలు వెల్లడించాయి.
గుడ్లలో ఎక్కువభాగం విటమిన్ బి, కోలిన్ ఉంటాయి. ఇవి మెదడు పనితీరు, అభివృద్ధికి, మెదడు మానసిక స్థితిని నియంత్రించడానికి దోహదపడతాయి.
గ్రీన్ టీ మెదడును ఉత్తేజపరచే అద్భుతమైన పానీయం అని చెప్పవచ్చు. ఇందులో ఉన్నటువంటి కెఫీన్ మెదడు అప్రమత్తతను పెంచుతుంది. ఇందులో ఉన్న యాంటీఆక్సిడెంట్లు మెదడును రక్షిస్తాయి.
పై తెలిపిన ఆహారపదార్థాలను తరచూ తీసుకోవడం వల్ల మెదడు పనితీరు మెరుగ్గా ఉండడంతోపాటు ఏకాగ్రత, జ్ఞాపక శక్తి పెరుగుతాయి.
ఎప్ప‌టిక‌ప్పుడు అప్‌డేట్స్ కోసం టెలిగ్రామ్‌లో మ‌మ్మ‌ల్ని ఫాలో అవ్వండి: Ayurvedam365
