Anger : కోపం అనేది స‌హ‌జంగానే చాలా మందికి వ‌స్తుంటుంది. అయితే కొంద‌రు దాన్ని కంట్రోల్ చేసుకుంటారు, కానీ కొంద‌రు కోపాన్ని అస్స‌లు నియంత్రించుకోలేరు. దీంతో అనేక ఇబ్బందుల్లో ప‌డిపోతుంటారు. అయితే కోపం బాగా వ‌చ్చే స‌మ‌స్య ఎవ‌రికి ఉన్నా స‌రే.. దాని నుంచి బ‌య‌ట ప‌డాలి. లేదంటే అది కొన్ని సంద‌ర్భాల్లో తీవ్ర న‌ష్టాన్ని క‌ల‌గ‌జేస్తుంది. ఈ క్ర‌మంలోనే కోపాన్ని త‌గ్గించుకునేందుకు గాను ప‌లు ఆహారాల‌ను తీసుకోవాల్సి ఉంటుంది. అవేమిటో ఇప్పుడు తెలుసుకుందాం.
1. కాలిఫోర్నియా యూనివ‌ర్సిటీ ప‌రిశోధ‌కులు చెబుతున్న ప్ర‌కారం ఆహారంలో కొవ్వు ప‌దార్థాల‌ను అధికంగా తీసుకుంటే దాంతో కోపం బాగా వ‌స్తుంద‌ట. క‌నుక కొవ్వు ప‌దార్థాల‌ను త‌క్కువ‌గా తీసుకోవాలి. జంక్ ఫుడ్స్‌, నూనెలో వేయించిన ఆహారాల‌ను త‌క్కువ‌గా తినాలి. దీంతో కోపం ఆటోమేటిగ్గా కంట్రోల్ అవుతుంది.
2. ఒమెగా 3 ఫ్యాటీ యాసిడ్లు ఆరోగ్య‌క‌ర‌మైన కొవ్వుల జాబితాకు చెందుతాయి. వీటిని రోజూ ఆహారంలో తీసుకుంటే కోపం నియంత్ర‌ణ‌లోకి వ‌స్తుంది. చేప‌లు, అవిసె గింజ‌లు, గుడ్లు, బాదంప‌ప్పు, వాల్ న‌ట్స్ వంటి వాటిల్లో ఒమెగా 3 ఫ్యాటీ యాసిడ్లు అధికంగా ఉంటాయి. క‌నుక వీటిని తీసుకుంటే అధిక కోపం త‌గ్గిపోతుంది.
3. డోప‌మైన్ స్థాయిల‌ను పెంచే చేప‌లు, చికెన్‌, గుడ్లు, చీజ్‌తోపాటు పుట్ట‌గొడుగుల‌ను కూడా త‌రచూ తినాలి. దీని వ‌ల్ల కూడా కోపం త‌గ్గిపోతుంది. అలాగే పాల‌కూర, గుమ్మ‌డికాయ విత్త‌నాలు, పొద్దు తిరుగుడు విత్త‌నాల‌ను కూడా తీసుకోవచ్చు.
4. సాధ్య‌మైనంత వ‌ర‌కు స్వీట్లు, చ‌క్కెర ఎక్కువ‌గా ఉండే ఆహారాల‌ను తిన‌డం మానేయాలి. కోపం వ‌చ్చేందుకు ఇవి కార‌ణ‌మ‌వుతాయి. క‌నుక వీటిని మానేస్తే కోపాన్ని త‌గ్గించుకోవ‌చ్చు.
5. విటమిన్ డి స్థాయిలు శ‌రీరంలో అధికంగా ఉండేలా చూసుకోవాలి. అందుకు గాను గుడ్లు, పుట్ట గొడుగులు, చేప‌ల‌ను తినాలి. అలాగే సూర్య ర‌శ్మిలో ఎక్కువ సేపు గ‌డ‌పాలి. దీంతో కూడా విటమిన్ డి ల‌భిస్తుంది. ఇది రోగ నిరోధ‌క శ‌క్తిని పెంచి ఎముక‌ల‌ను దృఢంగా చేయ‌డంతోపాటు కోపాన్ని కూడా త‌గ్గిస్తుంది.
6. వంకాయ‌లు, డ్రై ఫ్రూట్స్‌, ట‌మాటాలు, చిప్స్ వంటి ఆహారాల‌ను మానేయాల్సి ఉంటుంది. ఇవి కోపం అధికంగా వ‌చ్చేందుకు కార‌ణ‌మ‌వుతాయి. క‌నుక వీటిని మానేస్తే కోపాన్ని త‌గ్గించుకోవ‌చ్చు.
