కరోనా వ‌చ్చిన వ్య‌క్తి ద‌గ్గినా, తుమ్మినా, మాట్లాడినా, పాడినా వారి నుంచి వెలువ‌డే తుంప‌ర‌లు బ‌య‌ట కొంత దూరం వ‌ర‌కు ప్ర‌యాణిస్తాయి. ఆ స‌మ‌యంలో ఇత‌రులు ఎవ‌రైనా వాటిని పీల్చుకుంటే వారికి కోవిడ్ వ‌చ్చే అవ‌కాశాలు ఎక్కువ‌గా ఉంటాయి. అయితే కన్నీళ్ల ద్వారా కూడా కరోనా వైరస్ వ్యాప్తి చెందుతుంద‌ని సైంటిస్టులు చెబుతున్నారు.
కోవిడ్ వ‌చ్చిన వ్య‌క్తి క‌న్నీళ్ల‌ను ఎవ‌రైనా తాకితే వైరస్ వారికి కూడా వ్యాపించే అవ‌కాశాలు ఉంటాయి. ఈ విష‌యాన్ని సైంటిస్టులు వెల్ల‌డించారు. ఇండియ‌న్ జ‌ర్న‌ల్ ఆఫ్ ఆప్తాల్మాల‌జీలోనూ ఈ అధ్య‌య‌నం తాలూకు వివ‌రాల‌ను ప్ర‌చురించారు. అయితే కోవిడ్ వ‌చ్చిన వ్యక్తుల కన్నీళ్ల నుంచి మనం ర‌క్ష‌ణ‌గా ఎలా ఉండాలో ఇప్పుడు తెలుసుకుందాం.
* కోవిడ్ సోకినప్పుడు మీ కళ్ళు రుద్దడం మానుకోండి. తుమ్ముతున్నప్పుడు మీ నోరు, ముక్కును కవర్ చేయండి లేదా మీ మోచేయి లోపలి భాగాన్ని ఉపయోగించండి.
* ఉపయోగించిన టిష్యూలను చెత్తబుట్టలో వేయండి. వెంటనే మీ చేతులను సబ్బు నీటితో కనీసం 20 సెకన్ల పాటు కడుక్కోండి. సబ్బు నీరు తక్షణమే అందుబాటులో లేకపోతే కనీసం 60% ఆల్కహాల్ ఉన్న హ్యాండ్ శానిటైజర్‌తో మీ చేతులను శుభ్రం చేసుకోండి.
* కోవిడ్ సోకిన వ్యక్తుల చుట్టూ ఉంటే మీ కళ్ళు, ముక్కు, నోటిని చేతులతో తాకడం మానుకోండి. అనారోగ్యంతో ఉన్న వ్యక్తులతో సన్నిహిత సంబంధాల‌ను నివారించండి.
* త‌ప్ప‌నిస‌రిగా మాస్క్ ధరించండి. భౌతిక దూరం పాటించండి. రోజూ తరచుగా తాకే ఉపరితలాలను శుభ్రపరచండి. శానిటైజేష‌న్ చేయండి. దీని వ‌ల్ల కోవిడ్ వ్యాప్తిని అడ్డుకోవ‌చ్చు.
