Dry Grapes : ఎండు ద్రాక్ష.. దీన్నే కిస్మిస్ అంటారు. దీన్ని తీపి వంటకాల తయారీలో ఎక్కువగా వేస్తుంటారు. అయితే దీన్ని రోజువారీ ఆహారంలో చేర్చుకుంటే అనేక ప్రయోజనాలు కలుగుతాయి. ముఖ్యంగా ఎండు ద్రాక్షను నీటిలో నానబెట్టి తినడం వల్ల అనేక ప్రయోజనాలను పొందవచ్చు. అవేమిటో ఇప్పుడు తెలుసుకుందాం.
1. నానబెట్టిన ఎండుద్రాక్షలో పోషకాలు పుష్కలంగా ఉంటాయి. అధిక మొత్తంలో ఇనుము, బి-కాంప్లెక్స్ విటమిన్లు ఉంటాయి. ఇవి రక్తహీనతను తగ్గించడంలో ప్రయోజనకరంగా ఉంటాయి. ఎండుద్రాక్షలో ఉండే రాగి ఎర్ర రక్త కణాల ఉత్పత్తికి సహాయపడుతుంది.
2. నానబెట్టిన ఎండుద్రాక్షను తీసుకోవడం ద్వారా రక్తపోటును నియంత్రించవచ్చు. పొటాషియం ఇందులో పుష్కలంగా లభిస్తుంది. ఇది రక్తపోటును తగ్గిస్తుంది.
3. నానబెట్టిన ఎండుద్రాక్షలను తీసుకోవడం ద్వారా మలబద్ధకం, అసిడిటీ, అలసట సమస్యల నుండి బయటపడవచ్చు.
4. ఎండుద్రాక్షలలో విటమిన్ బి కాంప్లెక్స్ తగినంత పరిమాణంలో ఉంటుంది. రక్తహీనత ఉంటే మీరు రోజూ 7-10 ఎండుద్రాక్షలను తీసుకోవచ్చు.
5. ఎండుద్రాక్షలలో కాల్షియం ఉంటుంది. కాల్షియం ద్వారా మన ఎముకలు, దంతాలు ఆరోగ్యంగా ఉంటాయి. అందువల్ల ఎండుద్రాక్షలను రోజూ తినాలి.
6. ఎండుద్రాక్షను పాలతో తీసుకోవడం వల్ల పురుషులకు చాలా ప్రయోజనకరంగా ఉంటుంది. ఒక పరిశోధన ప్రకారం.. ఎండుద్రాక్షలలో పురుషుల సంతానోత్పత్తిని మెరుగుపరిచే గుణం ఉంటుందని వెల్లడైంది. ఇది లైంగిక శక్తిని పెంచడంలో సహాయపడుతుంది. వీర్యం ఎక్కువగా ఉత్పత్తి అయ్యేలా చేస్తుంది. శుక్ర కణాలు చురుగ్గా ఉండేలా చేస్తుంది. అందువల్ల ఎండుద్రాక్షను పాలతో తీసుకోవడం మంచిది.
ఎండుద్రాక్షను రాత్రిపూట నీటిలో నానబెట్టి ఉదయం ఖాళీ కడుపుతో తినాలి. ఐరన్, పొటాషియం, కాల్షియం, మెగ్నీషియం, ఫైబర్ వంటి పోషకాలు నానబెట్టిన ఎండు ద్రాక్షలో ఉంటాయి. రోజూ 20 గ్రాముల ఎండుద్రాక్షను తీసుకోవచ్చు. ఇందులో ఉండే అన్ని మూలకాలు మన శరీరానికి ఎంతో మేలు చేస్తాయి.
