Ginger Turmeric Milk : ఒక చిన్న ఆయుర్వేద చిట్కాను ఉప‌యోగించి మ‌నం ఊబ‌కాయం, గ్యాస్, గుండెపోటు, షుగర్ వంటి వివిధ ర‌కాల అనారోగ్య స‌మ‌స్య‌ల నుండి బ‌య‌ట ప‌డ‌వ‌చ్చు. అయితే ఈ చిట్కాను వాడ‌డం వ‌ల్ల క‌లిగే ప్రయోజనాల గురించి తెలుసుకునే ముందు అస‌లు ఈ చిట్కాను ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి… అన్న వివ‌రాల‌ను ఇప్పుడు తెలుసుకుందాం. మ‌న ఆరోగ్యానికి ఎంతో మేలు ఈ చిట్కాను త‌యారు చేసుకోవ‌డానికి గానూ మ‌నం ప‌చ్చి ప‌సుపును లేదా ఆర్గానిక్ ప‌సుపును ఉప‌యోగించాల్సి ఉంటుంది. ఇలాంటి ప‌సుపును ఉప‌యోగించ‌డం వ‌ల్ల మ‌నం మంచి ఫలితాలను పొంద‌వ‌చ్చు. దీనికోసం ముందుగా ఒక గిన్నెలో ఒక గ్లాస్ పాల‌ను పోసి వేడి చేయాలి. పాలు కొద్దిగా వేడ‌య్యాక ప‌చ్చి ప‌సుపు కొమ్ముల పొడిని ఒక అర టీ స్పూన్ మోతాదులో వేసి మ‌రిగించాలి.
ప‌సుపులో ఐర‌న్, పొటాషియం, మెగ్నీషియం, క్యాల్షియం, విట‌మిన్ బి6 వంటి పోష‌కాలు ఎన్నో ఉంటాయి. ఇందులో ఉండే క‌రుక్యుమిన్ అనే ప‌దార్థం శ‌రీరంలో వాపుల‌ను, నొప్పుల‌ను త‌గ్గిస్తుంది. ర‌క్త‌ప్ర‌స‌ర‌ణను మెరుగుపరుస్తుంది. త‌రువాత ఈ పాల‌ల్లో ఒక ఇంచు అల్లం ముక్క‌ను ముక్క‌లుగా చేసి వేయాలి. ముక్క‌లుగానే కాకుండా అల్లాన్ని క‌చ్చా ప‌చ్చాగా దంచి కూడా చేసుకోవ‌చ్చు. అల్లంలో ఎన్నో ఔష‌ధ గుణాలు ఉంటాయి. మ‌న శ‌రీరానికి అవ‌స‌ర‌మ‌య్యే ఎన్నో పోష‌కాలు ఉంటాయి. ఇప్పుడు ఈ పాల‌ను రెండు నుండి మూడు పొంగులు వ‌చ్చే వ‌ర‌కు బాగా మ‌రిగించాలి. త‌రువాత ఈ పాల‌ను వ‌డక‌ట్టి ఒక గిన్నెలోకి తీసుకోవాలి. ఈ పాలు గోరు వెచ్చ‌గా అయిన త‌రువాత ఇందులో తేనెను లేదా బెల్లాన్ని క‌లిపి తీసుకోవ‌చ్చు. ఇలా త‌యారు చేసుకున్న పాల‌ను గోరు వెచ్చ‌గా ప్ర‌తిరోజూ రాత్రి నిద్ర‌పోయే ముందు తీసుకోవాలి.
ఈ విధంగా పాల‌ను తీసుకోవ‌డం వ‌ల్ల క‌లిగే ఆరోగ్య ప్రయోజనాల గురించి ఇప్పుడు తెలుసుకుందాం. ఇలా ప‌సుపు, అల్లం వేసి త‌యారు చేసుకున్న పాల‌ను తీసుకోవ‌డం షుగర్ స్థాయిలు నియంత్రణలో ఉంటాయి. అలాగే శ‌రీరంలో కొలెస్ట్రాల్ స్థాయిలు కూడా నియంత్రణలో ఉంటాయి. ఈ పాల‌ను తీసుకోవ‌డం వ‌ల్ల డ‌యాబెటిస్ వ‌ల్ల వ‌చ్చే ఇత‌ర అనారోగ్య స‌మ‌స్య‌లు కూడా తలెత్త‌కుండా ఉంటాయి. ఈవిధంగా ప్ర‌తిరోజూ పాల‌ను తీసుకోవ‌డం వ‌ల్ల శ‌రీరంలో రోగ నిరోధ‌క శక్తి పెరుగుతుంది. వైర‌ల్ ఇన్ఫెక్ష‌న్ ల బారిన ప‌డ‌కుండా ఉంటాం. క్యాన్స‌ర్ బారిన ప‌డే అవ‌కాశాలు కూడా త‌క్కువ‌గా ఉంటాయి. కీళ్ల నొప్పుల‌తో బాధ‌ప‌డేవారు, జీర్ణ సంబంధిత స‌మ‌స్య‌ల‌తో బాధపడే వారు, అధిక బ‌రువుతో బాధపడే వారు ఈ పాల‌ను తీసుకోవ‌డం వ‌ల్ల మంచి ఫ‌లితం ఉంటుంది. అనారోగ్య స‌మ‌స్య‌ల‌తో బాధపడే వారు అలాగే భ‌విష్య‌త్తులో ఇటువంటి స‌మ‌స్య‌ల బారిన ప‌డ‌కుండా ఉండాల‌నుకునే ఈ విధంగా ప‌సుపు, అల్లం వేసి పాల‌ను తీసుకోవ‌డం వ‌ల్ల చ‌క్క‌టి ఫలితాలను పొంద‌వ‌చ్చు.
