Raw Coconut For Cholesterol : ప‌చ్చి కొబ్బ‌రి.. మ‌నం ఆహారంగా తీసుకునే వాటిల్లో ఇది కూడా ఒక‌టి. ప‌చ్చి కొబ్బ‌రి చాలా రుచిగా ఉంటుంది. అలాగే ఇది మ‌న‌కు విరివిరిగా ల‌భిస్తూ ఉంటుంది. చాలా మంది దీనితో చ‌ట్నీతో పాటు ర‌క‌ర‌కాల తీపి వంట‌కాల‌ను కూడా త‌యారు చేస్తూ ఉంటారు. కూర‌ల్లో కూడా ప‌చ్చి కొబ్బ‌రిని పొడిగా చేసి వాడుతూ ఉంటారు. కొంద‌రు బెల్లంతో క‌లిపి దీనిని తింటూ ఉంటారు. అయితే చాలా మంది ప‌చ్చి కొబ్బ‌రిని తింటే ద‌గ్గు వ‌స్తుంద‌ని, బ‌రువు పెరుగుతార‌ని, కొలెస్ట్రాల్ స్థాయిలు పెరుగుతాయ‌ని దీనిని ఆహారంగా తీసుకోరు. అలాగే పిల్ల‌ల‌కు కూడా దీనిని ఆహారంగా ఇవ్వ‌రు. కానీ ప‌చ్చి కొబ్బ‌రిని త‌గిన మోతాదులో ఆహారంగా తీసుకోవాల‌ని నిపుణులు చెబుతున్నారు.
దీనిలో మ‌న శ‌రీరానికి అవ‌స‌ర‌మ‌య్యే పోష‌కాల‌తో పాటు అనేక ఆరోగ్య ప్ర‌యోజనాల‌ను దాగి ఉన్నాయ‌ని వారు చెబుతున్నారు. ప‌చ్చి కొబ్బ‌రిని తీసుకోవ‌డం వ‌ల్ల మ‌న‌కు క‌లిగే ఆరోగ్య ప్రయోజనాలు ఏమిటి..అన్న వివ‌రాల‌ను ఇప్పుడు తెలుసుకుందాం. ప‌చ్చి కొబ్బ‌రిని తీసుకోవ‌డం వ‌ల్ల శ‌రీరంలో రోగ నిరోధ‌క శ‌క్తి పెరుగుతుంది. వైర‌స్, బ్యాక్టీరియాల వ‌ల్ల క‌లిగే ఇన్ఫెక్ష‌న్ ల బారిన ప‌డ‌కుండా ఉంటాము. అలాగే ప‌చ్చి కొబ్బ‌రిని తీసుకోవ‌డం వ‌ల్ల మంచి కొలెస్ట్రాల్ స్థాయిలు పెరుగుతాయి. గుంగె ఆరోగ్యం మెరుగుపడుతుంది. దీనిలో ఉండే ఫైబ‌ర్ జీర్ణ‌క్రియ‌ను మెరుగుప‌ర‌చ‌డంలో స‌హాయ‌ప‌డుతుంది. ప‌చ్చి కొబ్బ‌రిని తీసుకోవ‌డం వ‌ల్ల తిన్న ఆహారం స‌రిగ్గా జీర్ణం అవ్వ‌డంతో పాటు మ‌ల‌బద్ద‌కం స‌మ‌స్య కూడా త‌గ్గుతుంది.
అలాగే థైరాయిడ్ స‌మ‌స్య‌తో బాధ‌ప‌డే వ‌రాఉ ప‌చ్చి కొబ్బ‌రిని తీసుకోవ‌డం వ‌ల్ల మంచి ఫ‌లితం ఉంటుంది. అలాగే ప‌చ్చి కొబ్బ‌రిని తీసుకోవ‌డం వ‌ల్ల మెద‌డు ఆరోగ్యం మెరుగుపడుతుంది. అల్జీమ‌ర్స్ వంటి స‌మ‌స్యలు రాకుండా ఉంటాయి. మెద‌డు చురుకుగా ప‌ని చేస్తుంది. ఎదిగే పిల్ల‌ల‌కు ప‌చ్చి కొబ్బ‌రిని ఇవ్వ‌డం వ‌ల్ల వారి శ‌రీరానికి కావల్సిన పోష‌కాలు ల‌భిస్తాయి. కండ‌రాలు, ఎముక‌లు ధృడంగా త‌యార‌వుతాయి. వారిలో ఎదుగుద‌ల చ‌క్క‌గా ఉంటుంది. అదే విధంగా ప‌చ్చి కొబ్బ‌రిని తీసుకోవ‌డం వ‌ల్ల శ‌రీరానికి కావల్సిన శ‌క్తి ల‌భిస్తుంది. రోజంతా ఉత్సాహంగా ప‌ని చేసుకోగలుగుతాము. అలాగే దీనిని తీసుకోవ‌డం వ‌ల్ల ర‌క్త‌హీన‌త స‌మ‌స్య త‌గ్గుతుంది. చ‌ర్మం మ‌రియు జుట్టు ఆరోగ్యం మెరుగుపడుతుంది. వృద్దాప్య ఛాయ‌లు మ‌న ద‌రి చేర‌కుండా ఉంటాయి. ఈ విధంగా ప‌చ్చి కొబ్బ‌రి మ‌న ఆరోగ్యానికి ఎంతో మేలు చేస్తుంద‌ని దీనిని వారానికి మూడు నుండి నాలుగు సార్లు తీసుకోవ‌డం వ‌ల్ల మ‌నం చ‌క్క‌టి ఆరోగ్యాన్ని సొంతం చేసుకోవ‌చ్చ‌ని నిపుణులు చెబుతున్నారు.
