Beauty With Tomato : ట‌మాట.. మ‌నం వంటల్లో విరివిరిగా ఉప‌యోగించే కూర‌గాయ‌ల్లో ఇది ఒక‌టి. ట‌మాటలో మ‌న శ‌రీరానికి అవ‌స‌ర‌మ‌య్యే ఎన్నో పోష‌కాలు ఉంటాయి. దీనిని ఆహారంగా తీసుకోవ‌డం వ‌ల్ల మ‌నం చ‌క్క‌టి ఆరోగ్యాన్ని సొంతం చేసుకోవ‌చ్చు. కేవ‌లం మ‌న ఆరోగ్యాన్ని మెరుగుప‌ర‌చ‌డ‌మే కాదు దీనిని ఉప‌యోగించ‌డం వ‌ల్ల మ‌నం మ‌న అందాన్ని కూడా మెరుగుప‌రుచుకోవ‌చ్చు. ట‌మాటలో ఉండే పోష‌కాలు మ‌న ముఖంపై ఉండే న‌లుపును తొల‌గించి చ‌ర్మాన్ని అందంగా, ఆరోగ్యంగా ఉంచ‌డంలో స‌హాయ‌ప‌డ‌తాయి. అయితే ట‌మాట‌ను ఏ విధంగా ఉప‌యోగించ‌డం వ‌ల్ల మ‌నం చ‌క్క‌టి అందాన్ని సొంతం చేసుకోవ‌చ్చో ఇప్పుడు తెలుసుకుందాం.
ఈ చిట్కాను త‌యారు చేసుకోవ‌డానికి గానూ మ‌నం ముందుగా ఒక గిన్నెలో ఒక టీ స్పూన్ పంచ‌దార‌ను తీసుకోవాలి. త‌రువాత ఇందులో ఒక టీ స్పూన్ బియ్యం పిండిని వేసి క‌ల‌పాలి. ఇప్పుడు అర చెక్క టమాటకాయను తీసుకుని దానిని పంచ‌దార మిశ్ర‌మంలో ముంచాలి. త‌రువాత టమాటకాయను పిండుతూ ఆ మిశ్ర‌మాన్ని ముఖానికి రాసుకోవాలి. ఇలా రాసుకున్న త‌రువాత ట‌మాట‌కాయ‌తోనే 3 నుండి 4 నిమిషాల పాటు మ‌ర్దనా చేసుకోవాలి. ఈ మిశ్ర‌మం ఆరిన త‌రువాత సాధార‌ణ నీటితో శుభ్రం చేసుకోవాలి. ఈ చిట్కాను రాత్రి ప‌డుకునే ముందు ఉప‌యోగించి ఉద‌యాన్నే స‌బ్బుతో ముఖాన్ని శుభ్రం చేసుకోవాలి.
ఈ విధంగా ఈ చిట్కాను వారానికి రెండు నుండి మూడుసార్లు వాడ‌డం వ‌ల్ల ముఖంపై ఉండే మృత‌క‌ణాలు తొల‌గిపోతాయి. చ‌ర్మ రంధ్రాల్లో పేరుకుపోయిన మురికి కూడా తొల‌గిపోతుంది. అలాగే ముఖంపై ఉండే నలుపు కూడా తొల‌గిపోయి ముఖం అందంగా, ప్ర‌కాశ‌వంతంగా త‌యార‌వుతుంది. ఈ విధంగా ట‌మాట‌ను ఉప‌యోగించి మ‌నం చాలా సుల‌భంగా ముఖ సౌంద‌ర్యాన్ని పెంచుకోవ‌చ్చు.
