Full Body Whitening At Home : మ‌నం రోజూ సువాస‌న‌లు వ‌చ్చే సబ్బులతో, ఖ‌రీదైన సబ్బులతో స్నానం చేస్తూ ఉంటాము. స‌బ్బు నురుగు రాగానే మ‌న చ‌ర్మం శుభ్ర‌ప‌డింద‌ని భావించి స్నానాన్ని ముగించుకుని వ‌చ్చేస్తూ ఉంటాము. కానీ స్నానం చేసిన త‌రువాత కూడా మ‌న చ‌ర్మంపై మురికి అలాగే ఉంటుంది. నిజం చెప్పాలంటే అస‌లు మ‌నం చేసే సంపూర్ణ స్నానం కాద‌నే చెబుతున్నారు. ఎంత‌ఖ‌రీదైన స‌బ్బు పెట్టి స్నానం చేసిన‌ప్ప‌టికి మ‌న చ‌ర్మ రంధ్రాలు శుభ్ర‌ప‌డ‌డం లేద‌ని, చ‌ర్మం పై మురికి అలాగే ఉంటుంద‌ని వారు చెబుతున్నారు. అస‌లు స‌బ్బును ఉప‌యోగించ‌కుండానే మ‌నం స్నానాన్ని చేయ‌వ‌చ్చ‌ని వారు చెబుతున్నారు. ఇప్పుడు చెప్పే విధంగా స్నానం చేయ‌డ వ‌ల్ల చ‌ర్మ రంధ్రాల్లో మురికి తొల‌గిపోతుంది. చ‌ర్మానికి రక్తప్రసరణ ఎక్కువ‌గా అవుతుంది.
అలాగే చ‌ర్మం తెల్ల‌గా, అందంగా, కాంతివంతంగా త‌యార‌వుతుంది. చ‌ర్మంపై మురికిని తొల‌గించి చ‌ర్మాన్ని తెల్ల‌గా మార్చే ఈ సంపూర్ణ స్నానాన్ని ఎలా చేయాలో ఇప్పుడు తెలుసుకుందాం. దీని కోసం ముందుగా చ‌ర్మానికి కొబ్బ‌రి నూనెను రాసుకోవాలి. త‌రువాత మెత్త‌టి కాట‌న్ ట‌వ‌ల్ ను తీసుకుని బ్రాత్ రూంలోకి వెళ్లాలి. త‌రువాత చ‌ల్ల‌టి నీటిని లేదా గోరు వెచ్చని శ‌రీరంపై పోసుకోవాలి. త‌రువాత ట‌వ‌ల్ ను నీటిలో త‌డిపి నీరు పోయేలా పిండాలి. త‌రువాత ఈ ట‌వ‌ల్ తో చ‌ర్మాన్ని గ‌ట్టిగా రుద్దాలి. క‌నీసం 10 నుండి 15 నిమిషాల పాటు శ‌రీరాన్ని ఇలా ట‌వ‌ల్ తో రుద్దుకోవాలి. ఇలా గ‌ట్టిగా రుద్ద‌డం వ‌ల్ల చ‌ర్మ రంధ్రాల్లో ఉండే మురికి, దుమ్ము, ధూళి ట‌వ‌ల్ కు అతుక్కుపోతుంది. అలాగే ఇలా రుద్ద‌డం వ‌ల్ల శ‌రీరంలో వేడి పుడుతుంది. చ‌ర్మానికి రక్తప్రసరణ ఎక్కువ‌గా జ‌రుగుతుంది.
చ‌ర్మం ఆరోగ్యంగా త‌యార‌వుతుంది. ఇలా ట‌వ‌ల్ తో రుద్దిన త‌రువాత శ‌రీరంపై నీటిని పోసుకుని పొడి ట‌వ‌ల్ తో తుడుచుకోవాలి. ఇలా చేయ‌డం వ‌ల్ల సంపూర్ణ స్నానం చేసిన వాళ్ల అవుతాము. అయితే అంద‌రికి రోజూ ఇంత స‌మ‌యం స్నానానికి కేటాయించ‌డం కుద‌ర‌ని ప‌ని అని చెప్ప‌వ‌చ్చు. క‌నుక క‌నీసం వారానికి రెండు సార్లైన ఇలా సంపూర్ణ స్నానం చేయ‌డానికి ప్ర‌య‌త్నించాలి. చాలా మంది స‌బ్బుతో స్నానం చేయ‌డం వ‌ల్ల మాత్ర‌మే చ‌ర్మంపై మురికి తొల‌గిపోతుంది, చ‌ర్మ వ్యాధులు రాకుండా ఉంటాయ‌ని భావిస్తారు కానీ సంపూర్ణ స్నానం చేయ‌డం వ‌ల్ల కూడా ఎలాంటి చ‌ర్మ వ్యాధులు రాకుండా ఉంటాయి. చ‌ర్మం పూర్తిగా శుభ్ర‌ప‌డుతుంది. చ‌ర్మానికి రక్తప్రసరణ ఎక్కువ‌గా జ‌ర‌గ‌డం వ‌ల్ల చ‌ర్మ రంధ్రాల్లో పేరుకుపోయిన విష ప‌దార్థాలు తొల‌గిపోతాయి. మ‌చ్చ‌లు, మొటిమ‌లు వంటి స‌మ‌స్య‌లు కూడా రాకుండా ఉంటాయి. చ‌ర్మం తేమ‌గా ఉంటుంది.
