భూమిపై ఉన్న అనేక వృక్ష‌జాతుల్లో సరస్వతి మొక్క కూడా ఒక‌టి. ఆయుర్వేద వైద్యంలో దీన్ని ఎక్కువ‌గా వాడుతారు. ఈ మొక్క ఆకులను ప‌లు ఆయుర్వేద మందుల త‌యారీలో ఉప‌యోగిస్తారు. దీన్ని ఇంట్లో కూడా మ‌నం పెంచుకోవ‌చ్చు. ఈ మొక్క వ‌ల్ల మ‌న‌కు ఎలాంటి ప్ర‌యోజ‌నాలు క‌లుగుతాయో ఇప్పుడు తెలుసుకుందాం.
* సరస్వతి మొక్క పేరుకు త‌గిన‌ట్లుగానే ప‌నిచేస్తుంది. ఈ మొక్క ఆకులు మెద‌డు ప‌నితీరును మెరుగు ప‌రుస్తాయి. జ్ఞాప‌క‌శక్తిని పెంచుతాయి. నిత్యం 4 సరస్వతి ఆకులను అలాగే న‌మిలి తింటే మేథ‌స్సు పెరుగుతుంద‌ని ఆయుర్వేదం చెబుతోంది.
* మాన‌సిక ఒత్తిడి, ఇత‌ర మాన‌సిక స‌మ‌స్య‌లు ఉన్న‌వారు నిత్యం ఈ ఆకులను తింటే ప్ర‌యోజ‌నం క‌లుగుతుంది.
* విద్యార్థులు ఈ మొక్క ఆకులను బాగా న‌లిపి ర‌సం తీసి దాన్ని పాల‌లో క‌లుపుకుని నిత్యం తాగాలి. దీంతో జ్ఞాప‌క‌శ‌క్తి పెరుగుతుంది. చ‌దువుల్లో బాగా రాణిస్తారు.
* ప‌చ్చ కామెర్లు వ‌చ్చిన వారికి సరస్వతి మొక్క ఆకుల రసాన్ని నిత్యం తాగిస్తుంటే.. ఆ వ్యాధి నుంచి వెంట‌నే కోలుకుంటారు.
* సరస్వతి ఆకుల రసాన్ని నిత్యం తాగితే ఆయుష్షు పెరుగుతుంద‌ని ఆయుర్వేదం చెబుతోంది.
* నిత్యం ఈ మొక్క ఆకుల ర‌సం తాగితే ర‌క్తం బాగా త‌యార‌వుతుంది. ర‌క్తం శుభ్రంగా మారుతుంది.
* కొద్దిగా వాము తీసుకుని పొడి చేసి అందులో సరస్వతి మొక్క ఆకుల రసాన్ని కలిపి తినాలి. దీంతో కొలెస్ట్రాల్ త‌గ్గుతుంది.
* ఈ మొక్క‌ల ఆకులను మ‌జ్జిగ‌లో 3 రోజులు నాన‌బెట్టి తరువాత వాటిని తీసి ఎండ‌బెట్టి అనంత‌రం వాటిని పొడి చేయాలి. ఈ పొడిని నిత్యం టానిక్‌లా పిల్లలకు ఇవ్వాలి. దీంతో వారికి శక్తి బాగా ల‌భిస్తుంది.
* సరస్వతి మొక్క ఆకులను నీడలో ఎండ‌బెట్టి పొడి చేసి అందులో తేనె కలిపి తీసుకుంటే.. గొంతు బొంగురు త‌గ్గుతుంది. స్వ‌ర‌పేటిక వృద్ధి చెందుతుంది. మంచి కంఠ స్వ‌రం కూడా వ‌స్తుంది.
* సరస్వతి మొక్క ఆకులను నీడలో ఎండబెట్టాలి. 5 బాదంపప్పులు, 2 మిరియాలు, వేడి నీరు పోసి ఈ ఆకులను మెత్తగా పేస్ట్‌లా చేయాలి. తరువాత ఆ మిశ్ర‌మాన్ని పలుచని వస్త్రంతో వడకట్టి అనంత‌రం వ‌చ్చే ద్ర‌వంలో తగినంత తేనె కలిపి తాగాలి. ఇలా 40 రోజులపాటు రోజూ ఉదయం తీసుకుంటే జ్ఞాపక శక్తి పెరుగుతుంది. ఈ ఔషధాన్ని మాటలు సరిగ్గా రాని పిల్లలకు వాడుతారు. నత్తిని తగ్గించే శక్తి దీనికి ఉంటుంది.
