ప్ర‌స్తుతం ఎక్క‌డ చూసిన క‌ల్తీనే జ‌రుగుతుంది. బియ్యం ద‌గ్గ‌ర నుండి ఎగ్స్ వ‌ర‌కు అంతా క‌ల్తీనే చేస్తున్నారు.ప్ర‌భుత్వం ఎన్ని క‌ఠిన చ‌ట్టాలు తీసుకొచ్చిన వారు మార‌డం లేదు. మార్కెట్లో కృత్రిమ గుడ్లు కూడా క‌నిపిస్తుండ‌డం ఆందోళ‌న క‌లిగిస్తుంది. గుడ్లలో ప్రోటీన్లు, విటమిన్లు, మినరల్స్ పుష్కలంగా ఉన్నాయి. ఇవి ఆరోగ్యానికి మేలు చేస్తాయి. అయితే మార్కెట్లో దొరికే కృత్రిమ, నకిలీ గుడ్లను తీసుకుంటే తీవ్ర అనారోగ్య సమస్యలు తప్పవంటున్నారు నిపుణులు. నకిలీ గుడ్లు నాడీ వ్యవస్థపై చెడు ప్రభావం చూపుతాయి. ఇందులోని రసాయనాలు మెదడు ఆరోగ్యాన్ని దెబ్బతీస్తాయి. ఈ గుడ్లు కాలేయానికి కూడా హానికరం. ఎముకలను బలహీనపరుస్తాయి. ఇలాంటి గుడ్లు తినడం వల్ల కిడ్నీలపై కూడా చెడు ప్రభావం పడుతుంది.
కృత్రిమ గుడ్లు తినడం వల్ల రక్తహీనత సమస్యలు ఎదురువతాయి. ఇవి రక్తపోటును కూడా ప్రభావితం చేస్తుంది. ప్లాస్టిక్ ఎగ్స్ ఎక్కువగా సింథటిక్, ప్లాస్టిక్‌తో తయారు చేయ‌బ‌డ‌తాయి. ఇవి చూడ్డానికి నిజమైన గుడ్ల వలె కనిపిస్తాయి. ఎగ్ లోని పచ్చసొన, తెల్లసొన బాగా కలిసిపోతే గుడ్డు నకిలీదని అర్థం. నిజమైన గుడ్డు నీటిలో మునిగిపోతుంది. కానీ సింథటిక్, ప్లాస్టిక్‌తో చేసిన గుడ్డు నీటిలో మునిగిపోదు. సాధారణంగా గుడ్లను బహిరంగ ప్రదేశాల్లో ఉంచినప్పుడు వాటిపై చీమలు, ఈగలు వంటివి వాలుతాయి. ఒకవేళ అలా జరగకపోతే అవి కృత్రిమ గుడ్లు కావచ్చు. అలాగే నకిలీ గుడ్లను తయారు చేయడానికి దాని షెల్ మీద ప్లాస్టిక్‌ను ఉపయోగిస్తారు. అందుకే వాటిని మంట సమీపాన ఉంచినట్లయితే గుడ్డు నుంచి కాలిన వాసన వస్తుంది. ఒక్కోసారి మంటలు కూడా వచ్చే అవకాశం ఉంటుంది.
ఇక గుడ్డు కొనేటప్పుడు దానిని గట్టిగా కదపండి. దాని నుంచి ఎటువంటి శబ్దం రాదు. నిండుగా ఉన్న భావన కలుగుతుంది. అదే నకిలీ గుడ్డును కదిలిస్తే దాని నుంచి కొంత శబ్దం వస్తుంది.ఒక గిన్నెలో నీరు పోసి అందులో గుడ్డును మెల్లగా లోపల ఉంచండి. నిజమైన గుడ్లు మునిగిపోతాయి, కాని ప్లాస్టిక్ గుడ్లు తేలుతుంటాయి.. నకిలీ ప్లాస్టిక్ గుడ్లు నీటిలో తేలియాడే లేదా భిన్నంగా ప్రవర్తించే అవకాశం ఉంది. ప్లాస్టిక్ గుడ్లలో క్యాన్సర్‌కు కారణమయ్యే ప్లాస్టిక్‌లను మాత్రమే కాకుండా, కృత్రిమ రంగులు, ప్రిజర్వేటివ్‌లు మరియు రసాయనాలు వంటి ఇతర హానికరమైన పదార్థాలను కూడా కలిగి ఉంటాయి. నకిలీ ప్లాస్టిక్ గుడ్లు తినడం వల్ల ఉబ్బరం, గ్యాస్ లేదా డయేరియా వంటి జీర్ణ సమస్యలు ఉత్ప‌న్నం అవుతాయి. స్థూలకాయం, జీవక్రియ లోపాలు మరియు కొన్ని క్యాన్సర్‌లతో సహా వివిధ సమస్యలు ప్లాస్టిక్ ఎగ్స్ వ‌ల‌న వచ్చే అవకాశం ఉంది.
