పెట్రోల్ బంకులో పెట్రోలు, డీజిల్ కూడా ఉంటాయి కదా.. అయితే దీనిని పెట్రోల్ బంక్ అని మాత్రమే ఎందుకు అంటారు.. డిజిల్ బంక్ అని ఎందుకు అనరో పూర్తి వివరాలు ఇక్కడ తెలుసుకోండి. పెట్రోల్ బంక్ ’అనే పేరునే ఎందుకు అంటారో చాలామందికి సందేహం ఉంటుంది. పెట్రోల్ బంకుల్లో డీజిల్ కూడా అందుబాటులో ఉండే పరిస్థితుల్లో, దానికి డీజిల్ బంక్ అని ఎందుకు అనడం లేదు? అసలు దీనికి ప్రత్యేకమైన కారణం ఉంది. పెట్రోల్ బంక్ అనే పదం మొదట 20వ శతాబ్దంలో వాడుకలోకి వచ్చింది. ఆ కాలంలో కార్లు ప్రధానంగా పెట్రోల్‌తో నడిచేవి. అందుకే పెట్రోల్ డిమాండ్ ఎక్కువగా ఉండేది. ఫలితంగా, ఆయిల్ కంపెనీలు పెట్రోల్ సరఫరా చేసే కేంద్రాలను పెట్రోల్ స్టేషన్స్ లేదా పెట్రోల్ బంక్స్ అని పిలిచేవారు. క్రమంగా.. ఈ పేరు ప్రజల్లో బలంగా నాటుకుపోయింది.
డీజిల్ అనేది ఆ కాలంలో కేవలం ట్రక్కులు, బస్సులు, ఇతర భారీ వాహనాలకు మాత్రమే వినియోగించబడేది. డీజిల్ వాహనాల సంఖ్య పెరిగే వరకు, పెట్రోల్ బంక్‌దగ్గర డీజిల్ అందుబాటులో ఉండేది కూడా కాదు. ఆ తర్వాత డీజిల్ వినియోగం పెరిగినప్పటికీ.. అప్పటికే పెట్రోల్ బంక్ అనే పేరు ప్రజల మదిలో ఉంది. ఆ పేరునే ఎక్కువగా ఉపయోగించేవారు. ఇంకా.. పెట్రోల్ బంక్ అనే పేరు చిన్నది, సులభంగా పలుకవచ్చు. ఈ పేరు అనేది అందరికీ అర్థమవుతుంది. అందువల్లే.. డీజిల్ కూడా అందుబాటులో ఉన్నప్పటికీ.. మొత్తం స్టేషన్‌ను ఇప్పటికీ పెట్రోల్ బంక్‌గానే పిలుస్తారు. మొత్తానికి.. పెట్రోల్ బంక్ అనే పదం చరిత్రాత్మకంగా ఏర్పడింది. ఉపయోగంలో సులభతర కారణంగా ఇప్పటికీ కొనసాగుతోంది.
ఇది కేవలం పేరులో మార్పు మాత్రమే,..కానీ నేడు పెట్రోల్, డీజిల్ రెండూ సమానమైన ప్రాధాన్యం పొందుతున్నాయి. అంతే కాదు.. డీజిల్ కంటే కూడా పెట్రోల్ రేటు అధికంగా ఉంటుంది కావునా.. పెట్రోల్ బంక్ అనే పేరు వచ్చిందని కొంతమంది విశ్లేషకులు చెబుతున్నారు. ఏది ఏమైనా.. ఏ వ్యాపారం అయినా జనాల్లో ఎక్కువగా ఏ పేరు పరిచయం ఉంటుందో.. ఆ పేర్లను మాత్రమే తమ కంపెనీ లేదా వ్యాపార దుకాణాలకు పెట్టుకుంటారు.
