ఇది ఇద్దరికి సమానమైన ఆనందాన్ని కలిగించే ఒక క్రీడ. ఈ కాంక్ష పురుషునికి ఉంటుంది, స్త్రీకి ఉంటుంది. అసలు ఈ కాంక్ష పుట్టేదే స్త్రీ లో అన్నది వాత్స్యాయనుడి ఆలోచన. అరవై నాలుగు కళల‌ను స్త్రీ కలిగి ఉంటుంది. ఈ కళలు అన్ని పురుషుడిలో కామాన్ని రేకెత్తించటానికే అని వాత్స్యాయనుడు తను రాసిన కామ శాస్రం లో రాశాడు. ఇంకా స్త్రీలను నాలుగు జాతులుగా విభజించి ఏ జాతి స్త్రీకి ఏ సమ‌యములో ఆ కాంక్ష పుడుతుందో కూడా ఆ గ్రంథములో రాశారు. బహుశా స్త్రీల శరీరము, ప్రకృతి అంటే గ్రహాలు నక్షత్రాలు వంటి వాటి వలన ఈ కాంక్షను ప్రేరేపించ బడుతుంద‌ని భావిస్తారు. వీటికి ఆధారం కొన్ని ఆడ పక్షులు జత కట్టే బుద్ది కలిగినప్పుడు ఒక రకమైన శబ్దము చేస్తాయ‌ట. ఆ శబ్దానికి మగ పక్షుల‌లో ఆ కోరిక పుట్టి ఆడ పక్షుల‌ను చేరుతాయి. అంతెందుకు గేదెలు పెంచుకునే వారికి ఇది విదితమే, ఆడ గేదె ఎదకు వస్తే అరుస్తుంది. జన్మ స్థానము నుండి తీగలుగా ద్రవాలు స్రవించబడుతుంటాయి.
మన దేశంలో ఈ విషయం పైన ఆడవాళ్లు చాలా నియమ నిబంధనలు పెట్టుకొని , పైకి చెప్పుకోవడానికి కూడా సాహసం చేయలేని పరిస్థితిలో వున్నారు. అందుకే అసలు స్త్రీలకు ఈ కోరిక ఉంటుందా అనే అనుమానం వస్తుంది. ఎందుకంటే సంప్రదాయం కట్టుబాట్లు అంటూ వారు బయట పడరు. కానీ భాగస్వామి అర్ధము చేసుకోవాలి… వాత్స్యాయనుడు కూడా ఈ విషయాన్ని ప్రస్తావించాడు. స్వేచ్ఛగా దంపతులు మనసు విప్పి మాట్లాడు కోవటం అవసరమని. ఇక సృష్టి అనే పదం వాడారు కాబట్టి దాని గురించి కూడా ఒక మాట అనుకుందాం. దేవునితో అత్మైక్యత పొందితే కలిగే ఆనందం తరువాత చెప్పుకోదగ్గ రెండవ ఆనందం ఈ క్రీడ. ఇద్దరిలో ఈ ఆనందాన్ని సృష్టి ఏర్పాటు చేసింది కాబట్టే ఈ రోజు నిరాటంకంగా అన్ని జీవరశులలోనూ నూతన సృష్టి కొనసాగుతూ ఉంది. ఇందులో ఏ సుఖం లేకుండా కేవలం పిల్లల కోసమే కలవాలి అంటే ఎందరు సుముఖత చూపిస్తారు.. పిల్లల కోసం మాత్రమే కలిసే వారు కూడా ఉన్నారు, అలాంటి వారు నూటికో కోటికో ఒక్కరు వుంటారేమో…
ఇక శారీరక ఆరోగ్యంపైన , పుట్టి పెరిగిన పరిస్థితులు , శరీర రీతిని బట్టి , ఈ కోరికలు హెచ్చుతగ్గులు ఉంటాయి. కొందరికి కొన్ని పరిస్థితుల వలన పూర్తిగా ఉండకుండా కూడా ఉంటాయి. అలాంటి వారిని నెమ్మదిగా ఆ పరిస్థితులలో నుండి బయటకు తీసుకోరావాలి. బలవంతం చేయ‌కూడదు. చివరగా ఒకరినొకరు అర్ధము చేసుకొని ముందుకు సాగాలి. వాత్స్యాయనుడి కామశాస్త్రం చదవండి. అది బూతు పుస్తకం కాదు ఇలాంటి ఎన్నో అనుమానాలు నివృత్తి చేసుకోవటానికి ఉత్తమమైన గ్రంథము. ప్రపంచానికే తలమాణికమైన ఏకైక గ్రంథము మన భారతీయుడి గ్రంథము. ఇలాంటి విషయాలు తెలుసు కోవటంలో తప్పు లేదు.
