అమ్మాయిలని ఇంప్రెస్‌ చేయడం చాలా కష్టం, కొంత మంది అమ్మాయిలు చాలా ఈజీగా ఇంప్రెస్‌ అయిపోతారు, కానీ చాలా మంది అమ్మాయిలు మాత్రం ఎన్ని చేసినా ఇంప్రెస్‌ అవరు. అది ఎలా తెలుసుకోవాలో ఇప్పుడు చూద్దాం. అమ్మాయి మనసుని అర్ధం చేసుకోవడం ఎవరి వల్లా కాదు. చివరికి ఆ ఆమ్మాయిని సృష్టించిన దేవుడికి కూడా అది సాధ్యం కాదు. పోనీ ఒక అమ్మాయి మనసుని ఇంకో అమ్మాయి తెలుసుకోగాలదా అంటే.. అది కూడా కాని పనే అని తేలిపోయింది. వీరి మనసునే కాదు… వీరి మాటలు అర్ధం చేసుకోవడం కూడా అంతే కష్టం. అందుకే అన్నారు.. ఆడ‌వారి మాటలకు అర్ధాలే వేరులే అని.
ఇలా ఎవరికీ అర్ధం కాని ఆడవారిని ప్రేమించడం చాలా సులభం… కానీ వారిని తిరిగి ప్రేమించేలా చేయడం మాటల్లో వర్ణించలేనంత కష్టం. కాని ఇప్పుడు మేము చెప్పబోయే టిప్స్ పాటిస్తే ఎలాంటి అమ్మాయయినా మీకు పడిపోవాల్సిందే..!! మీరు ఇష్టపడే అమ్మాయిని మీ సొంతం చేసుకోడానికి ఈ టిప్స్ ఫాలో అయిపోండి చాలు..!!
కానీ కొన్ని విషయాల్లో జాగ్రత్త తీసుకుంటే ఎటువంటి అమ్మాయిని అయినా ఇంప్రెస్‌ చేయొచ్చు. అమ్మాయిల ముందు సిగరెట్లు తాగకండి. అమ్మాయిల ముందు బైక్ పై ఫాస్ట్ గా వెళ్ళకండి. అమ్మాయిల ముందు ఇతరులతో కొట్లాడకండి. అమ్మాయిల ముందు బూతులు మాట్లాడకండి. స్టైల్ గా ఉండటానికి ట్రై చేయండి, కానీ మితి మీరిన అవతారాలతో అమ్మాయిలను భయపెట్టకండి. నీ కోసం చచ్చిపోతా, నువ్వంటే నాకు ప్రాణం, గుండెకాయ అంటూ సోది చెప్పకండి. తన పైన మీకు ఉన్న ప్రేమ తనకి అవసరం అయిన సందర్భాల్లో ప్రదర్శించండి. అమ్మాయి తప్పు చేస్తే నిలదీయండి, అమ్మాయి విలువలను, ఇష్టాలను, అభిమాన వ్యక్తులను గౌరవించండి. కుళ్ళు జోక్ లు వేయడం మానండి. ఒక అమ్మాయి మీరు సిగరెట్ కాల్చే స్టైల్ చూసి ఇష్టపడితే తనకి మీ ప్రాణం అంటే లెక్క లేదు అని అర్ధం.
ఒక అమ్మాయి మీరు బైక్ ని ఫాస్ట్ గా నడిపే విధానం చూసి ఇష్టపడితే మీకు ఏమైనా తనకి చింత లేదు అని అర్ధం. మీరంటే లెక్కలేని అమ్మాయిని, మీ ఆరోగ్యం పట్ల కాని, మీ తల్లి తండ్రుల పట్ల కానీ చింత లేని అమ్మాయిని ప్రేమిస్తే జీవితం నాశనం చేసుకున్నట్టే. ఒక వేళ మీరు టైం పాస్ కి వెంట పడాలి ప్రేమించాలి అని అనుకుంటే మీకు లాగే అనుకొనే అమ్మాయి వెంట పడండి. ఒక వేళ మీరు ఒక అమ్మాయిని నిజాయితీగా ప్రేమిస్తే, తనని ఎలా ఇంప్రెస్‌ చేయాలని ఆలోచించకుండా, వాళ్ల ఇంట్లో వాళ్ల‌ని ఎలా ఇంప్రెస్‌ చేయాలో ఆలోచించండి. మీరు నిజాయితీగా ప్రేమిస్తే, మీ ప్రేమను కచ్చితంగా యాక్సప్ట్ చేస్తుంది. కనుక తరువాయి ఘట్టం పెళ్లి కాబట్టి, ఆ అమ్మాయి వాళ్ల తల్లి తండ్రులని ఎలా ఇంప్రెస్‌ చేయాలో ఆలోచించండి.
