మన భారతదేశంలో చాలా మంది ఏ పని మొదలు పెట్టాలి అన్నా ముందుగా చూసుకునేది మంచి ముహూర్తం మరియు వారి పేరు మీద చేస్తే కలిసి వస్తుందా లేదా అనేది తెలుసుకుంటారు.. అయితే ఈ జాతకాన్ని అందరూ నమ్ముతారని కాదు. కొంతమంది నమ్మే వాళ్ళు ఉంటారు మరి కొంతమంది నమ్మరు.. మన ఇండియాలో చాలా మంది జ్యోతిష్య నిపుణులు కూడా అరచేతిని చూసి వారి జీవన స్థితిగతులు చెబుతూ ఉంటారు..
మరి చేతిలో మనకు ఎలాంటి గుర్తు ఉంటే ఎలాంటి పరిణామాలు చోటు చేసుకుంటాయో ఇప్పుడు చూద్దాం. అర చేతిలో ఎక్స్ ఆకారంలో గుర్తు ఉన్నట్టయితే వీరు చాలా అదృష్టవంతులు.. ఇలాంటి వారు చాలా ప్రతిభావంతులు అవుతారట.. వీరు విజయాన్ని అందుకోవడమే కాకుండా ఇతరులను కూడా విజయ పథంలో నడిపిస్తారట.. వీరికి ఏ విషయంలో కూడా తిరుగుండదని గొప్ప నాయకులుగా ఎదుగుతారని అంటుంటారు.. ఉదాహరణకు ప్రపంచాన్ని జయించిన అలెగ్జాండర్ అరచేతిలో కూడా ఎక్స్ గుర్తు ఉండేదట.
అలాగే రష్యా అధ్యక్షుడు పుతిన్, అమెరికా దివంగత నేత అబ్రహం లింకన్ అరచేతిలో కూడా x ఆకారంలో గుర్తులు ఉండేవట. వీరు నాయకులుగా ఎదగడమే కాకుండా చాలా ప్రతిభావంతులు. అలాగే ఈ గుర్తు ఉన్న వారు శారీరకంగా మానసికంగా చాలా దృఢవంతులు. వీరు తలుచుకుంటే ఏదైనా సాధించగలరనే నమ్మకం ఉంటుంది.. మరి మీ చేతిలో కూడా ఇలాంటి గుర్తు ఉందో లేదో ఓసారి పరిశీలించుకోండి..
