Aloo Carrot Masala Fry : మ‌నం బంగాళాదుంప‌లతో ఇత‌ర కూర‌గాయ‌ల‌ను క‌లిపి కూర‌లు త‌యారు చేస్తూ ఉంటాము. ఈ విధంగా మ‌నం త‌యారు చేసుకోద‌గిన వంట‌కాల్లో ఆలూ క్యారెట్ మ‌సాలా ఫ్రై కూడా ఒక‌టి. బంగాళాదుంప‌లు, క్యారెట్ క‌లిపి చేసే ఈ ఫ్రై చాలా రుచిగా ఉంటుంది. సైడ్ డిష్ గా తిన‌డానికి, అన్నం, చ‌పాతీ వంటి వాటితో తిన‌డానికి ఈ ఫ్రై చాలా చ‌క్క‌గా ఉంటుంది. దీనిని త‌యారు చేయ‌డం కూడా చాలా సుల‌భం. చాలా త‌క్కువ స‌మ‌యంలో, చాలా సుల‌భంగా దీనిని త‌యారు చేసుకోవ‌చ్చు. ఎంతో రుచిగా ఉండే ఈ ఆలూ క్యారెట్ మ‌సాలా ఫ్రైను ఎలా త‌యారు చేసుకోవాలో ఇప్పుడు తెలుసుకుందాం.
ఆలూ క్యారెట్ మ‌సాలా ఫ్రై త‌యారీకి కావ‌ల్సిన ప‌దార్థాలు..
ప‌చ్చిమిర్చి – 2, అల్లం – అర‌ఇంచు ముక్క, వెల్లుల్లి రెబ్బ‌లు – 4, నూనె – 2 టేబుల్ స్పూన్స్, ఆవాలు – అర టీ స్పూన్, జీల‌క‌ర్ర – అర టీ స్పూన్, త‌రిగిన ఉల్లిపాయ – 1, త‌రిగిన క్యారెట్స్ – పెద్ద‌వి రెండు, త‌రిగిన బంగాళాదుంప – పెద్ద‌ది ఒక‌టి, ఉప్పు – త‌గినంత, ప‌సుపు – పావు టీ స్సూన్, క‌రివేపాకు – ఒక రెమ్మ, కారం – ఒక టీ స్పూన్, ధ‌నియాల పొడి – ఒక టీ స్పూన్, గ‌రం మ‌సాలా – అర టీ స్పూన్, జీల‌క‌ర్ర పొడి – అర టీ స్పూన్.
ఆలూ క్యారెట్ మ‌సాలా ఫ్రై త‌యారీ విధానం..
ముందుగా రోట్లో ప‌చ్చిమిర్చి, అల్లం, వెల్లుల్లి రెబ్బ‌లు వేసి క‌చ్చా ప‌చ్చాగా దంచుకోవాలి. త‌రువాత క‌ళాయిలో నూనె వేసి వేడి చేయాలి. త‌రువాత ఆవాలు, జీల‌క‌ర్ర వేసి వేయించాలి. త‌రువాత ఉల్లిపాయ ముక్క‌లు వేసి వేయించాలి. త‌రువాత దంచిన ప‌చ్చిమిర్చి వేసి క‌ల‌పాలి. దీనిని ప‌చ్చి వాస‌న పోయే వ‌ర‌కు వేయించిన త‌రువాత క్యారెట్ ముక్క‌లు, బంగాళాదుంప ముక్క‌లు వేసి క‌ల‌పాలి. ఇందులోనే త‌గినంత ఉప్పు వేసి రెండు నిమిషాల పాటు క‌లుపుతూ వేయించాలి. త‌రువాత మూత పెట్టి మ‌ధ్య మ‌ధ్య‌లో క‌లుపుతూ ముక్క‌లు మెత్త‌గా అయ్యే వ‌ర‌కు వేయించాలి. ముక్క‌లు పూర్తిగా వేగిన త‌రువాత మిగిలిన ప‌దార్థాల‌ను వేసి క‌ల‌పాలి. వీటిని మ‌రో రెండు నిమిషాల పాటు వేయించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే ఆలూ క్యారెట్ మ‌సాలా ఫ్రై త‌యార‌వుతుంది. దీనిని తిన‌డం వ‌ల్ల రుచితో పాటు ఆరోగ్యాన్ని కూడా పొంద‌వ‌చ్చు. ఈ విధంగా త‌యారు చేసిన ఆలూ క్యారెట్ ఫ్రైను అంద‌రూ ఎంతో ఇష్టంగా తింటారు.
