Bendakaya Pachadi : మ‌నం బెండ‌కాయ‌ల‌తో ర‌క‌ర‌కాల వంట‌కాల‌ను త‌యారు చేస్తూ ఉంటాము. బెండ‌కాయ‌ల‌తో ఎక్కువ‌గా వేపుడు, పులుసు, కూర, డీప్ ఫ్రై వంటి వాటిని త‌యారు చేస్తూ ఉంటాము. త‌రుచూ చేసే ఈ వంట‌కాల‌తో పాటు బెండ‌కాయ‌ల‌తో మ‌నం ఎంతో రుచిగా ఉండే ప‌చ్చ‌డిని కూడా త‌యారు చేసుకోవ‌చ్చు. బెండ‌కాయ‌ల‌తో చేసే ఈ ప‌చ్చ‌డి చాలా రుచిగా ఉంటుంది. ఒక్క‌సారి దీనిని రుచిచూస్తే మ‌ళ్లీ మ‌ళ్లీ ఇదే ప‌చ్చ‌డి కావాలంటారు. తిన్నా కొద్ది తినాల‌నిపించేంత రుచిగా ఉండే ఈ బెండ‌కాయ ప‌చ్చ‌డిని ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
బెండ‌కాయ ప‌చ్చ‌డి త‌యారీకి కావ‌ల్సిన ప‌దార్థాలు..
బెండ‌కాయ‌లు – పావుకిలో, త‌రిగిన ట‌మాటాలు – 2, నూనె – ఒక టేబుల్ స్పూన్, మెంతులు – పావు టీ స్పూన్, ఆవాలు – అర టీ స్పూన్, జీల‌క‌ర్ర – ఒక టీ స్పూన్, ధ‌నియాలు- 2 టీ స్పూన్స్, వెల్లుల్లి రెబ్బ‌లు – 5, ఎండుమిర్చి – 20, క‌రివేపాకు – ఒక రెమ్మ, త‌రిగిన కొత్తిమీర – కొద్దిగా, చింత‌పండు – ఒక రెమ్మ, ప‌సుపు – పావు టీ స్పూన్, ఉప్పు – త‌గినంత.
బెండ‌కాయ ప‌చ్చ‌డి త‌యారీ విధానం..
ముందుగా బెండ‌కాయ‌ల‌ను శుభ్రంగా క‌డిగి ముక్క‌లుగా కట్ చేసుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక మెంతులు, ఆవాలు, జీల‌క‌ర్ర, ధ‌నియాలు, వెల్లుల్లి రెబ్బ‌లు వేసి వేయించాలి. ఇవి వేగిన త‌రువాత ఎండుమిర్చి, క‌రివేపాకు, కొత్తిమీర వేసి వేయించి స్ట‌వ్ ఆఫ్ చేసుకోవాలి. త‌రువాత వీటిని ప్లేట్ లోకి తీసుకుని ప‌క్క‌కు ఉంచాలి. త‌రువాత క‌ళాయిలో మ‌రికొద్దిగా నూనె వేసి వేడి చేయాలి. త‌రువాత బెండ‌కాయ ముక్క‌లు వేసి 2 నిమిషాల పాటు వేయించాలి. త‌రువాత ట‌మాట ముక్క‌లు, ఉప్పు, ప‌సుపు, చింత‌పండు వేసి క‌ల‌పాలి. వీటిపై మూత పెట్టి మ‌ధ్య మ‌ధ్య‌లో క‌లుపుతూ ముక్క‌ల‌ను బాగావేయించాలి.
ట‌మాట ముక్క‌లు, బెండ‌కాయ ముక్క‌లు పూర్తిగా మ‌గ్గిన త‌రువాత స్ట‌వ్ ఆప్ చేసి చ‌ల్లార‌నివ్వాలి. త‌రువాత జార్ లో ముందుగా వేయించిన ఎండుమిర్చితో పాటు ఇత‌ర దినుసులు వేసి మెత్త‌గా మిక్సీ ప‌ట్టుకోవాలి. త‌రువాత వేయించిన బెండ‌కాయ ముక్క‌లు వేసి ప‌ల్స్ ఇస్తూ బ‌ర‌క‌గా మిక్సీ ప‌ట్టుకుని గిన్నెలోకి తీసుకోవాలి. త‌రువాత ఈ ప‌చ్చ‌డిని తాళింపు చేసుకుని స‌ర్వ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే బెండ‌కాయ ప‌చ్చ‌డి త‌యార‌వుతుంది. దీనిని వేడి వేడి అన్నం, నెయ్యితో తింటే చాలా రుచిగా ఉంటుంది.
