Bheemla Nayak : ప‌వ‌న్ క‌ల్యాణ్‌, రానాలు ప్ర‌ధాన పాత్ర‌ల్లో వ‌చ్చిన చిత్రం.. భీమ్లా నాయక్. ఈ సినిమా ఫిబ్ర‌వ‌రి 25వ తేదీన థియేట‌ర్ల‌లో ప్రేక్ష‌కుల ముందుకు వ‌చ్చింది. ఇప్ప‌టికీ స‌క్సెస్‌ఫుల్‌గా ప‌లు థియేట‌ర్ల‌లో ప్ర‌ద‌ర్శింప‌బ‌డుతూనే ఉంది. అయితే ఈ చిత్ర యూనిట్ ప్రేక్ష‌కుల‌కు శుభ‌వార్త చెప్పింది. ఈ మూవీని త్వ‌ర‌లోనే ఓటీటీలో స్ట్రీమ్ చేయ‌నున్నారు.
భీమ్లా నాయక్ చిత్రానికి గాను డిజిట‌ల్ రైట్స్‌ను డిస్నీ ప్ల‌స్ హాట్ స్టార్‌, ఆహా సంస్థ‌లు కొనుగోలు చేసిన విష‌యం విదిత‌మే. ఈ క్ర‌మంలోనే ఈ మూవీని స్ట్రీమ్ చేసే తేదీని వారు అధికారికంగా ప్ర‌క‌టించేశారు. ఈ నెల 25వ తేదీ నుంచి ఈ సినిమా ఆయా ఓటీటీల్లో స్ట్రీమ్ కానుంది.
వ‌చ్చే శుక్ర‌వారం ఈ టైమ్‌కు ప‌వ‌ర్ తుఫాన్ మీ ఇంటికి వ‌స్తుంది, డేట్స్ మార్క్ చేసుకోండి, క్యాలెండ‌ర్ ఖాళీగా ఉంచుకోండి.. అంటే ఆహా వీడియో వారు ట్వీట్ చేశారు. ఈ క్ర‌మంలోనే మార్చి 25వ తేదీన ఈ మూవీ ఓటీటీలో స్ట్రీమ్ అవ‌డం ప‌క్కా అయింది.
ఇక ఈ సినిమాలో ప‌వ‌న్ ప‌క్క‌న నిత్య మీన‌న్‌, రానా ప‌క్క‌న సంయుక్త మీన‌న్‌లు న‌టించారు. ఈ చిత్రానికి సాగ‌ర్ చంద్ర ద‌ర్శ‌క‌త్వం వ‌హించారు. మ‌ళ‌యాళంలో హిట్ అయిన అయ్య‌ప్ప‌నుమ్ కోషియుమ్ చిత్రానికి రీమేక్‌గా ఈ మూవీని తెర‌కెక్కించారు.
