Capsicum Potato Egg Masala Curry : క్యాప్సికం పొటాటో ఎగ్ మసాలా క‌ర్రీ.. క్యాప్సికం, బంగాళాదుంప‌లు, కోడిగుడ్లు కలిపి చేసే ఈ క‌ర్రీ చాలా రుచిగా ఉంటుంది. ఒక్కసారి దీనిని రుచి చూస్తే చాలు మ‌ళ్లీ మ‌ళ్లీ ఇదే కావాలంటారు. ఈ కర్రీని త‌యారు చేయ‌డం చాలా సుల‌భం. చాలా సుల‌భంగా చాలా త‌క్కువ స‌మ‌యంలో దీనిని త‌యారు చేసుకోవ‌చ్చు. బంగాళాదుంప‌ల‌తో త‌రుచూ ఒకేర‌కం వంట‌కాలు కాకుండా ఇలా వెరైటీగా కూడా త‌యారు చేసి తీసుకోవ‌చ్చు. ఎంతో రుచిగా ఉండ‌డంతో పాటు సుల‌భంగా చేసుకునే ఈ క్యాప్సికం పొటాటో మసాలా కర్రీని ఎలా త‌యారు చేసుకోవాలో ఇప్పుడు తెలుసుకుందాం.
క్యాప్సికం పొటాటో ఎగ్ మసాలా క‌ర్రీ త‌యారీకి కావ‌ల్సిన ప‌దార్థాలు..
నూనె – 3 టేబుల్ స్పూన్స్, జీల‌క‌ర్ర – అర టీ స్పూన్, త‌రిగిన ఉల్లిపాయ‌లు – 2, అల్లం వెల్లుల్లి పేస్ట్ – ఒక టీ స్పూన్, క‌రివేపాకు – ఒక రెమ్మ, త‌రిగిన క్యాప్సికం – 2, ప‌సుపు – పావు టీ స్పూన్, ఉడికించిన బంగాళాదుంప‌లు – పెద్ద‌వి రెండు, ఉప్పు – త‌గినంత, కారం – ఒక టీ స్పూన్, ధ‌నియాల పొడి – ఒక టీ స్పూన్, నీళ్లు – అర‌గ్లాస్, ఉడికించిన కోడిగుడ్లు – 3, గ‌రం మసాలా – అర టీ స్పూన్, త‌రిగిన కొత్తిమీర – కొద్దిగా.
క్యాప్సికం పొటాటో ఎగ్ మసాలా క‌ర్రీ త‌యారీ విధానం..
ముందుగా క‌ళాయిలో నూనె వేసి వేడి చేయాలి. త‌రువాత జీల‌క‌ర్ర వేసి వేయించాలి. త‌రువాత ఉల్లిపాయ ముక్క‌లు వేసి వేయించాలి. ఉల్లిపాయ ముక్క‌లు వేగిన త‌రువాత అల్లం వెల్లుల్లి పేస్ట్ వేసి వేయించాలి. త‌రువాత క‌రివేపాకు వేసి వేయించాలి. త‌రువాత క్యాప్సికం ముక్క‌లు, ప‌సుపు వేసి క‌ల‌పాలి. వీటిపై మూత పెట్టి మ‌ధ్య మ‌ధ్య‌లో క‌లుపుతూ క్యాప్సికం మెత్త‌గా అయ్యే వ‌ర‌కు మ‌గ్గించాలి. త‌రువాత ఉడికించిన బంగాళాదుంప‌ల‌ను ముక్క‌లుగా వేసి క‌ల‌పాలి. వీటిని రెండు నిమిషాల పాటు క‌లుపుతూ వేయించిన త‌రువాత ఉప్పు, కారం, ధ‌నియాల పొడి వేసి క‌ల‌పాలి. త‌రువాత నీళ్లు పోసి క‌ల‌పాలి. త‌రువాత కోడిగుడ్ల‌కు గాట్లు పెట్టి వేసుకోవాలి. వీటిపై మూత పెట్టి నూనె పైకి తేలే వ‌ర‌కు ఉడికించాలి. కూర ఉడికిన త‌రువాత గ‌రం మసాలా, కొత్తిమీర వేసి కలిపి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే క్యాప్సికం పొటాటో ఎగ్ మసాలా క‌ర్రీ త‌యార‌వుతుంది. దీనిని చ‌పాతీ, అన్నం, పూరీ వంటి వాటితో తింటే చాలా రుచిగా ఉంటుంది. ఈ విధంగా త‌యారు చేసిన కర్రీని అంద‌రూ ఎంతో ఇష్టంగా తింటారు.
