Chicken Sherwa : ప్రోటీన్స్ క‌లిగిన ఆహారాల్లో చికెన్ కూడా ఒక‌టి. చికెన్ లో ఎన్నో పోష‌కాలు ఉంటాయి. దీనిని ఆహారంగా తీసుకోవ‌డం వ‌ల్ల మంచి ఫ‌లితాల‌ను పొంద‌వ‌చ్చు. చికెన్ తో మ‌నం ర‌క‌ర‌కాల వంట‌కాల‌ను త‌యారు చేస్తూ ఉంటాం. చికెన్ తో చేసుకోద‌గిన రుచిక‌ర‌మైన వంట‌కాల్లో చికెన్ షేర్వా కూడా ఒక‌టి. చికెన్ షేర్వాతో ఎక్కువ‌గా ప‌రాటాల‌ను తింటూ ఉంటారు. మ‌న‌కు ధాబాల‌లో, రెస్టారెంట్ ల‌లో ఇది ఎక్కువ‌గా ల‌భిస్తూ ఉంటుంది. ఈ చికెన్ షేర్వాను మ‌నం ఇంట్లో కూడా చాలా సుల‌భంగా త‌యారు చేసుకోవ‌చ్చు. చికెన్ షేర్వా అంద‌రికి ఎంత‌గానో న‌చ్చుతుంది. చికెన్ షేర్వాను రుచిగా ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
చికెన్ షేర్వా త‌యారీకి కావ‌ల్సిన ప‌దార్థాలు..
చికెన్ – పావుకిలో, ప‌చ్చి కొబ్బ‌రి ముక్క‌లు – అర క‌ప్పు, అల్లం – ఒక ఇంచు ముక్క, వెల్లుల్లి రెబ్బ‌లు – 8, త‌రిగిన ప‌చ్చిమిర్చి – 2, ల‌వంగాలు – 10, దాల్చిన చెక్క – ఒక ఇంచు ముక్క, ధ‌నియాలు – ఒక టేబుల్ స్పూన్, కారం – ఒక టేబుల్ స్పూన్, ప‌సుపు – అర టీ స్పూన్, ఉప్పు – త‌గినంత, నూనె – ఒక టేబుల్ స్పూన్, క‌రివేపాకు – ఒక రెమ్మ, త‌రిగిన కొత్తిమీర – కొద్దిగా.
చికెన్ షేర్వా త‌యారీ విధానం..
ముందుగా జార్ లో కొబ్బ‌రి ముక్క‌లు, అల్లం, వెల్లుల్లి, ధ‌నియాలు, ల‌వంగాలు, దాల్చిన చెక్క వేసి మిక్సీ ప‌ట్టుకోవాలి. త‌రువాత పావు గ్లాస్ నీళ్లు పోసి పేస్ట్ లాగా చేసుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక ప‌చ్చిమిర్చి, క‌రివేపాకు వేసి వేయించాలి. త‌రువాత చికెన్ వేసి 5 నిమిషాల పాటు పెద్ద మంట‌పై వేయించాలి. త‌రువాత మిక్సీ ప‌ట్టుకున్న పేస్ట్, ఉప్పు, కారం, ప‌సుపు వేసి క‌ల‌పాలి. దీనిని రెండు నిమిషాల పాటు వేయించిన త‌రువాత 4 గ్లాసుల నీళ్లు పోసి క‌ల‌పాలి. ఇప్పుడు దీనిపై మూత పెట్టి అర గంట పాటు మ‌ధ్య‌స్థ మంట‌పై ఉడికించాలి. ఇలా ఉడికించిన త‌రువాత కొత్తిమీర వేసి క‌లిపి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే చికెన్ షేర్వా త‌యార‌వుతుంది. దీనిని చ‌పాతీ, పరోటా, కిచిడీ, సంగ‌టి వంటి వాటితో క‌లిపి తింటే చాలా రుచిగా ఉంటుంది.
